Gani Mehmetaj: Shpifja për paranojën e presidentit Rugova

Shpifja për paranojën e presidentit Rugova

Nga Gani Mehmetaj

1.

Më ka treguar një truproje e Rugovës shumë kohë më parë për një ngjarje që ka ndodh me 2000. “I afroheshim rezidencës, kur na doli para një grup. Ata u shtangën, ne u shtangëm, të dy palët ishim të armatosur. Vetëm presidenti ishte i qetë. Rugova doli para nesh, kaloi para grupit që na e zu rrugën dhe u tha i qetë:

-Shkoni në shpi, djem!

Ata u tërhoqën pa asnjë fjalë, të habitur me guximin e tij, kurse presidenti eci pranë tyre i qetë.

2.

Me 1990 i bëra shoqëri vëllait tim Ali Mehmetajt në apartamentin e Rugovës në katin e shtatë në Lakrishte. Ashensori dhe korridoret dukeshin si në filmat e Hickokut. Pas bisedës për gazetën “Victoria” të Sadri Morinës, Aliu i tha:

-Kryetar pse rri në këtë banesë të frikshme?

-Ata kur të duan mund ta bëjnë të vetën, kot që ruhesh, -u përgjigj.

Nuk kishte frikë. Rugova ishte intelektuali më i guximshëm dhe më i përgatitur t’i kundërvihej Serbisë.

3.

Herën e fundit kur i bënë atentat Rugovës prapa Teatrit kombëtar, menjëherë pas shpërthimit të bombës që ia përmbysi njërën makinë, ai erdhi në takim me Solanën sikur të mos kishte ndodh asgjë, megjithëse i shau atentatorët.

Rugova nuk kishte frikë as paranojë. Ata që thonë ndryshe shpifin.