Mikpritje në Ministrinë e Kulturës

Delegacioni i Shoqatës për Trashëgimi dhe Krijimtari i Luginës së Preshevës, me seli në Preshevë hasi në mikpritje të sinqertë në Ministrinë e Kulturës, Rinisë dhe Sportit të Republikës së Kosovës

Dje, më 13 korrik 2022, delegacioni i Shoqatës për Trashëgimi dhe Krijimtari kulturore në Preshevë, në përbërje të: Xhemaledin Salihu, kryetar, Xhemaludin Rexhepi, profesor i gjuhës dhe letërsisë shqipe, Agim Arifi, mësimdhënës i artit dhe Musli R. Emini, student i arkeologjisë, anëtarë të kësaj Shoqate u pritë në takim nga Znj. Nora Arapi Krasniqi, këshilltare e lartë në Ministrinë e Kulturës, Rinisë dhe Sportit të Republikës së Kosovës.

Në emër të Ministrit të Kulturës, mirëseardhje na dëshiroi këshilltarja e lartë që gjatë gjithë takimit të përzemërtë shprehu mikpritje të lartë për delegacionin  e Preshevës.

Për historikun, veprimtarinë, aktivitetet, problemet e Shoqatës , Znj. Nora Arapi e njoftoi Xhemaledin Salihu, kryetar. Poashtu u shprehën edhe anëtarët e tjerë të delegacionit.

Znj. Nora Arapi Krasniqi na ndëgjoi me shumë vëmendje, me shumë interesim lidhur me problemet dhe hallet e Shoqatës për Trashëgimi kulturore, por edhe për problemet e shoqatave të tjera nga Lugina e Preshevës, sidomos pas shpalljes së konkursit nga Ministria e Kulturës, nëpërmjet platformës E-Kosova, ku nuk patën mundësi të konkurojnë shumica e Shoqatave.

Znj. Nora Arapi Krasniqi u zotua se do ta njoftoj Ministrin e Kulturës, Z.Hajrullah Çeku, bile edhe Ministrinë e Financave dhe do të kërkoj zgjidhje institucionale për problemet e Shoqatës për Trashëgimi dhe Krijimtari kulturore, po edhe të shoqatave të tjera kulturore në Luginë të Preshevës.

Delegacioni e falemnderoi Znj, Nora Arapi për mikpritje dhe i uroi shendet dhe suksese në punën e saj dhe të Ministrisë së Kulturës, Rinisë dhe Sportit të Republikës së Kosovës, në mbështje dhe përkrahje edhe financiare të shoqatave kulturore në Luginë të Preshevës. Asaj iu dorëzuan edhe dy

libra, botime të Shoqatës.

Në fund të themi se delegacioni e falemnderoi Znj. Nora Arapi, Ministrin Z. Hajrullah Çeku dhe Ministrinë e Kulturës për përkrahjen dhe mbështetjen edhe financiare të shoqatave kulturore, sidomos të Shoqatës për Trashëgimi dhe Krijimtari kulturore në Preshevë, në kohën kur përshkak të mjeteve financiare komuna e Preshevës nuk shpalli konkurs për shoqatat kulturore dhe kur në Ministrinë e Kulturës në Beograd vështirë depërtohet më projekte të mirëfillta kulturore.