Gani Pllana: Përvjetori i Pavarësisë, i Republikës së Kosovës

Gani S. PLLANA

PËRVJETORI I PAVARËSISË

I REPUBLIKËS SË KOSOVËS

sot rrezet e diellit

ledhatojnë faqet

e të rinjëve,

të vashave, të çunave,

të mesoburrave,

të pleqëve e plakave,

të luleve,

të barit të njomë,

të lumenjëve e krojeve,

të fushave e maleve,

të lapidarëve të martirëve,

të lapidarëve të heronjëve.

kudo, festë në Kosovë!

e dëshiruan këtë ditë

me dhjetëra gjenerata;

punuan e u flijuan shumë heronj,

shumë çlirimtarë

shkuan në amshim.

me lotë në faqe,

me sy hapur

e fytyra si hëna,

me të vetmen dëshirë

për ta parë

Kosovën e Pavarur,

në truallin e Dardanisë.

kudo hare:

në rrugë,

në fshatra,

në qytete,

feston Kosova...

fytyrat e buzëqeshura,

me flamurin kuq e zi

mbi tokën Arbërore,

për ardhmërinë tonë...

DIKUR

lexonim novela e romane,

i shpërndanim te shokët ...

lexonin edhe gazeta

pritnim

me padurim programin e TVSH-së,

e shikonim me perde të lëshuara.

dikur

dilnin në demonstrata,

syri nuk na trembej;

i dilnim para policit barbar,

i dilnim para tankut të huaj;

kërkonim Universitet,

kërkonim barazi,

kërkonim Pavarësi,

kërkonim lumturi.

ERDHI LIRIA

erdhi L I R I A,

fal nënave tona heroike,

që lindën djem e vajza trimëresha;

fal gjakut të dëshmorëve,

që u sakrifikuan nëpër shekuj

fal miqve tanë në botë.