Mihal Gjergji: Poeti

Mihal Gjergji

P O E T I

Me bririn e Hënës ta pija

Një kup’ me raki a me verë

Me botën kundruall të rrija

Se bota s’kupton asnjëherë

Në brazda të gjata mendimi

Të ndalja një çast vetmitar

Më lodhi kjo perde trishtimi

Që nderet mbi shpirtin e vrarë

T’ia pi atë sy si të natës

Kaprolles që vret edhe shkon

Me degën e njomë të lofatës

Do bëj një bilbil që këndon

Dhe buzën e gjaktë si qershia

Kush vallë e rrufit, nuk e di

Me ç'mjalt na ushqen poezia

Kur buzën poeti s’e pi ?!

Pastaj le të shkruaj qitapi

Që unë paskam qënë mëkatar

Dhe priftin me mjekër si cjapi

Ma sillni atje dëshmitar

Tiranë, Shtator 2015.