Gani Mehmetaj: Myslimanët e Ballkanit janë sllavë

Myslimanët e Ballkanit janë sllavë

Nga Gani Mehmetaj

Dikur myslimanë deklaroheshin vetëm boshnjakët sllavë (Bosnjë Hercegovinë), torbeshët (makedonski muslimani) dhe ndonjë deledash. Asnjë i deklaruar mysliman nuk fliste shqip. Për herë të parë me 1971 myslimanët u futën në kategorinë e kombit. Ishin komb, nuk ishin besim fetar.

Pra Jugosllavia pranonte gjashtë kombe sllave ( slloven, kroat, serb, mysliman, maqedon, malazez) dhe dy kombësi jo sllave: shqiptarët e hungarezët.

Edhe në shekullin XIX kronistët nga Perëndimi tregonin për shqiptarët të vetmit që e deklaronin kombin, përderisa sllavët në Serbi, Bullgari e Mal të Zi, në vend të kombësisë e deklaronin fenë. Komb nuk kishin.

Në ish hapësirën e Jugosllavisë janë formuar shtetet me kombet “kushtetuese” të vitit 1971. Vetëm Dardania e bëri shtetin me shqiptarë, që përbenin mbi 95 për qind të popullatës.

Rrjedhimisht të gjitha partitë politike shqiptare e kishin kryetarin dhe kryesinë shqiptare, ndërsa serbët, myslimanët, hashkalitë, romët etj, kishin partitë e tyre.

Për herë të parë në histori një kryetar partie shqiptare (LDK), tha se është mysliman.

Kështu Lidhja Demokratike e Kosovës, dikur partia më e madhe shqiptare në Ballkan, u gdhi me kryetar mysliman sllav të deklaruar, sepse komb mysliman jo sllav nuk ka.

Lidhja Demokratike e Kosovës e heshti këtë skandal, e heshti edhe shkeljen e laicizmit, Dardania është shtet laik, nuk është shtet islamik, kisha e xhamia janë të ndara nga shteti.