Krasniqi: Rrustem Behluli – kurban i Shqipërisë Etnike

Rapsodi historike :

Rrustem Behluli – kurban i Shqipërisë Etnike

Teksti dhe muzika : Demir Krasniqi

 

Kalojnë vitet, shekujt edhe stinët ndërrohen –

Trimat e Atdheut , jo , kurrë  nuk harrohen !

Me vargje prej gurit një këngë do t’ ndërtojmë –

Që Rrustem Behlulit ,  ne do t’ ia këndojmë !

 

Krenohet Gjilani, krenohet Uglari ,

Krenohet Vatani për këtë trim shqiptari !

Për Rrustem Behlulin me zemër kreshnike –

Kurban i familjes për Shqipëri Etnike !

 

Ishte Dimri i  rëndë ,  n’ vitin  Dyzet e Katër ,

Borë e  madhe  binte , acar në çdo vatër !...

Aradhet partizane s’ bashku me çetnikë –

N’ çdo shtëpi t’ kësaj ane mësynin n’ kapixhik !...

 

Po ua merrnin tagrin e viteve t’ Italisë –

N’ fshatra të Moravës dhe n’ vise t’ Malësisë !...

Nuk i lëshuan lehtë as fshatrat e Karadakut –

Shtëpi për shtëpi ia mësynin konakut !...

 

Plak Isa Mehmeti –  85 vjeçar ,

Kujton partizanët kur hynë në Uglar !

Uglari që shkeli çizmja e partizanit –

Është shtatë kilometra n’ lindje të Gjilanit !

 

Plaku , me dëshirë nuk do t’ kujtojë  tmerrin –

Për fshatarët e Uglarit , që përjetuan ferrin !...

Përjetuan ferrin nga çetnikët – partizanë ,

Që erdhën për krime nga fshati fqinj –  Pasjan !

 

Fshatin e Uglarit me shpejtësi e rrethuan –

Që t’i  dorëzojnë armët , shqiptarëve iu kërkuan !

Tri kerre me pushkë janë marrë e janë ngarkuar –

Në fshatin Pasjan ,  të  gjitha i kanë dërguar !

 

N’ fshatin e Uglarit , seç u mbush errësirë –

Përmbi 50 burra u morën jesirë ?!

I çuan drejt Pasjanit dhe n’ drejtim të Zhegrës –

Për të përfunduar n’ xhami të Preshevës !...

 

Për pa i  pushkatuar burrat nga këto treva –

Ata i ka shpëtuar Abdullah Presheva !

Prej plojës çetnike , asnjë nuk do t’ shpëtonte –

Abdullah Presheva , po të mos qëllonte !...

 

Forcat partizane – çetnike të Pasjanit ,

Çarmatim –  rrethimin e fshatit t’ Uglarit ,

Me pretekst këtë plan  e kishin hartua –

Veç Rrustem Behlulin me e arrestua !...

 

Ai përgjatë sundimit t’ kohës s’ Italisë ,

Që në popull njihej si : “Koha e Shqypnisë” –

Kurrë s’ kishte lejuar që kot t’i  shkojë mundi ,

Populli e kishte zgjedhur  Kryetar Katundi !

 

Ai Rrustem Behluli mbahet mend n’ katund –

Për trimëritë e tija , që nuk kishin fund !

Në kohën e faljes së  namazit  për  Bajram –

Kish hy me  bombë n’ duar , që ta bëjë një nam !...

 

Kështu në xhami të fshatit Uglar –

N’ Ditë Bajrami fliste s’ bashku me fshatarë :

“A po më dëgjoni , o vëllezër shqiptarë –

Sot na ka ardhur  dita  të bëhemi fidarë !...

 

Do të digjemi sot , nga kjo bombë e fikës ,

Apo do të shkojmë në Rekë të Raincës ?!

Të luftojmë së bashku , pa asnjë pikë frike –

Për  ta  mbrojt kufirin e Shqypnisë Etnike !”...

 

Kushtrimi i Rrustës ,  për trimëri e burrëri –

Është pinjoll i Trenajve , për luftë e atdhedashuri !

Vullnetarët e parë , shpejt iu bindën thirrjes –

Shpejt mbërrin  në betejë , në Rekë të Raincës !...

 

Më 19 Shtator , t’ vitit Dyzet e Katër –

Shqiptarët me armë n’ dorë , n’ luftë shkuan me hatër !

Syri vërr s’ iu bënte në luftë me armik –

Atë ditë  vranë mbi 100 partizanë – çetnikë !...

 

T’ Aradhes s’ XVI-të, ishin  këta të  mjerë –

Dhe robër u zunë 206 të tjerë !

Por Rrustem Behlulit , der’ sa të jetojnë –

Serbët , këto humbje nuk do t’ ia harrojnë !...

 

Shumë shqiptarët Rrustës , lutje i kanë ba :

“Ikë , o Rrustë , se serbët do t’ kthehen me t’ vra !”

Por , baca Rrustë trimi , n’ Zot ishte betuar –

Thirrje  për të ikur ,  kurrë s’ kishte pranuar !

 

Ai , kishte thanë : “Nuk iku , se Zoti ka me m’ vra –

Qysh t’ua la katundin , unë, shkieve veç me gra ?!

Kam me u bo  kurban i popullit tim rahmeti !”...

Kështu na ka kujtua plak Isa Mehmeti .

 

Të njëjtat kujtime ,  Ismet Rrahman Behluli ,

I flet me përjetime , si nip Rrustem Behluli :

“Baba Rrustë , i ndjeri , gjithmonë e kishte ditë –

Prej armiqve serbë , se çka mundet me pritë !...

 

Tanë natën kishte qëndruar me shpinë nga oxhaku –

Për ta mbrojt familjen , për t’ mos u derdhë gjaku !

Ai ,  nuk kishte vënë një pikë gjumë në sy ,

Jetën për familje kurrë s’e kish kursy’ !”...

 

T’ nesërmen , pesë çetnikë – partizanë t’ Pasjanit ,

Herët kishin ardhur në fshat të Uglarit !

N’ fillim kanë plaçkitur  dugajën  që kish  fshati ,

Pastaj katundarët i zu taksirati !...

 

Me mall të plaçkitur dhe të uzurpuar –

Pesë kuaj me thasë i kishin ngarkuar !

Pastaj Rrustë Behlulin , këtë burrë të Uglarit –

E qonin duarlidhur drejt fshatit t’ Pasjanit !...

 

Trim Rrustem Behluli, ishte  burrë shtat shkurtë ,

N’ rreth e në familje ishte shumë i urtë ...

Kishte gjoks të gjerë , i fuqishëm me besë –

E kishte ndarë mendjen që të bëjë qëndresë !

 

“Shumë i fuqishëm ka qenë” – për babë tregon djali ,

Lisat me gjithë degë i ka bartë nga mali !

Lisat me gjithë degë i ka bartë në shpinë

Dhe me to gjithmonë e ka nxehë shtëpinë !”...

 

Shkijeve të Pasjanit vet iu ka dorëzua –

Me qëllim t’ caktuar , s’ ka dashtë me qëndrua !...

Kish vendosë me u bo kurban për katund –

Vuajtjeve për gjithmonë për me iu dhanë fund !

 

Kështu Rrustem Behluli ,  gjatë ditës së fundit –

Ishte bartur lidhur deri n’ fund t’ katundit !

Në një lug që gjendet n’ trekëndëshin që i ndanë –

Këto fshatrat : Uglar – Velekincë – Pasjan ...

 

Krimit të paparë , këtu i erdhi radha –

E lidhin për një lisi , që kishte bri dy dardha !

Mizorisht e  theren  forcat serbo – çetnike ,

N’ trupin e tij , bënin lojëra  satanike !...

 

Në ato tri fshatra dëgjonte  çdo çoban –

Jehun e një burri , që prehej kurban !

Njëjtë si fati i kombit – burri i Uglarit ,

Mbase këtu do t’ ndodhte masakra e Gjilanit !...

 

Në Gjilan , do t’ niste maskara e mjerë –

Për t’ua marrë jetën  tetë mijë burrave tjerë !

Partizano-çetnikët , masakronin shqiptarinë –

Që kishin gënjyer se po e sillnin lirinë !...

 

-Sa herë kem kaluar me babën andej –

Gjithmonë baba im, te ai lisi ndalej !

Mbushej thellë me frymë dhe me lot në sy ,

M’ thoshte:” Ndal bre bir, kam dy fjalë me ty !...

 

Mos e harro kurrë , këtë lëndinë të ngushtë ,

Se mu te ky lis , është varri i babës Rrustë !”

Kështu tregon trishtueshëm , për babë të vet – Ismeti ,

Që kurrë prej armiqve s’ na u ka nda kiameti !...

 

Partizanë – çetnikët , që s’ kanë fe, as farë –

Mbi Rrustem Behlulin , banë masakër t’ pa parë !

Trim Rrustem Behlulin , atë burrë prej fisi –

E masakruan çetnikët , të lidhur për lisi !

 

Kështu Rrustem Behlulin e tërhoqën zvarrë –

Për t’u preh n’ amshim , nuk i lanë as varr !...

Por , dy djem e katër vajza ,  Rrusta i la pas veti –

Kujtimi për babanë , brez pas brezi  nuk treti !

 

Gjilan, më 03.03.2016.       Demir Krasniqi