Shaban & Fatime Prelvukaj: Çmimi i Lartë "Mikpritja Shqiptare" për "Valbona Resort & SPA"

Avni Ponari dhe Ernesto Madeo

Çmimi i Lartë "Mikpritja Shqiptare" për "Valbona Resort & SPA"

Nga Shaban & Fatime PRELVUKAJ – Hollandë

"Takimi i Plavë-Gucisë, 2025", Takim PanShqiptar- NdërBallkanik- EuroAtlantik, me tematikë: Histori- Identitet- Integrim" e nderoi "Valbona Resort & SPA" në Valbonë-Tropojë, me Çmimin e Lartë "Mikpritja Shqiptare", me motivacionin: "Në rrezatimin e kulturës e shërbimit në nivele bashkëkohore të "Turizmit Alpin" për klientët e saj, ndaj turistëve shqiptarë e të huaj, në Valbonën historike, kulturore e turistike, duke krijuar traditë të mirë e dhënë një shembull të lartë".

Dr. Ernesto Madeo - Kryetar i i Komunës Arbëreshe Shën Mitër Corones (San Demetrio Corone) në vendlindjen e Jeronim De Radës, në Rajonin e Kalabrisë, Kryetar i Fondacionit të Institutit Rajonal të Komunitetit Arbëresh të Kalabrisë, një nga personalitetet më të shquara të Arbëreshëve në Itali dhe në Botë; ia dorëzoi Çmimin e Lartë "Mikpritja Shqiptare", pronarit të "Valbona Resport & SPA", z. Avni Ponari- President i Sigal Uniqa në Shqipëri-Kosovë e Maqedoni e Veriut.

Presidente Nderi e Takimit ishte Doktore e Shkencave Anna Madeo- Konsulle Nderi e Shqipërië për Rajonin e Kalabrisë në Itali, Presidente e Kompanisë Filiera Madeo në Shën Mitër Corones, kompani agroushqimore 41-vjeçare, e para në Italinë e Jugut dhe në Amerikën e Jugut, me eksporte me miliona euro në 26 shtete nga SHBA, Kanada, Europë, e deri në Oqeani e Australi, etj.; e angazhuar në asosiacione kombëtare italiane; mjaft publike nga masmedia italiane e të botës së sotme.

Nderonin me praninë e tyre: Sh.S.Znj. Zhaklina Peto - Ambasadore e Republikës së Shqipërisë në Podgoricë, Republikën e Malit të Zi; z. Bujar Rexha - Deputet i Malësisë së Madhe e Kuvendit të Shqipërisë; Sh.T. Z. Muharrem Zejnullahu - Konsull Nderi i Shqipërisë në Bosnje-Hercegovinë, ish Ambasador i Bosnje-Hercegovinës në Shqipëri, ish Kryetar i Komunitetit Shqiptar në Bosnje-Hercegovinë; Dr. Shk. Mjekësore Ruki Kondaj – "Ambasadore e Kombit" në Kanada, e dekoruar me Trofeun "Shqiponja e Artë" (Qeveria Shqiptare, 2016); me Medaljen Jubilare të Diamantit të Mbretëreshës Elizabeth II të Mbretërisë së Bashkuar (20122); me Medaljen e Kurorezimit të Mbretit Carles III të Mbretërisë së Bashkuar (2025); Dr. Ahmet Ulaj i "Gener 2" në Tiranë- një nga kompanitë më prestigjioze të ndërtimit dhe menaxhimit të projekteve në Shqipëri, fituese e disa çmimeve ndërkombëtare brenda dhe jashtë vendit, me veprimtari në Shqipëri, Kosovë, Malin e Zi, Kroaci, Amerikë etj.; z. Skënder Thaçi- Kryetar i Shoqatës për Promovimin e Turizmit Malor të Kosovës; vëllezërit Sami e Naim Flamuri - veprimtarë të shquar atdhetar, kulturor, letrar e mediatik në Australi etj

"Valbona Resort & SPA" është i pari dhe i vetmi hotel me pesë yje në Alpet e Republikës së Shqipërisë, oaz me pesë yje, e vendosur në zemër të Parkut Kombëtar të Valbonës, të Luginës së Valbonës turistike, historike e kulturore; e rrethuar nga Alpet madhështore të Veriut të Eposit të Kreshnikëve, përreth me pyjet plot gjelbërim, lumenj të pastër kristal, ku ndërthuret luksi me bukurinë natyrore. Ky investim arkitekturor ndërthur në mënyrë harmonike elegancën moderne mehijeshinë e përjetshme të Alpeve, ku vijnë turistë nga shtete e trevat shqiptare në Ballkan dhe nga e gjithë bota, duke u larguar me kokën pas për t'u rikthyer prapë.

Urime "Valbona Resort & SPA" për vlerësimin e nderimin me Çmimin e Lartë "Mikpritja Shqiptare"!

Plavë-Guci, gusht 2025