Demir Krasniqi: Themeluesit e Teatrit në Shkup

Këngë historike :

THEMELUESIT E TEATRIT SHQIPTARË NË SHKUP

Teksti dhe muzika : Demir Krasniqi

Ju shkupjanë  dhe  kosovarë –

Mos harroni një punë të mbarë !

Do t’i biem  shkurt e trup –

Kush  e  themeloi Teatrin n’ Shkup ?!

Këtë Teatër , me shumë shkas –

E  themeluan  dy gjilanas ,

Që  artdashësit  tonë shqiptarë ,

Si  t’ gjithë tjerët ,  t’ jenë barabar !

Këto themele  kush i nisi –

Njeriu  i madh  me shpirt artisti !

Një burrë fisi  prej Krasniqi –

Nga Gjilani – Muharrem Shahiqi !

Shkëndijë arti –   dritë si pisha ,

Iu bashkua Zija Berisha !

Me ta ishte edhe Mark Marku ,

Që nuk flinin  prej meraku !

Këta dy mësues , si dy pishtarë –

N’ sy të UDB-së,  ishin të parë !

Disa vite  të pas luftës –

Shkuan n’ Shkup  për kafshatë t’ bukës !...

Trupi i tyre s’ është bë rehat –

Mësues të popullit  fshat me fshat ,

Për  t’  sjellë  dritë e  dituri ,

T ’ rriten fëmijët në lumturi !

Patën fatin këta prijatarë ,

Që po i quanin :”Kundërrevolucionarë” –

Të jenë gurët  themeltarë ,

Të Teatrit Kombëtarë Shqiptarë !

Në pallatin  “Ilinden” –

N’ qendër t’ Shkupit , kanë zënë  vend !

Krijuan kushtet  minimale –

I  dhanë shpirt jetës teatrale !

Punën , artin e kishin n’ hatër –

E banë Shkupin  me Teatër ,

Me elitë intelektuale ,

Qendër t’ Kulturës Shqiptare !...

Kështu në Shkup , u ruajt gjeneza –

Trasuan rrugën  për shumë breza !...

Kontribuuan n’ Art e n’ Kulturë –

Vepra e tyre , nuk vdes kurrë !