E marte, 23.07.2024, 09:14 AM (GMT+1)

Mendime

Florim Zeqa: Heroi im!

E diele, 07.07.2024, 01:06 PM


Heroi im!

Viteve të fundit është bërë dukuri e shoqërisë tonë për t’u identifikuar me emra dhe personalitete të fushës së politikës dhe jo vetëm, duke u personifikuar me heroin e tyre të preferuar, duke publikuar foton e politikanit apo të ushtarakut të preferuar me mbishkrimin “Heroi im”!

Shkruan: Florim Zeqa

Cilët janë heronjët e kohës sonë?

Shtrohet pyetja, sa janë heronjët e kohës së kaluar të denjë për rrethanat e kohës nëpër të cilën po kalojmë si komb dhe shoqëri njerëzore në përgjithësi?!

Secila periudhë kohore i ka heronjët e vet me të cilet krenohet shoqëria jonë.

Përderisa në vitet e ’90-ta heronj të gjallë konsideroheshin minatorët dhe arsimtarët, aktivistët dhe veprimtarët e kohës, gjatë periudhës së luftës çlirimtare heronj të dashur dhe të çmuar për popullin ishin luftëtarët e Ushtrisë Çlirimtare të Kosovës dhe të gjithë ata që u përballen me pustuesit serbosllav.

Heronj të kohës sonë konsiderohen të gjithë ata që bëjnë punë të mira për vendin pavarësisht pikëpamjeve ideologjike apo fetare, qofshin ata nga fusha e politikës, ekonomisë, biznesit, arsimit, kulturës, sportit, artit, etj.

Hero i kohës sonë konsiderohet secili person fizik që arrin të krijojë vende të reja pune për të gjithë qyetarët e Kosovës pa dallime partiake!

Hero i kohës sonë konsiderohet secili mjek që i qëndron besnik betimit të Hipokratit!

Hero i kohës sonë konsiderohet secili arsimtar që punon me zell dhe përkushtim për edukimin e brezave të rinj!

Hero i kohës sonë konsiderohet secili njeri që mbron dhe kultivon kulturën e kombit të vet!

Hero konsiderohet secili mërgimtar që jeton në vend të huaj, por që edukon pasardhësit e vet në frymën e pastër kombëtare, duke ua trashëguar gjuhën, kulturën, traditat e bukura, doket dhe zakonet popullore!

Hero i kohës sonë është edhe bujku që e punon tokën e vet dhe nuk e len ndjerrinë!

Heroi më i madh i kohës sonë është ai që nuk e braktisë vendlindjen e tij!

Por, hero i kohës sonë është edhe politikani i ndershëm që i shërben me devotshmëri shtetit dhe i qëndron besnik elektoratit që e ka votuar!

Heronj të kohës sonë janë të gjithë analistët dhe gazetarët që nuk pranojnë të hyjnë nën grilat e qeverisë apo nën tutelën e të fortëve të politikës, të cilët në mënyrë besnike dhe të pavarur i shërbejnë shtetit dhe qytetarëve, duke u bërë forcë kreativiteti dhe zë i fuqishëm i i ndryshimeve të pëgjithshme shoqërore, të shndërruar në zë plural për ta zbuluar lajmin edhe atëherë kur nuk shihet apo tentohet të fshihet nga pushtetarët apo grupet e interesit, për ti bërë gjithmonë të qartë lexuesit; kjo është e vërteta dhe ky është interpretimi im analitik!

T’i nderojmë dhe çmojmë heronjët e epokës sonë!

Florim Zeqa

30.06.2024



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora