E enjte, 28.03.2024, 01:52 PM (GMT)

Mendime

Klajd Kapinova: Kisha lejon me ndërgjegje imazhin blasfemik në hyjnizimin apo shenjtërimin e George Floyd

E diele, 12.12.2021, 10:59 AM


Kisha lejon me ndërgjegje imazhin blasfemik në hyjnizimin apo shenjtërimin e George Floyd si kopje e Jezusit në Universitetin Katolik Amerikan (1895-2021)

George Floyd, nuk është dëshmori im. Ai mund të jetë i juaji. Atij i kishin kryer autopsi të shumëfishtë dhe të gjithë konkluduan të njëjtën gjë: ai nuk vdiq nga shtypja në fyt. Ai ishte një i varur nga droga, i cili kishte marrë shumë drogë mbidozë. Faktet janë se Derek Chauvin nuk e shkaktoi vdekjen e tij." - Candace Owens

George Floyd, nuk është Jezu Krishti. Ai nuk është shenjtor, as martir, dhe sepse, në çfarëdo mënyre, krahasohet me djalin e pamëkat të Zotit të Plotfuqishëm, duhet t'i bëjë një dëm të madh shumicës dërrmuese të katolikëve dhe teologjisë katolike.” - Blayne Clegg.

Nga Klajd Kapinova

Një pikturë me ngjyra pieta e ekspozuar në shkollën juridike të Universitetit Katolik të Amerikës, që disa e shohin se përshkruan afrikano amerikanin drogaxhi George Floyd në vendin e Jezusit u vodh, sikurse njoftoi shkolla.

Por në një email, më 24 nëntor 2021, Presidenti John Garvey tha se vepra artistike, e cila shkaktoi një reagim të ashpër në mediat sociale dhe një peticion të vazhdueshëm, që kërkonte heqjen e saj, është zëvendësuar nga një version më i vogël i së njëjtës pikturë, që varej më parë në kampusin e shkollës.

Piktura bazohet në pikturën e famshme La Pieta të autorit Italian Mikelanxhelo, e realizuar rreth vitit 1498, e cila ndodhet aktualisht në Bazilikën e Shën Pjetrit në qytetin e Vatikanit. Vepra e rilindasit italian e përshkruan Marinë duke mbajtur trupin e vdekur të Jezusit në krahë. Skulptura origjinale prej mermeri përshkruan nënën e Jezusit, Marinë, duke mbajtur trupin e djalit të saj të vdekur në prehër.

Piktura e Kelly Latimore me titull “Mama”, përshkruan një nënë me ngjyrë afrikano amerikane, që mban në gjoks djalin e saj të vdekur.

Organizata Amerikane Studentore CUA Young Americans for Freedom filloi një peticion për të hequr pikturën nga kampusi. Ne po kërkojmë përmes këtij peticioni që administrata e Universitetit t'i heqë këto imazhe nga ekspozimi publik në kampusin tonë, pasi besojmë se ato janë mosrespektuese dhe sakrilegjike”, thuhej në Peticion.

Pak fjalë mbi Universitetin Katolik të Drejtësisë

Shkolla e Lartë e Drejtësisë në Columbus, e njohur gjithashtu si Ligji CUA, është shkolla juridike e Universitetit Katolik të Amerikës, e cila ndodhet në Uashington, D.C.

Ajo ka më shumë se 450 studentë të Jurisprudencës, të cilët ndjekin Ligjin CUA. Klasat hyrëse zakonisht përbëhen nga rreth 150 studentë, duke përfshirë programet e ditës dhe ato të orëve të mbrëmjes. Rreth 1,900 studentë aplikojnë çdo vit për të hyrë në auditoret e tij.

Sipas burimeve historike të shkollës në fjalë del se Universiteti Katolik i Amerikës filloi të ofrojë mësime në drejtësi qysh në vitin 1895 si pjesë e vendimit të tij, për të hapur "fakultete për laikët". Departamenti u shndërrua në një shkollë zyrtare në vitin 1898.

Shkolla juridike e Universitetit Katolik ka krijuar një histori progresive të përfshirjes. Studenti i saj i parë afrikano-amerikan u regjistrua në vitin 1902, kurse studentja e parë femër në vitin 1922.

Në vitin 1919, Knights of Columbus themeluan një program arsimor të njohur si Universiteti i Columbus, i cili ofronte një program edukimi në mbrëmje për veteranët katolikë të luftës, të cilët ktheheshin nga Lufta e Parë Botërore. Ky institucion ishte i lidhur ngushtë me Universitetin Katolik dhe ndante fakultetin në vendndodhjet e të dy institucioneve në Uashington, DC.

Në vitin 1954, Universiteti Columbus (tani përbëhet vetëm nga një shkollë juridike në mbrëmje) u bashkua me shkollën juridike të Universitetit Katolik, për të formuar Shkollën e Drejtësisë Columbus. Shkolla juridike është akredituar nga Shoqata e Shkollave Amerikane të Drejtësisë, që nga viti 1921 dhe Shoqata Amerikane e Avokatëve që nga viti 1925.

Programi mësimor i Universitetit Katolik, mund të përfundojë gjatë tre viteve të studimit ditor me kohë të plotë ose katër viteve të studimit me kohë të pjesshme në mbrëmje.

Blasfemia në hyjnizimin e George Floyd në Universitetin Katolik Amerikan

E titulluar "Mama", piktura kontraversale e realizuar nga artistja amerikane Kelly Latimore, u instalua në muajin shkurt 2021, jashtë kapelës në Shkollën Juridike të Universitetit Columbus.

Vetë Lattimore, ka thënë se piktura ishte porositur për të pasqyruar George Floyd, por kur u pyet nga një intervistues nëse figura në pieta është Floyd apo Jezusi, ajo u përgjigj në mënyrë të paqartë, duke u përgjigjur më në fund me një "Po".

George Floyd ishte 46 vjeç, kur u vra në rrugë nga një polic në maj të vitit 2020, duke shkaktuar protesta të parapërgatitura të dhunshme, djegie, shkatërrime, rrëzimin e 130 monumeneteve të historisë të lavdishme amerikane në mbarë SHBA.

Ish-oficeri i policisë së Minneapolis, Derek Chauvin, i cili e mbajti në një gju në qafën e Floyd për më shumë se 9 minuta, u dënua më vonë për tre akuza: për vrasje të paqëllimshme të shkallës së dytë, vrasje të shkallës së tretë dhe vrasje të shkallës së dytë. Ai u dënua me 22 vjet e gjysmë burg.

Mes polemikave mbi George Floyd është vjedhur piktura e tij si Jezus

Në përgjigje të mbulimit mediatik të pikturës, në fillim universiteti ka marrë një “numër të konsiderueshëm email-esh dhe telefonatash”, tha Garvey.

Disa kritikë e quajtën imazhin blasfemik, sepse e panë atë si hyjnizimin ose shenjtërimin e George Floyd. Disa komente që morëm ishin të menduara dhe të arsyeshme. Pjesa më e madhe e kritikave erdhën nga njerëz pa lidhje me Universitetin,” tha ai.

Garvey shkroi se ndërsa polemika u zhvillua, universiteti lëshoi ??një deklaratë, të cilën ai e përfshiu në emailin e tij.

"Ikona "Mama" është një pieta që përshkruan Marinë dhe Birin e saj, Jezu Krishtin. Shkronjat në aureolë janë ? ??, që është stenografi në greqisht, që do të thotë Unë jam. Shkronjat përdoren në ikona, vetëm në lidhje me Jezu Krishtin, Birin e Perëndisë", thuhej në deklaratën e mëparshme.

Një grup studentësh të CUA, filluan nënshkrimin e një Peticioni, për të hequr pikturën, sepse "besojnë se është fyes dhe sakrilegj". Peticioni, i cili filloi më 23 nëntor 2021 arriti mbi 2,500 nënshkrime.

Garvey tha se nuk do të urdhëronte shkollën të heqë pikturën, për shkak të politikës së tij të mospërjashtimit.

Ka qenë politika e Universitetit, gjatë kohës sime si President, të mos anulojë folësit ose të parandalojë fjalimin e anëtarëve të komunitetit," tha Garvey në email.

"Ne shpresojmë të vazhdojmë të ndërtojmë në kampus një kulture, që angazhohet në dialog dhe debat të menduar, jo në llojin e taktikave ngacmuese të mishëruara nga kjo vjedhje." shtoi ai. (Joseph Bukuras është një shkrimtar i stafit në Agjencinë Katolike të Lajmeve (ACN). Joe ka një diplomë bachelor në Shkenca Politike nga Universiteti Katolik i Amerikës.)

“George Floyd, nuk është Jezu Krishti” - Blayne Clegg

Një i ri amerikan në CUA tha në faqen e internetit konservator të lajmeve The Daily se: “Kjo është një tjetër simptomë e liberalizimit dhe sekularizimit të kampusit tonë”.

Raporti citoi disa njerëz të pakënaqur me praninë e imazhit në kampus, megjithëse shumica prej tyre i kërkuan të mbetej anonim nga frika e hakmarrjes. Ata thanë se duke folur kundër do t'i ekspozonte publikisht ndaj akuzave për racizëm. Studentët e CUA, tani po bëjnë Peticion, për heqjen e saj, duke pretenduar se askush nuk mund të të japë një justifikim serioz teologjik për pikturën.

George Floyd, nuk është Jezu Krishti. Ai nuk është shenjtor, as martir, dhe sepse, në çfarëdo mënyre, krahasohet me djalin e pamëkat të Zotit të Plotfuqishëm, duhet t'i bëjë një dëm të madh shumicës dërrmuese të katolikëve dhe teologjisë katolike”, tha Blayne Clegg.

Piktura u zbulua në shkollë në fund të Muajit të Historisë së Zezë, në ndërtesën e shkollës juridike, por Clegg i tha Fox News se ai nuk kalon shumë kohë atje si student universitar. Studenti tha se piktura është pritur me një reagim universal negativ dhe se askush nuk mund ta 'justifikojë' pikturën.

Unë nuk kam gjetur askënd që të ketë qenë në gjendje të japë një justifikim serioz teologjik për këtë lloj idhujtarie heretike, blasfemuese," tha ai për pikturën.

Clegg pranoi se "Jezusi, është përshkruar në shumë raca të ndryshme, por Jezusi është përshkruar gjithmonë si asgjë tjetër veç Jezusit. Nuk ka pasur kurrë, me dijeninë time, ndonjë teolog serioz, i respektuar katolik apo krijues ikonash, që e ka përshkruar Jezu Krishtin si një qenie tjetër njerëzore”, tha ai për Fox News.

Daily Signal, tha se rishikoi një video të ceremonisë së mirëseardhjes në maj, e cila që atëherë është bërë private. Në të, At Jude DeAngelo, kapelan i universitetit dhe drejtor i Ministrisë së Kampusit, i bëri thirrje Zotit “Shenjtërojeni dhe bekoni këtë ikonë që ne do ta përdorim në adhurimin e Nënës së Bekuar”, thuhet në raport. Universiteti i tha gazetës se printimi përshkruante Marinë dhe Jezusin.

Një tjetër printim i së njëjtës pikturë thuhet se varet në zyrat e Ministrisë së Kampusit në Caldwell Hall, tha gazeta, duke cituar një burim.

Artistja ikonografike Kelly Latimora, është e famshme për përdorimin e ikonografisë së krishterë ortodokse, në paraqitjen e figurave të famshme publike, të cilat ajo i percepton si shembuj morale, për t'u imituar dhe jo si shenjtorë për t'u nderuar. Shumë nga subjektet e saj ishin figura të shquara në lëvizjen për të drejtat civile si Martin Luther King Jr. ose thjesht promovuan pranimin dhe dashurinë, si fëmijët e dashur të shfaqjes së të ftuarit Fred Rogers.

Kisha Katolike, ka qenë shumë mirënjohëse për punën e saj. Piktura "Refugjatët: La Sagra-da Familia", që përshkruan Jozefin, Marinë dhe Jezusin si refugjatë nga Amerika Latine, ishte zgjedhja për kopertinën e "Një i huaj dhe ti më mirëprite", libri i shkruar nga Papa Françesku, në mbështetje të refugjatëve.

“Mama" u pikturua nga Latimore në qershor të vitit 2020, me kërkesë të partnerit të saj dhe në përgjigje të drejtpërdrejtë ndaj policisë, që shkaktoi vrasjen e protestës masive të George Floyd në Minneapolis. (Ekipi Editorial, 23 nëntor 2021)

Candace Owens tregon të vërtetën mbi “shenjtin” George Floyd

Një video në Facebook e aktivistes konservative afrikano amerikane Candace Owens me titull: “George Floyd, nuk është dëshmori im. Ai mund të jetë i juaji.” (“George Floyd is Not My Martyr. He May Be Yours”), ka patur mbi 120,000.000 klikime vetëm brenda një jave.

Të trembur nga zbulimi i të vërtetës, kompanitë e majta globaliste mediatike dhe rrjetet sociale, me prirje te theksuara të majta: Youtube, Twitter, Facebook, Google, Yahoo, AOL etj., dhe disa kompani sponsorizuese të saj, menjëherë filluan censurën dhe bllokimin e fondeve (sponsorizimin) për Fjalën e Lirë dhe të Vërtetat e Faktuara, që ajo rreshtoi hapur me kurajo dhe plot emocione para opinionit amerikanë.

Video e vetëregjistruar ka 18 minuta. Ajo është shumëzuar në progresion gjeometrik në shumë edicione lajmesh, show, intervista, opinione, rrjetet sociale, youtube channel, website, senatorë, kongresistë, V.I.P. etj., gazetat dhe revistat këtu në SHBA dhe vende të ndryshme të botës.

Candace Owens, me opinionin e saj ka lënë pa mend shumë “liderë” afrikano amerikanë, duke i vënë para përgjegjësisë, për gjendjen jo të këndshme, ku ndodhet sot komuniteti i saj.

Ajo ka marrë përgëzime nga miliona të rinj amerikanë, shumica e të cilëve i përkasin komunitetit me ngjyrë, të cilët kanë postuar mbështetjen e tyre në media dhe rrjetet sociale.

Në videon Owens, thotë se: “Ajo që po them nuk është mbrojtje për Derek Chauvin, shpresoj, që Derek Chauvin të marrë drejtësinë që meriton dhe familja e tij gjithashtu për mënyrën se si ai vdiq. Por, George Floyd, nuk është dëshmori im. Ai mund të jetë i juaji. "

Siç vihet re nga vëzhguesit e sinqertë, Bid Tech është kthyer në mënyrë radikale, duke bllokuar dhe hequr gjithçka jashtë narrativës së Partisë Demokratike. Si korporata private, ata kanë një të drejtë ligjore ta bëjnë këtë, por si monopol të informacionit në sheshin publik, nuk e bëjnë këtë. Pra, kompania globaliste YouTube censuron këtë video të Candace Owens, nga e cila buron më poshtë, (pasi ato kanë disa nga të tjerët), LibertyUnderFire mbron të drejtën e Candace Owen në sheshin publik.” - shkruan Harold Pease, Ph.D., për gazetën britanike The Independent.

Opinionistia Owens, vijon: "Por, unë gjithashtu nuk do të pranoj narracionin, se kjo është më e mira që komuniteti i zi ka për të ofruar. Për çfarëdo arsye, është bërë modë dhe përbuzëse, për ne, vitet e fundit, për t'i kthyer kriminelët në një hero brenda natës. Unë, nuk do të luaj një rol në të, pa marrë parasysh sa presion vijnë nga liberalët me ngjyrë dhe konservatorët me ngjyrë."

Oficeri Derek Chauvin, është portretizuar nga media, se: “Ai është “djall" dhe “nuk është ngritur ose mbrohet nga amerikanët e bardhë", por George Floyd, është duke u lartësuar si “një qenie njerëzore e mahnitshme", gjë që ai nuk është i tillë.

Në kohën e arrestimit, ai kishte në trup fentanil dhe metamfetaminë, sipas të dy raporteve të autopsies, që iu menjëherë trupit të tij pa jetë. Telefoni i thirrjes së policisë me numërin 911, që thërriste për ndihmë "përshkroi dikë që ishte jashtë mendjes së tyre", dhe se ata kishin frikë nga sjellja e tij edhe gjatë përpjekjes së tij, për të përdorur "një faturë të rreme për të blerë diçka" deri sa arriti policia.

Një klip i tij i vendosur në pranga dhe përballë murit, tregonte një pluhur të bardhë, që binte nga trupi i tij. "Media, po refuzon ta qarkullojë atë", tha Owens.  "Ju mund ta gjeni atë në Twitter nëse përdorni DuckDuckGo dhe kërkoni lart, George Floyd baggie. Klipin mund ta shikoni vetë me sytë tuaj. Ai kishte drogë ndaj tij në kohën e arrestimit të tij." Atëherë, çfarë tjetër nuk ka ndarë media për zotin Floyd!? Me sa duket, ai ka qenë një kriminel i dënuar, për disa kohë, të paktën 5 (pesë) herë, duke filluar në vitin 1998 me "vjedhje me armë zjarri".

Për këtë, ai qendroi në burg 10 muaj. Dhe përsëri, tetë muaj në burg në vitin 2004, "për një vepër kokaine". Dhe përsëri ai u denua me burg për kokainë për dhjetë muaj të tjerë në vitin 2005. Ai sërisht për dhjetë muaj të tjerë qëndroi në burg, për shitje kokaine në vitin 2007”, vazhdon në shkrimin e tij Prof. Dr. Harold Pease.

Por ngjarja që e bindi Candace Owens më së shumti se Floyd nuk ishte një person i mirë, me siguri jo qytetari i shquar, për të bërë bluza të bëra dhe shpërndarë në emrin e tij si një shtyllë e shoqërisë, që përfaqësonte komunitetin me ngjyrë, ishte kur ai dhe 5 (pesë) të tjerë afrikano amerikanë hynë në shtëpinë e një gruaje shtatzënë me ngjyrë për ta grabitur.

George Floyd nxori një armë dhe ia drejtoi në bark. Ajo po bërtiste, duke lypur për jetën e saj dhe ai e futi atë brenda dhomës së saj të jetesës dhe udhëzoi një nga miqtë e tij kriminel, që ishin me të ta shikonte, dhe të sigurohej që ajo të mos dilte nga dhoma e ndenjes ... ndërsa ato sulmuan shtëpinë e saj, duke kërkuar droge dhe para. Duke mos gjetur asgjë, ata përfunduan duke marrë portofolin dhe celularin e saj.

Një fqinj, duke parë disa nga sa më sipër, thirri në targën e automjetit të drejtuar nga Floyd dhe ai vuajti një dënim 5-vjeçar, të gjashtën e tij, duke u lëshuar nga burgu në vitin 2014.

Njerëzit bëjnë gabime. Por, unë tërheq linjën kur bëhet fjalë për shanset e dyta, të treta, të katërt, të pestë, të gjashta, të shtata, të tetë dhe të nëntë. Por Floyd ishte akoma duke thyer ligje që merreshin me falsifikim, duke përdorur fentanil dhe metafetaminë, kur u arrestua në 25 maj 2020.

Asnjë nga këto nuk justifikon një oficer policie, që vendos gjurin në qafën e viktimës, duke shkaktuar vdekjen e tij. Asgjë!! Ai ishte një shembull i një krimineli të dhunshëm tërë jetën e tij. Kjo nuk do të thotë që ai meriton të vdesë në duart e policisë, por, do të thotë që unë nuk do të luaj një pjesë të kulturës së zezë të thyer që gjithmonë dëshiron të dëshmojë kriminelët. Kush dëshiron të pretendojë se ata ishin këto qenie njerëzore të ngritura."

Owens, u shqetësua dukshëm me nxitimin e gjykimit të Amerikës. Pak njerëz ishin të gatshëm të prisnin informacione të tjera përpara se të dilnin në rrugë për t'u djegur, vrarë, rrëzuar bustet, plaçkitur dhe rebeluar njëri-tjetrin.

"Unë bëra vetëm kërkime themelore", tha ajo, duke nënkuptuar se çdokush mund të dijë të njëjtën gjë, duke bërë pak detyra shtëpie. Viktima George Floyd, është një dëshmor, për një rrëfim të rremë. "Brutaliteti policor i motivuar racionalisht është një mit."

Candace Owens, citon shifrat e vitit 2018, që tregojnë se kriminelët e dhunshëm të bardhë kanë një shans 25% më të lartë për të vdekur nga policia, sesa kriminelët e dhunshëm me ngjyrë. Për më tepër, ajo tha në video se 9 njerëz me ngjyrë të pa-armatosur përkundrejt 19 të bardhëve të pa-armatosur u vranë në vitin 2018.

"Fatkeqësisht, komuniteti i afrikano amerikanë, kryen një sasi jo-proporcionale krimesh në krahasim me komunitetin e bardhë. Kështu burrat me ngjyrë, me 6%, të popullsisë, bëjnë 44% të të gjithë vrasjet në këtë vend sipas statistikave të vitit 2018.”  Owens argumenton, se jo vetëm që po e lejojmë këtë mit "të frymëzojë trazira”, trazira në të cilat po vdesin njerëzit me ngjyrë, në të cilat po vdesin sërisht qytetarët afrikano amerikanë.

Ajo i referohet 77-vjeçarit David Dorn (1943-2020), një oficer policie me ngjyrë në pension, që mbronte dyqanet e një shoqeje me ngjyrë, të vrarë hapur me pistoletë nga një “protestues” dhe sulmues “paqësorë” afrikano amerikanë.

Në orët e para të 2 qershorit të vitit 2020, David Dorn, një kapiten 77-vjeçar i policisë në pension, u qëllua për vdekje pasi zbuloi dhe ndërpreu vjedhjen e një dyqani në The Ville, St. Louis. Incidenti ndodhi në të njëjtën natë me protestat në St. Louis, Missouri Mississippi, për vrasjen e George Floyd.

Deri tani janë vrarë 10 oficerë policie, ku, 8 prej tyre janë afrikano amerikanë. Media, që ka vdekur në Amerikë dhe liderët e komunitetit afrikano amerikanë nuk flasin për këto vrasje kriminale të policëve me ngjyrë, por ato bërtasin dhe demostrojnë vetëm kur polici vret një përson me ngjyrë.

Një police në New York u shtyp brutalisht me makinën e një “demostruesi“ të zakonshëm “paqësor”. Kështu, gjatë ditëve të dhunshme të trazirave vetëm në New York State, janë plagosur rëndë mbi 300 policë, ndaj të cilëve “demostruesit” e zakonshëm “paqësorë” (BLM dhe Antifa), hidhnin mbi policinë dhe makinat e tyre koktej molotovi me zjarr, gurë dhe tulla, që për çudi u gjenden ditët e protestave në disa qytete të SHBA...

Policia shtetërore si ruajtëse e rendit dhe qetësisë publike, ka vrarë në raste të ndryshme edhe njerëz të bardhë, por asnjë individ, grup apo organizatë e bardhë (që nuk ekzistojnë), nuk ka përdorur dhunë apo vandalizma të tjera, vrarë policë apo hedhur Molotov me zjarr mbi trupat dhe makinat e tyre, ose djegur stacionet e policisë së shtetit, dyqane dhe supërmarketet, kishat dhe rrëzuar bustet e historisë së SHBA-së…

Në lidhje me të keqen ndaj krimit të njerëzve me ngjyrë, i cili është problemi kryesor në komunitetet afrikano amerikanë, asnjëherë të adresuar nga media demokratike apo politikanë e tyre Owens nenvizon: "Ne, fajësojmë njerëzit e bardhë. E drejta! Ne u drejtojmë vetëm një aparat fotografik personave të bardhë kur ata bëjnë diçka, edhe pse ne e bëjmë atë me një shkallë më të lartë për veten tonë, apo jo! Dhe kjo funksionon aq mire, për mbajtjen e popullit tim të skllavëruar në Partinë Demokratike.

Nëse doni të varni posterat e kriminelëve në murin tuaj dhe të flisni rreth tyre si dëshmorët tuaj, bëjeni, bëni atë, mund ta bëni!", por "nuk do të më kapësh jashtë, duke u përpjekur të kapësh një TV, duke pretenduar se është një martir me emrin George Floyd u vra".

E vërteta vonon, por nuk harron

Vetëm 36% e njerëzve besojnë se policia vrau George Floyd, nga 60% vitin e kaluar

Sondazhi i fundit anketoi 1,165 njerëz të rritur në SHBA, perms disa pyetje në pinternet, midis datave 1-2 mars 2021, me një diferencë gabimi prej 3.3 pikë përqindjeje.

Vetëm 36 përqind e të rriturve amerikanë besojnë se George Floyd u vra nga oficerët e policisë, sipas një sondazh i ri i USA Today-Ipsos, realizuar në muajin mars 2021.

Kështu rreth 17 përqind e të pyeturve thanë se nuk ishin të sigurt se si të përshkruanin vdekjen e afrikano amerikanit me ngjyrë George Floyd dhe 8 përqind thanë se besonin se ishte një aksident.

Sipas të dhënave të sondazhit, njerëzit me ngjyrë kryesisht afrikano amerikanë, kishin më shumë gjasa t’a shikonin vdekjen e antarit të komunitetit të tyre Floyd si një vrasje, në masën 64 përqind, kur thanë se ai u vra nga oficerët. Vetëm 28 përqind e njerëzve të bardhë të anketuar thanë se vdekja e Floyd ishte një vrasje.

Nga ana e tjetër pyetjes në lidhje me organizatën e Black Lives Matter të anketuarit ishin të lëkundur në qëndrimin e saj. Kështu nga përgjigjet doli se besimi në lëvizjen Black Lives Matter (BLM) gjithashtu ra nga 60% gjatë verës në 50% gjatë muajit mars 2021. Ish oficeri i policisë së Minneapolis Derek Chauvin aktualisht po gjykohet për vdekjen e njeriut me ngjyrë afrikano ameirkanë George Floyd në ditën përkujtimore të tij vitin e kaluar 2020 kur ai u vra.

Një akuzë për shkallën e tretë për vrasje u rikthye kundër ish oficerit të policisë Chauvin, pavarësisht shtyrjes nga mbrojtja e tij. Akuza vjen përveç akuzave të shkallës së dytë për vrasje me paramendim. Vdekja e Floyd verën e kaluar shkaktoi trazira dhe protesta në të gjithë vendin, duke lënë miliarda dollarë dëme material dhe vdekjen e shumë policëve, pjesa më e madhe e tyre ishin afrikano amerikanë me ngjyrë.



(Vota: 2 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora