Nebi Dragoti: Peisazh dimror

NEBI DRAGOTI

 

PEIZAZH DIMROR

 

Peizazh me hënë,

peizazh me borë,

natyra e tërë

me dimër trokon…

 

Kjo hënë peizazhi

i gjuan me borë

shtergët shtegtarë

si era shtegtojnë…

 

Përhap natyra e tërë

të njëjtën simfoni:

ku ikën,ku,lejlekët?...

Ç’na lanë veç bardhësi!

 

Qielli veshur gri

çngjyros ngjyrën blu.

Ç’peizazh me hënë,

me borë gjithashtu!

 

 

NË SHKOLLË

 

Një klasë mbaron,

vit tjetër fillon,

jo mbetës në klasë,

se të lë koha pas;

mëndjes yll veri

ndriçues në ballë.

 

Në vend mos rri

si uji në kënetë,

se bie erë këllirë,

ndaj lëvis,ec

me mëndje serbes.

 

Një klasë mbaron,

je ngjitur më lart,

kur klasën kalon,

minierë ke gjetur,

ke gjetur mëndafsh,

ke gjetur dhe ar…

 

Mbaron një klasë,

në tjetrën shkon,

si njeriu në pyll

busull ke gjetur

e burim me naftë,

kur klasën kalon.

 

 

LULE TRËNDAFILI

 

Lule trëndafili

mbjellur në ballkon,

mbi të ulet bilbili,

nuk di se çfarë kërkon!

 

-Ç’ke ,bilbil,që qan,

lulja çfarë kërkon?

-Është duke u tharë,

bari po e mbulon.

 

Ah,do t’i ujis lulet

dhe barin do ta pastroj;

dhe do t’i them bilbilit

tok me mua të këndojë.

 

 

VJESHTË

 

Vjeshtë,penelat lëviz nëpër pemë,

gjithë këto ngjyra vallë ku i gjen?

 

Me shtatë ngjyra ngjyros nëpër fletë,

zogjtë t’i rrëzojnë gjethet me sqep.

 

Dhe këngë këndojnë për ty,vjeshtë,

e rrushë vjelin vjelset në vresht.

 

 

ME DETIN

 

Me zhurmë e kaltërsi rrethuar

me detin,me detin unë flas:

o det,det i egërsuar,

pse dallgë mbi shkëmb përplas?

 

Hej,me not pashë

ç’i bie mespërmes;

zog zgalemi jam,

asgjë,jo,s’më tremb.

 

Egërsia forcë më jep,

muskuloz,ngrihem vrik;

ku je ,o det,odet,

pranomë mik,or mok!

 

 

NJË LIBËR MBYLL, NJË TJETËR HAP

 

Arrite në faqen e fundit:

të lumtë Albana,

dritare ke çelur,

sheh fusha,

hapsira,

gjelbërime…

 

Në kujtesë ke mbjellur

vlera për jetën,

vlera njohurish,

përkulur,

vëmëndshëm

në burime të smeraldë:

një libër mbyll,

një tjetër hap

dhe ecën sakaq

në rrugën e bukur,

në rrugën e gjatë.

 

Të qoftë udha e mbarë!

Në jetë paç suksese

dhe fat!

Të uron poeti Nebi,

se dhe unë kam qënë

i etur për libra si ti.