Diadema Stil: Pengjet e psikozave rurale

Pengjet e psikozave rurale

Nga Diadema Stil

Lufta mes klaneve dhe grupeve kriminale,  tashme ka hyre ne nje faze pa kthim, duke lene pas dhune, vrasje, pengmarrje e hakmarrje. Shoqeria shqiptare po "mesohet" me kete gangrene dhe po bashkejeton me te keqen sindromike.

Grupet kriminale të cilat operojnë në Kurbin dhe rrethinat e tij janë më të fokusuara te trafiku i narkotikëve, veçanërisht tek kultivimi i dhe tregtimi i canabisit, por edhe i drogërave të forta.

Dhuna permanante, deri tek vrasjet e kryera dhe vrasjet e mbetura në tentativë janë evidentuar se kryhen nga grupe kriminale të specializuara në vrasjet me pagesë.

I trishtë është fakti tashmë i provuar shumë herë, për lidhjet e krijuara mes përfaqësuesve të policisë së shtetit me grupet kriminale, por edhe të përfshirjes së biznesmenëve të fuqishëm, kryesisht në nivel lokal, në krime.

Fation Pjetër Prendi, i datëlindjes 10/08/1985, bashkëshortja e tij Luljana dhe vëllai i tij Mariani, banues në fshatin Adriatik-Laç-Kurbin, ka disa kohë që janë nën presionin , dhunën dhe kërcënimet e botës së krimit, që është aq e pranishme në këtë zonë. Një nga shkaqet kryesore është fakti se i ati i vëllezërve Prendi, Pjetri, është kryeplak i fshatit dhe bandat e kultivimit të kanabisit e akuzojnë se i ka spinuar në polici. Në fakt, është detyrim ligjor që kryeplaku të denoncojë kultivuesit e drogës,përndryshe ndëshkohet me vuajtje dënimi, sipas ligjit, ndaj këta trafikantë kanë ushtruar e ushtrojnë presion e dhunë mbi familjen Prendi.

Me datë 7 tetor 2016, ora 10 e mëngjesit, në shtëpinë e tyre kanë hyrë me dhunë disa persona të armatosur, kanë rrahur barbarisht kunatën Enkeleda, e cila ishte shtatzënë, të cilën e kanë marrë në makinë dhe e kanë lënë në rrugë gjysëm të vdekur. Disa persona e kanë gjetur dhe e kanë çuar në Qendrën Shëndetësore Fushë Kuqe-Laç , ku ka lindur.

Me 5 nëntor 2017, përsëri persona të armatosur hyjnë me dhunë në shtëpi, ku gjejnë vetëm nënën e Fationit, të cilën e dhunojnë barbarisht, duke e kërcënuar se do t'i zhduknin si familje, pasi ishin spiunë të policisë.

Në të dy rastet e dhunës, familja Prendi ka bërë denoncimin në policinë e Kurbinit, por pa rezultat, pasi siç do të dilite pak më vonë, shefi i komisariatit Dritan Metaj ishte eksponent i botës së krimit dhe sot vuan dënimin me burg për lidhje me grupet kriminale.