E hene, 15.04.2024, 09:00 PM (GMT+1)

Mendime

Florim Zeqa: E dua Mitrovicën sa tërë Kosovën!

E enjte, 21.09.2023, 07:56 PM


E dua Mitrovicën sa tërë Kosovën!

Shkruan: Florim Zeqa

Qyteti i Minatorëve

Kështu e quanin Mitrovicën e tërë Kosova në fund të viteve të ’80-ta, si sinonim me Grevën e Minatorëve të shkurtit të vitit 1989. Greva e 1300 minatorëve të Kosovës në vitin 1989 ishte një grevë urie e iniciuar nga punëtorët e Minierave të Trepçës më 20 shkurt 1989 kundër heqjes së autonomisë së Krahinës së Kosovës nga Republika Socialiste e Serbisë. Greva përfundoi më 28 shkurt pas shtrimit në spital të 180 minatorëve dhe dorëheqjes së krerëve të Lidhjes Komuniste të Kosovës Rahman Morina, Ali Shukriu dhe Husamedin Azemi.

Greva e vitit 1989 ishte shndërruar në rezistencë paqësore mbarë popullore për të mbrojtur Kosovën nga regjimi i Sllobodan Millosheviqit, duke shënuar njëherit edhe fillimin e zhbërjes së Jugosllavisë.

Histori e vjetër dashurie për Mitrovicën

Me të arritur në qytetin e Mitrovicës, objekti i parë që bie në sy është Përmendorja e lartë e Minatorëve, në një kodër, herë të gjelbëruar, herë të tharë e herë të mbuluar me borë buzë pjesës urbane të qytetit. Në kujtesën e secilit qytetar dhe vizitor, emri i Mitrovicës korespondon me këtë objekt, që shihet nga të gjitha pjesët e qytetit. Ky monument ka nisur të ndërtohet në vitin 1959 në vendin e quajtur “Kodra e Minatorëve” dhe është përfunduar në vitin 1973.

Janë shumë pika turistike dhe monumentale në Mitrovicë, por Monumenti i Minatorëve, Kalaja e Zveçanit dhe Kulla e Isa Boletinit ishin ndër vendet historike më të vizituara gjatë kohës së studimeve në ‘Qytetin e Minatorëve’.

Përderisa dy të parat, Monumenti Minatorëve dhe Kalaja e Zveçanit janë të pandryshuara që nga vitet e ’80-ta, kurse Kulla e Isa Boletinit asokohe ishte e rrënuar, ku vetëm një gurë vertikal i shtëpisë i kishte mbijetuar kohës. Për fat të mirë sot Kulla është e rindërtuar dhe e kthyer në Muze Kombëtar për vizitorët.

I ndava këto tre pika orjentuese të ish qytetit të bashkuar të Mitorvicës me të cilat ndërlidhet edhe dashuria e jetës ime, e cila më bën ta dua Mitrovicën sa tërë Kosovën.

Si e mësova historinë e vërtetë të Isa Boletinit

Ndjenjë e mirë është kur e sheh origjinalin, e krejt ndjenjë tjetër kur e sheh kopjen e atij origjinali!

Ndjenjë e mirë është kur historinë e heroit kombëtar e mëson nga historianët, por krejt ndjenjë tjetër kur atë e dëgjon dhe e mëson nga familjarët dhe pasardhësit të heroit!

Ndjehem me fat që historinë e vërtetë të heroit kombëtar Isa Boletini e mësova në fshatin Boletin në pranverën e vitit 1983 gjatë vizitës me mikun Xhevat Zeneli në konakun e profesorit Rrustem Peci-Boletini (dajë i mikut tim).

Më shumë mësova për Isa Boletinin për një ditë të vetme në Boletin sesa për dekada nga profesorët dhe historianët e kohës!

Më shumë kam mësuar për Isa Boletinin nga libri KUJTIME i Tafil Boletinit (nip i Isa Boletinit) sesa nga secili libër historie që kam lexuar deri më tani.

Vetëm në librin KUJTIME të Tafil Boletinit i ndarë në dy vëllime; PRANË ISA BOLETINIT & PËRBALLË SFIDAVE TË KOHËS, mund ta mësoni historinë e vërtetë dhe të drejtë të Isa Boletinit.

Ju bëjë thirrje publike gjithë opinionit të gjërë, shqiptarëve në trojet etnike dhe diasporë që ta lexojnë këtë libër e të mos bien pre e pseudo-historianëve të sojit të keq, të cilët me porosi të armiqve tonë shekullorë po trumbetojnë të pavërteta për Isa Boletinin dhe Ismail Qemalin.



(Vota: 0)

Komentoni
Komenti:

Artikuj te tjere

Idriz Zeqiraj: OVL e UÇK të shkarkojë kryesinë e saj kundra-kombëtare Mehmet Kraja: Fjalë e mbajtur në Konferencën VII të Procesit të Berlinit, Tiranë 19 shtator 2023 Fazli Maloku: Dritan Goxhaj është "fajtor" sepse frymon shqip, mendon shqip, gjykon shqip, vepron shqip! Florim Zeqa: ‘Supermani’ i bashkësisë së vogël shqiptare! Enver Bytyçi: Demokracia shuhet edhe kur pushteti e media bëhen bashkë! Eshref Ymeri: Gjenerali që ia hoqi petën lakrorit rus Albert Zholi: Prof. Lush Susaj - Pajisjet e zyrave, zjarret dhe emërimet janë pjesë e korrupsionit dhe pandëshkueshmërisë Kimete Berisha: Abracadabra - Albin Kurti ju zhduk nga faqja e dheut! Kalosh Çeliku: Zgjidhja e problemit të Ballkanit nesër Kalosh Çeliku: 'Kryeministri shqiptar' Ndue Dedaj: Sot Shqipëria bëhet Enver Bytyçi: Albini përballë tre njërëzve që nuk e duan Kosovën! Florim Zeqa: Kur qan zemra e mërgimtarit shterret edhe oqeani! Adil Fetahu: Statuti i Lidhjes së Dytë të Prizrenit Kimete Berisha: Shfaqjet e dështuara të Albin Kurtit! Kalosh Çeliku: 'Hasmi' i babait Florim Zeqa: Cila do të jetë ‘sekuenca’ e radhës e Albin Kurtit!? Milazim Zeqiraj: Iniciativë për organizimin e përvjetorit të dhenjës së çmimit Saharov presidentit historik Ibrahim Rugova në Parlamentin Europian Gjekë Gjonaj: Një proces barbar dhe i dhimbshëm ndaj malësorëve Aurel Dasareti: Gjer kur do t`i lemë psikopatët të na zhveshin, ne të qajmë, ata të qeshin?

Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora