Gani Mehmetaj: Përdhunuesit dhe dashuria e të përdhunuarit

Përdhunuesit dhe dashuria e të përdhunuarit

Nga Gani Mehmetaj

Kur hyri Armata e Kuqe në Beograd, raportohet se përdhunuan 5000 gra e vajza serbe. Tito i dërgoi një ankesë Stalinit, duke e lutur ta frenonte këtë orgji. Por Stalini i ktheu përgjigje: duhet t’i kuptoni ushtarët tanë, kanë vuajtur shumë në luftë.

Këto kujtonte një shkrimtar rus, që kishte ardhur pas vitit 2000 në Beograd. Përkthyesja beogradase  që i bënte shoqëri, ia përsëriste shpesh “Ne ju duam”. Pastaj i tregonte historinë e familjes së saj: - Gjyshja e ruante tërë kohën nënën, që të mos binte pre e ushtarëve të Armatës së kuqe .

-Dhe a pati sukses, -e pyeti shkrimtari rus me kureshtje?

-Po. Por babi nuk u shpëtoi ushtarëve.

Dhe prapë, tregon shkrimtari rus, ajo me tha në ndarje, se na duan.

-Nuk  kuptoja pse na donin. Mua me vinte turp për këtë dashuri.

Kjo ma kujtoi përsëritjen e shpeshtë të një soji shqiptarësh që thonë se e duam turkun, kurse turku ka bërë gjëra të tmerrshme  pesëqind vjet.