Shyqyri Fejzo: Cikël poetik

Shyqyri Fejzo

1.Çfarë do të bënim pa leximin?

Jeta brenda i ka gjithë të mirat

Gazi, hareja e qeshura janë aty

Nuk kanë asnjë vlerë hapsirat

Po s'i prekëm dhe pamë me sy

Gjithë kontaktet e njerëzisë

Me miq e shokë në çdo anë

Faktori i parë i lumturisë

Qoftë në fshat a në Tiranë

Por koha rrjedh, çastet treten

Brenda nesh e gjejmë gëzimin

Kemi kohë që flasim me veten

Çfar do bënim sot pa leximin?

Pas këngës bukur të këndezit

Trupi e truri shpejt ringjallet

Pas kafesë tonë të mëngjezit

Me mikun e mirë qajmë hallet

Kompjuteri tërë gas na pret

Dhe për atë tani nisi dita e re

Rekomandon lajmet në gazet

Botën e pafund përpara na ve.

2.Guximi

Guximi, një furtunë si çmenduri

Ku shpresën e ngjall optimizmi

Mpleksur shpesh me madhështi

Frikë,mosbesim sjell pesimizmi

Kjo varet nga fati,ka mendime

Po fati rri krah për krah trimit

Bashkë kalojnë në shpërthime

Suksesi i arritur- biri i guximit

Katastrofë sheh në çdo lidhje

Këtë sëmundje ka sot pesimisti

Në çdo katastrofë ka një zgjidhje

Këtë këmbëngul fort optimisti

Guximi nuk bën shumë zhurmë

Bashkë me bindjen përmbys malet

Urragan me erë dhe me furtunë

Ndaj çdo pengese kurrë nuk ndalet

Trimat me këmbë për të qëndruar

Gjithë bota këtë tani fort mirë e di

Këmbët e frikacakut për të vrapuar

Ka thënë me kohë Frashëri Sami

Sot shumë gjëra kanë ndryshuar

Guxim respekt,konsensus i gjërë

Por dhe të ulesh për të dëgjuar

Ka të njëjtën vlerë për të tërë

Për shpresën, pritsen e së mirës

Ta mbështetim me kurajo e guxim

Pritses së keqes, frikës, të nxirës

Ti mbyllim dyert e rrugët pa përtim

3.Varfëria

Dembelizmi rrugës ecte ngadalë

Fliste me vete e diçka mendonte

Nuk ishte as sakat dhe as i çalë

Vetë nuk e dinte ku po shkonte

Zhurmë hapash në çast dëgjoi

Një zonjë e qeshur prapa i vinte

Nga gëzimi mendja i fluturoi

Ja. Pas dy tre hapash ajo e arrinte

"Më arrite kur jam i lodhur pak

Duket që na bashkoi shoqëria

Cila je? Dua të njoh e kam merak"

U përgjigj zonja:"Jam varfëria"

4.Rrënjët e Lumturisë

Ku ti kërkoj rrënjët e tua lumturi?

Qasjet moderne të trzojnë fort

Për ty shkruhet sot e në lashtësi

Por në një mendje s'bien dakord

Sinjali i parë shpërthen tërë gas

Në lindje, "pema e familjes" gëzon

"Rrënja boshtore" zhvillohet më pas

Me degët e saj, jeshilon e lulëzon

Në labirintet e jetës pamja e lumturisë

Kështu ka qënë, e tillë do të ngeli

Realizim i plotë i potencialit të njerzisë

Sic ka thënë e shkruar Aristoteli

Ç'të bësh, rrisku ynë është pa ndarje

Jeta s'matet sa here përpëlit synë

As sa herë ne bëjmë frymëmarrje

Çastet e lumtura na lënë pa frymë

Sot lumturisë i u shtua një rrënjë strategjike

Kontaktet njerëzore medalja e artë e shoqërisë

Si për mirëqenien emocionale dhe psikologjike

Rrënja bashkëkohore, e pa interes e lumturisë

Mund të zgjedhësh shumë sot, e vërteta

Se  janë bërë pa fund shpikje virale

Paralel me dijet është rritur dhe jeta

Në krye kapedania, Intelegjenca artificiale

Shyqyri Fejzo

Hamburg-Gjermani Shkurt 2025