Thani Naqo: Pëllëmbët me gishta te shenjta

Thani Naqo

PËLLËMBËT ME GISHTA TË SHENJTA?

Pëllëmbët e tua, të vogla,

Shenjtërojnë çdo gjë që ti prek.

Shenjtërojnë fustankat belholla,

Edhe arne e kopsa kur qep.

Gishtat e tua shenjtërojnë,

Lakrorët përqark me tegel.

Për hatër, tinëz, mashtrojnë,

Kulaçit me lek i vë shenjë.

Dimrit me erë të ftohtë,

Fishkëllimat unë ja përqesh.

Kam çorrape e bluzë të ngrohtë

Nga gishtat e shenjtë peshqesh.

1985-2014