E premte, 14.02.2025, 06:32 PM (GMT)

Kulturë

Shyqyri Fejzo: Mosha e tretë është prej qelqi!

E diele, 12.01.2025, 06:35 PM


Shyqyri Fejzo

Mosha e tretë është prej qelqi!

Si prej qelqi qënka mosha e tretë

U rrëzove, mund thyesh një këmbë

Por ka dhe avaze të tjera kjo jetë

Fjala e keqe shtërngohet në dhëmbë

Lehtë të sëmuresh në këtë moshë

Si prej qelqi je, këtë mos e harro

Nuk bëhesh më shpejt i shëndoshë

Hiqe nga mendja nuk je më hero

Kujtimeve të mira u jepni dritë

Kujtimet e zymta në hije i lini

Sot me të tashmen jemi përditë

Përvojë kini, çfarë duhet e dini

Mos lemë të kaluarën të na drejtojë

Të veprojmë me forcë e me dëshirë

Mos lëmë të ardhmen të na friksojë

Të tashmen ta jetojmë sa më mire

Një jetë plot zhvilluat ndjenjën tuaj

Për atë sot shumë të drejtë kini

Mbajeni, si krenarë për veten tuaj

Kuptohet, është pjesë e asaj që jini

"Në kohën tonë" kjo frazë s'ka vend

Koha juaj është kjo që jeni tani

Pjesë e së tashmes, merret me mend

Rininë heroike nuk ua mohon njeri

Brezin e ri, mendimet e tyre mos harrojmë

Mund të mos kenë të njëjtat ide si ju sot

Por ata janë e ardhmja që  po ndërtojnë

Jepni këshilla, mençuria vlen sot e mot

Gatuar me brumë çeliku, gjatë po jetoni

Paralel me moshën,dhimbja e shqetësimi

Siç janë situatat përpiquni t'i pranoni

S'ndryshoni dot gjë, veten mos stresoni

Habiteni,qeshni me gurgule si e kini zakon

Me turmat bulevardi pa kokë e pa bisht

Që me oligarkët do të bëjë revolucion

Ky lloj është i paparë në botë sigurisht

Mes pohimit e mohimit kontradita vegjeton

Vetë zhvillimi do e gjejë gjuhën them unë

E djeshmja ndriçon, e sotmja ndriçim kërkon

Sigurisht, do e gejë se janë i njëjti brumë.

Shyqyri Fejzo, Hamburg-Gjermani.Janar 2025



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora