E premte, 19.07.2024, 07:56 AM (GMT+1)

Kulturë

Kadri Tarelli: Dëgjoje bilbilin

E hene, 11.12.2017, 08:35 PM


Dëgjoje bilbilin

 

Dëgjoje bilbilin,

Po ta bën me sy.

E la trëndafilin,

Po këndon për ty

 

Hidhu moj, mos prit,

Mos e merr më nge.

Zogu po u rrit,

Ze kërkon fole.

 

Moj llërë përveshur,

Malli e ka marrë,

Se brumi do ngjeshur,

Ugari do çarë.

 

Gështenj’ e paprerë,

Mos ki frik nga zjarri.

Lulen në pranverë,

e këput beqari.

 

Lëndin’ e pashkelur,

do kositur bari.

Shegët duhen vjelur,

i poqi behari.

 

Mjaltë i patretur,

Nga nektari mbledhur.

Seç më le pa fjetur,

Nëpër ëndrra hedhur.

 

Faqe kuqe mollë,

Me gjoksin shtrënguar,

Hidhu moj belhollë,

Se të pres në duar

 

Selvi, bel këputur,

Me pulpën e bardhë,

Dil moj ku je futur,

Hidhu, kapto gardhë!

 

Verë e pashuar,

Pse s’më le të dehem?

Mbi buzë përvluar

Tw ngulem, të prehem.

 

Gonxhe trëndafili,

Hiqi ato gjemba!

Unë jam bandilli,

Hapu, të hyj brenda.

 

-Dale djalë aman,

Mos e merr nxituar!

-Ti më bën derman,

Mëze, pa shaluar.

 

-Ç’do të bësh? -Më pyete,

Ç’ke që zgjon dynjanë?

-Do të marr me vete

Të shuajmë sevdanë.

 

Do qetuar xhani

Do t’i hedhim verë.

Verë nga zamzani,

Në qelqe përzierë.

 

Kadri Tarelli

Durrës më 20. Vjeshta e tretë, 2017

 

Shënim: Katër vargjet e para, janë marrë nga poeti beratas, Vexhi Buharaja.



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora