Thani Naqo: Bukuria e vjeshtës

Thani Naqo

PËR BUKURINË E VJESHTËS

Për ty grabita karvanin me yje,

Afërditës i rrëmbeva kurrorën e princeshës.

Emrin tënd e mbolla në oqeane e pyje,

Moj, Bukuri e Vjeshtës.

Për ty e shkela botën tej e ndanë,

I uritur thitha sisët e pelës.

Akullova gjurmët në Alaskën e Bardhë,

Për ty, Bukuri e Vjeshtës.

Për ty u ktheva, pa shpresë

Ish dashuria me Humbëtirën e Heshtjes.

Firomën e fundit... pastaj të vdes,

Në prehërin tënd, Bukuri e Vjeshtës.

Për ty e shrydha hënën e florinjtë,

Florizova kurmin tënd lavrak.

Gjersa të thinjemi si guna e dhirtë,

E zjarruar, psherëtifsh, ah! kaçak-kaçak!