Albert Habazaj: Elegjia e gurit

ELEGJIA E GURIT

- Homazh për Mjeshtrin e punëve në gur, 87 vjeçarin Selman Pazaj nga Vranishti -

Nga Albert HABAZAJ

Mora vesh një lajm të keq

Për një mjeshtër, burrë të mirë,

Arti ynë sot shpirt po heq

Se gurit i dha fytyrë.

Selman Pazaj vranishtnjoti,

Në qafë të shekullit ngjitur,

Monument, si Sofra e Zotit

Aty pranë me frymë i ngritur.

U rrokullisën ca gurë

Shpejt e shpejt këtë 2 maj,

Ç'erë pranë tij i paska prurë

Po dot s'i punoi ustai...

Në dy shekujt me furtunë

Ai gurit i dha frymë,

As natën nuk flinte gjumë

Kur tek guri kishte synë...

Mora sot lajmin e hidhur

Mali qan me lot të burrit,

Varg i penës s'rri dot lidhur

Thura elegjinë e gurit.

Tiranë - Vlorë: e martë, 02.05.2024