Shyqyri Fejzo: Thërrime nga sofrat e dikurshme

Thërrime nga sofrat e dikurshme

Nga Shyqyri Fejzo

1.Shenjat e pikësimit

Të vogla në trup, në role të mëdha

Të dhjeta një për një s’i përmenda

Sjellin gëzime, por bëjnë dhe hata

Për ato ka tregime dhe legjenda

Jeta flet për mashkull apo për femër

Përvoja na thotë të veprosh pa frikë

Mos lerë kurrë një presje në zemër

Aty ku je i sigurtë se duhet pikë.

2.Dialog bashkëkohor me nipin

Gjysh, do merremi vesh ne të dy?

Shpesh më rreh mua me pambuk

Kyçe derën e banjës kur je aty

Se do të nxjerr foto në facebook

3.Kënga dhe koka

Në kotec zhurmë e madhe

S’kishte ardhur gjeli iri

U pyetën pulat me rradhë

Nuk e kish parë asnjeri

Bashkë ishim deri dje

Po  sa bukur që këndonte

Nuk e kuptojmë përse

Gjith lagjen me qejf zgjonte

Gjelkokoshi po sqaron

Heshtni,bëjeni mendjen okë

Para kohe kush këndon

Mund të mbetet dhe pa kokë.

4.Drejtëssia

Zihej rakia, kërciste oxhaku

Mes ortakëve valonte dajaku

Varda, njëri-tjetrit ja mbanin

Donin të ndanin kazanin

Rrefenja thotë, te kadiu shkuan

Për ndarjen e re drejtësi kërkuan

Kadiu që e mban “drejt sherjanë”

Me të shpejt e hapi davanë

Flet kadiu; “erdhët te unë?

Njëri merr kapak e tjetri fundë

Ti që bëre davanë

Merr në prapanicë dhe llullanë”

Kohët shkojnë e kohët ngjajnë

Gjykatat gjithnjë një turi kanë

Miqt e mi sa herë bëjnë dvanë

Sot,kanë marrë vetëm llullanë

5. Fotoja bardh e zi

Vetëm kur thinjemi e kuptojmë

Se vlente si flori ai floku i zi

Me shumë dhimbje i kujtojmë

Vitet e rinisë plot nostalgji

Kujtime në ballë të mbira

Që koha brazda e rrudha i la

Tani ato duken si çudira

Nga erdhën, e di ai që i ka

Një foto e sotme plot ngjyra

Nuk e krahasoj me bardh e zi

Të sotmen e zbukuron natyra

E hershmja mban aromë rini

6.Loti

Në gëzim a hidhërim

Ilaçi për ngushullim

Iku dhe se shohim më

Sa floriri vlente që moti

Asnjë nuk e di ç’u bë

Loti, more shokë, loti

7.Kthim i virgjërisë

-Doktoreshë.Te vendi ai pak e ka ngjyer

Kthehet  prap virgjëria, si mendon ti?

-Aq sa mund të ngjitet pasqyra e thyer

Përmori një lepur,apo më pas një mi

Kyç portë. Tu bë kopshti plot kakardhi

8. Në një PUB nate

(Sipas nje barcelete)

Taksixhi, ndalo klubit përballë

Vetëm “jo” mos më thuaj

Ti nuk e di se si e kam hallë

Sa të duash do të paguaj

Shiko atë gruan me të kuqe që kërcen?

Mbërtheje, po s’dëgjoi futi hu

Shih si hargaliset me ata djem

Dhe zvarrë ma sill mua këtu

Jo or xhan, jo, nuk është skandal

Është gruaja ime “qejfmadhe”

Më gënjeu, kur tha “do dal”

Shih se si përdridhet tani në valle

Taksixhi, qënke me huqe

Ç’është mor jahu, me ty kështu?

Unë të thashë atë me të kuqe

Ti më sjell gruan me blu.

Taksixhiu:

Falemnderit ore zotni

Drejt verejtjen ti më hoqe

Kjo me blu, që thua ti

Është e gjitha ime shoqe

Sa të ngjesh këtë në makinë

Ma ruaj  e mos ja hiq sytë

Do shkoj të kryej porosinë

Dhe të fillojmë turnin e dytë.”

9.Kontrolli puntor në blegtori.(Delet e kooperativës.)

Folë, si matuf mos rri

Fjalë e fundit të zejë vend

Si mendon kryebari?

Duhet thënë me pak mend.

„Ju lutem mbani shënim

Që të mos ketë asnjë ankim

Njëra polli, tjetra shtiu

Një mbet shterpë vetvetiu.“

10.U ndërrua zakoni

E pyetën një dit duhanin

Pse s’të shohim në tavolinë?

Si ja gjete dot dermanin

Mos je zënë me rakinë?

Bshkë gjithnjë ju shikonim

Siç rri nipi me një teze

Njerzit me ju bisedonin

Përpara tavëll e meze

“Kur ligjet u shtërnguan

Ne të dy shkuam të flemë

Njerzit zakonin e ndërruan

Tani kanë xhan kafenë.”