Gani Pllana: Dalja në dritë

Gani S. PLLANA

DALJA NË DRITË

(Poetit Qerim Pllana)

I anatemuar,

Mendonte për pseudonim,

Talent kishte për poezi,

Talent kishte për prozë,

Romanin ëndërronte;

Po, si t’i botonte

E ku t’i botonte...?

Gërshetoi shkronjat,

Si Rilindësit krijoi pseudonimin.

Nga botimet e para u harlis,

Ndërroi shumë herë pseudonimin,

Derisa armikut i humbi gjurma...

Libri i fundit tronditi njerëzinë

E thanë, mirë paska shkruar.

Mbi të gjitha,

Bashkimin e Kombit shqiptar

S’mund t’a ndalë askush!

E shkroi, e arsyetoi

E tha me zemër poeti.

KALIM SHEKUJSH

Hieroglifet në argjile të vështira,

Hieroglife në mure;

Lëkura regjej ndër vite

Për të dalë në dritë shkronjat.

Mendja e njeriut triumfoi,

Para shumë shekujsh doli makina;

Shpëtoi shumë duar njerëzish,

Shekujt ikën si rrebesh shiu.

U bënë shumë ndryshime,

Tani është lehtësuar puna,

Janë bërë shumë përparime...

Edhe për gjyshin befasi,

Sa shpejt iku koha,

Nga një laps e fletore,

Ja, sot kompjuterë e makina;

Përnjëherë del gazeta e libri,

Për njerëzinë mrekulli.

Befasi në mileniumin e tretë

Një e pa dëgjuar dhe e paparë,

Inteligjenca Artificiale

Befasoi shumë dijetarë.