Kimete Berisha: Eh!

Eh!

Nga Kimete Berisha

1. Një anëtar i familjes së të ndjerit i kërkoi kryeministrit që të mos e përdorë uniformën policore në Veri...

Por, si për inat, në varrimin e policit të vrarë, kryeministri e përdori 'uniformën policore' edhe më 'zi', bile kundër policit të vrarë!

Kryeministri tha se polici i ndjerë 'me uniformën policore e dha jetën për popullin, pa dallime'.

- Ky 'hero' nuk është 'kombëtar', sipas kryeministrit, por është 'hero multietnik' që e 'dha jetën' ose thënë më saktë 'nuk u flijua vullnetarisht', por 'iu mor jeta' nga kriminelët serbë...

...por që sipas kryeministrit 'polici shqiptar e dha jetën për popullin, pa dallim'.

E pandershme, sepse të përvuajturit as që e hetuan hilen gjuhësore të kryemnistrit!

2. Presidentja dhe Kryeministri e 'lavdërojnë' dhe e çojnë në qiell vdekjen 'e huaj', duke 'i nxitur' të gjithë të vdesin për popullin (pa dallim),

por vet preferojnë të jetojnë dhe ta 'materializojnë' vdekjen 'e huaj'.

Presidentja nuk e dëgjoi zërin e protestës së policëve kundër heqjes së pagesës së rrezikshmërisë në Ligjin e Pagave.

3. Dhimbjes i paraprin dashuria.

Nuk mund t'i dhemb zemra për vdekjen e policit atij që ua zvogëloi pagat policëve!

Ti respektonte e ti vlerësonte të dobishëm, nuk do të vendoste t'i linte pa pagesën e rrezikshmërisë

(derisa nga qeveria Kurti vjedhen milionat për projekte fantome).

4. Për Albin Kurtin policia ekzistojnë për të 'vdekur' për popullin (pa dallim)...

prandaj nuk paguhen që rrezikojnë, sepse e kanë për detyrë të rrezikojnë dhe 'të vdesin' për popullin (pa dallim)..

5. Më vjen keq por nuk mund të ndjesh dhembje e pastaj dhembja të 'shkaktojë' respekt!

Respektin nuk e 'shkakton' dhembshuria.

Dhembshuria është ndjenjë që 'tepron' prandaj jepet dhe shprehet me shumicë!

6. Pasi që tha që nuk ka arritje më të madhe në jetë sesa të 'vritesh' për popullin (pa dallim), Albin Kurti lozi me rima me emrin e policit të vrarë.

Vetëm një njeri që ka nge, dhe një narcisist, koncentrohet të duket interesant e 'i mençur', me sofizma e pallavra, në varrim...merret me

emrin e jo me fatin e njeriut...

7. Premtojnë drejtësi, shumë drejtësi. Sidomos Presidentja!

Por të gjithë ne që e kemi përjetuar luftën, e kemi parë se drejtësia nuk ekziston.

- Keni parë drejtësi për fëmijët e vrarë të Jasharve?

- Keni parë drejtësi për gratë e dhunuara?

- Keni parë një drejtësi të vetme në këtë vend?

- Mos 'u joshni' nga 'vdekja', të cilës' i duartroket kryeministri si veprës më të madhërishme.

8. Liria nuk krijon heronj!

9. Është ky kryeministër që tha se vrasësi i civilëve shqiptarë - Oliver Ivanoviç 'ishte njeri 'i mirë, i mprehtë dhe i ndershëm'.

Është ky kryeministër që e angazhoi Mimoza Kusarin të lidhet në mënyrë sekrete me Milan Radojçiqin e të merret vesh me të për të ' vrarë' moralisht veteranët e UÇK-së!

(Për të biseduar tinëz me Milan Radojçiq, Mimoza Kusari e ka çuar Kuvendin  në pauzë).

- Është ky i njëjti kryeministër që u jep paga të rregullta terroristëve serbë të 'Mbrojtjes Civile',

dhe përditë nëpërmjet prokurimit fut në lista të pagave serbë 'të paverifikuar'.

- Është ky i njëjti kryeministër që ka zgjedhur për këshilltarë trashëgimtarët e bashkëpunëtorëve shqiptar? të Serbisë!