Mark Palnikaj: A thua e kishte gabim ai qe shkroi se Pal Engjëlli është kushëriri i Skendërbeut?

Lexojeni!

(Dekret i përgjithshëm i shejtërisë, zotit tonë Papa Piu II, papë për provani hyjnore, i lëshuar me kërkesën e shumë të nderuarit dhe shumë të ndriturit kardinalit të Kishës së Shejtë Romane dhe zotit kryeipeshkëv të Durrësit, zotit Pal Engjëllit dhe kundër sektit muhamedan dhe në të mirë të mbretit të pathyeshëm të Arbërisë, zotit Skenderbe, kushëririt të shumë të ndriturit zotit Pal dhe sikurse duket sheshit nga vula e vënë poshtë.)

Më duhet të ju spjegoj se ky dokument ruhet në Bibliotekën Laurenciana të Firences. Në Arkivin Sekret të Vatikanit në treguesin alfabetik të emrave nuk figuronte emri i Pal Engjëllit. Ja u kërkova me insistim punonjësve të arkivit që të më gjenin së paku Bullën Papale të Papa Piut II për dekretimin e Pal Engjëllit si Kryeipeshkv i Arkipeshkvisë së Durrësit dhe as këtë nuk ma gjetën edhe pse në Librin e Konrad Eubelit Hierarchia Cattolica Vol II shënohej qartë dekretimi i këtij Arqipeshkvi. Më vunë në dispozicion disa nga dosjet e Papa Piut të dytë por atë që kërkova unë nuk qe e mundur të gjendet. Kërkimet vazhdojnë...