Xhavit Gasa: Barbarë

XHAVIT GASA

 

BARBARË

 

Nën dritën e argjentë të  hënës,

Bëhen gjëra të bukura,

Të dua i thotë bilbili thëllëxës,

Dhe e mbulon me të puthura.

 

E morën barbarët,

Dritën e argjentë të hënës,

Dhe në terrin e natës,

Vranë  bilbilin dhe thëllënxën.

 

Shkëlqenin pikat e vesës,

barit të njomë në lëndina,

barbarët ja zunë diellit rrezet,

hodhën rrënjë ferra e hithra

 

Ndëshkoj pa mëshirë,

O perendi këta barbarë,

Mos t"ja marrin përsëri,

Dritën hënës rreze artë.

 

Rrezet e diellit të ndrisin,

qielli të jetë i pastër nga retë,

me lule të mbushen lëndinat,

të vallëzojnë yjet rreth hënës argjentë.....

 

 

A LIDHEM FJALËT

 

Shkon gjuha,

ku dhemb dhembi....

 

Fjalë të bukura,

gdhend poeti....

 

Poeti nuk ka ngjyra,

as të majta as të djathta,

 

Me poetët ç'ka politika,

a lidhen fjalët n'pranga???

 

 

KAQ PAK

 

Një copë,

bukë të ngrohtë.

 

Gatuar në magje,

nga një dorë nane..

 

Një copë,

dielli të ngrohtë...

 

Pak qiell,

të pastër pa ré...

 

Kaq pak,

dua në jetë...

 

 

ÇDO DITË

 

Në çdo ditë,

të bukur feste,

sa  urime,

dhe buzëqeshje...

 

Sikur ditët e tjera,

gjatë gjithë vitit,

nga skutat e errta,

urrejtjen ta nxirinim

 

Ta flakim urrejtjen përdhe,

ta varrosëm përgjithmonë,

ajo nuk ka asnjë vlerë,

çdo ditë vetëm të festojmë...