E diele, 14.04.2024, 07:17 PM (GMT+1)

Kulturë

Sevdail Hyseni: Kumbara

E diele, 07.08.2022, 09:44 AM


Sevdail Hyseni

Satirike

Kumbara

Kur na vdiq Kumbara

Derdhëm lot përpjetë,

Na humbën të mirat

Që kishim n’pushtet!

Tani më nuk kemi

Si dikur pozita,

T’jemi me dy lugë

T’hamë në dy korita!

Me t’ikur Kumbara

Vajtën punët pus,

Mbetëm të keqen

Pa Trup Koordinues!

Së shpejti do t’ngelim

Edhe pa një Këshill...

Që ka mbetur vetëm

Si  lisi në pyll!

Nuk paska më zor

Të jesh pushtetar,

T’presësh si veshgjati

Kur të mbijë bar!

Askujt në këtë  jetë

Me zhurmë dhe bujë,

S’i ka shkuar gjatë

-Kungulli mbi ujë!

Mos u merakosni

Nuk jemi pa fat,

Ndoshta na kthehet

Kumbara lugat!

S’duhet dëshpërimet

Të ngrihen si çmimet,

-Vetëm tullacit

Nuk i dalin qimet!

(Karikatura marrë nga interneti)



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora