Blerim Recaj: Dromca deti

Blerim Rrecaj:

DROMCA DETI

Edhe një rresht

Një i lindur në Drenicë, që banon në Fushë Kosovë, duke pushuar në Shëngjin, lexon një libër për Gjirokastrën.

Edhe ca vargje

Në kafenetë buzë detit

Ulemi e pijmë kafe në mëngjes

E ngremë dolli

Edhe për detin e ëmbël të Shqipërisë

Që na dhuron kaq përjetime të bukura

Edhe një lojë

Çadrat e përmbledhura të plazhës

Në pragmbrëmje bëhen

Maja të thepisura vargmalesh

Mes tyre lodron dielli

E një fëmijë endet me një top të verdhë

Në të ikona me lot duke qeshë

Edhe njëherë

Vijmë si dallëndyshe

Në detet tona

Marrim e japim energji

E kthehemi si dallëndyshe

Nga atdheu në atdhe

Për ta kaluar edhe një vjeshtë

Edhe një dimër bashkë

Andej e këndej e mëtej ku kultivojmë

Udhë të përafrimit