Demir Krasniqi: Po banë darsëm Sheremeti

Parodi aktualiteti kosovar :

PO BANË DARSËM SHEREMETI

Shkruan : Demir KRASNIQI

Krisi pushka , krisi kiameti ,

U dridh fshati , u dridh qyteti !...

N’ kamë janë çue krejt  mileti –

A u ba luftë , a u ba tërmeti ?!

S’ asht tornado  , as kiameti ,

Nuk asht lufta , as tërmeti ,

Po banë darsëm Sheremeti ,

Po  e  marton  nji djalë hasreti !

Lodhë  nga vapa e nga sikleti  ,

Me habi pyesin mileti –

A po martohet ai djalë për veti ,

A po martohen krejt qyteti ?!

N’ tana anët po bien buria –

Ka kapë popullin  neveria !

Na ka dalë çdo gja prej  frenit  -

Si me dalë prej domit t’ trentit !

Bien sirenat e darsmaxhive ,

Bien guxhumat e tupanxhive ,

Bien pipëzat e surlaxhive ,

Bien xhamparet e defaxhive !...

Bien  telat e  dajrexhive  ,

Jehojnë krismat e alltive ,

Bien sirenat e taksive ,

Dhe ezanët  e xhamive !...

Bien sirenat e policëve ,

Bien sirenat e zjarrfikësve ,

Bien sirenat e ndihmës s’ shpejtë –

S’ ka njeri që mund me fjetë !

Jehojnë disqet prej veturave ,

Ulurojnë kangët  e burrave ,

Zbrazë rafalët automati –

Na u plague Saramati !...

Darsmat tona marrin famë

Me  poterë  e hallakamë   ,

Si kuajt kur sillen n’ lamë ,

N’ tana anët pordhë e piskamë !