Demir Krasniqi: Mërgimtarët ikën

RRUGËT EDHE SHESHET NË QETËSI KANË MBET

N’ fund të  muajit Gusht , unë dola në qytet –

Rrugët  edhe  sheshet  në qetësi kanë mbet !

Mërgimtarët ikën , u kthyen n’ kurbet –

Nuk janë ma në dasma , jo as në bregdet !...

Refreni:

Aman, moj dynja , o moj dynja e shkretë –

Sa larg na ke hupë e sa larg na ke tretë !

Babë e nanë të shkretët , derisa t’ jenë gjallë –

Fëmijët e vet , o,  rrinë tu  i bartë mallë !

Nuk ka ma kolona , sirena , vetura –

Për kurbet  u kthyen  shumë gra edhe burra ...

Për kurbet  u kthyen  shumë djem edhe çika –

Bashkë me ta na  ikën  shumë mbesa e nipa ...

Refreni:

Aman, moj dynja , o moj dynja e shkretë ...etj.

Një erë e stuhishme  ia ka nisë me fry –

Shumë shtëpi familjesh mbetën mbyllë nën dry !

Ato mbyllë do t’ presin deri n’ tjetrën verë ,

Se ma njeri i gjallë s’ iu troket në derë !

Refreni:

Aman, moj dynja , o moj dynja e shkretë ...etj.

Gjilan, më 30. 08.2018 .           Demir KRASNIQI