Ramiz Selimi: Mbrëmje kulturo-letrare në Austri

Mbrëmje kulturo-letrare në Linz të Austrisë

Poezitë dhe veprat e krijuesve shqiptarë në Austri me plot ngrohtësi

Nga Ramiz Selimi

Ishte një mbrëmje poetike, publicistike dhe me ekspozime, ku ishin shumë krijues dhe dashamirë të muzës poetike, pikturës dhe publicistikës që jetojnë në Austri. Veçohet interpretimi bravuroz dhe emocional i poetit shkodran Ragip Dragusha.

Poeti Ragip Dragusha gjatë interpretimit

Në  një ambient të këndshëm poetik, në pranin e shumë adhuruesve të artit krijues, në Sallën “ Volkshaus Franckviertel” të Linz-it, u mbajt mbrëmje e këndshme  kulturo-letrare, e organizuar nga shoqata “Lëvizja e Grave Shqiptare” në bashkëpunim me shoqatën “Aleksandër Moisiu” Vjenë . Duhet lavdëruar organizatorin për organizimin e ngrohtë dhe të saktë të kësaj mbrëmje me programin e tyre tejet të pasur. Prezent ishin edhe përfaqësuesit diplomatik nga Ambasadat e Shqipërisë z.Egin Ceka dhe Ambasada e Kosovës z. Mag. Isa Kosumi dhe z. Anton Marku.

Të pranishmit në këtë mbrëmje i përshëndeten moderatorët Dr. Alvana Simbrunner dhe Edona Ramadani të cilat bënë hapjen e programit duke ju dëshiruar mirëseardhje të pranishmëve.

Përfaqësues nga Shoqata e Grave Linz dhe Shoqata Aleksandër Moisiu Vjenë

Kurse, përshëndetjen në emër të shoqatave e benë kryetarët e shoqatave përkatëse zonja Edvana Gjashta nga Shoqata e Grave dhe zoti Besim Xhelili nga Shoqata Aleksander Moisiu.

Edvana tregoi për organizimin duke falënderuar personat që mundësuan mbajtjen e këtij evenimenti, ajo falënderoi zonjën Osmani, zonjën Simbrunner, zonjën Sherifi, zonjën Uka për punën e tyre të palodhshme .Një falënderim të veçantë, tha ajo, i shkon Shoqatës Aleksandër Moisiu që pranuan një bashkëpunim me ne.

Besim Xhelili pasi falënderoi pjesëmarrësit, ai ju beri thirrje krijuesve nga Austria që të promovojnë punimet, veprat e tyre nga arti dhe letërsia edhe përmes shoqatës kulturore”Aleksandër Moisiu”. Kurse historikun e shoqatave në fjalë e lexuan Zonja Alvana dhe publicisti Hazir Mehmeti.

Z. Anton Marku, Z.E gin Ceka, Z.Isa Kosumi, Z. Fatime Blakaj, Z. Hazir Mehmeti, Z. Zaim Toska

Poeti ka vizion dhe çdoherë e thyen heshtjen

Përfaqësuesi diplomatik  nga Ambasada e Shqipërisë z. Egin Ceka në fjalën e tij në emër të Ambasadës së Shqipërisë përgëzoi organizatorin për punën e shkëlqyeshme dhe ju uroj të pranishmëve 100 vjetorin e pavarësisë. Ai përgëzoi sidomos Shoqatën e Grave për emisionin e saj të rëndësishëm në promovimin e vlerave kombëtare, nuk harroi të përshëndes dhe falënderoj humanisten shqiptare zonjën Fatime Blakaj që ishte prezent në ketë mbrëmje.

Zv. Konsulli Mag. Isa Kosumi, nga Ambasada e Republikës së Kosovës në Austri, në fjalën e tij pasi bëri përshëndetjet e rëndomta, tha se jam i nderuar, që të ju përshëndes në emër të shtëpisë zyrtare dhe në emër të Ambasadorit Dr. Sabri Kiqmari, në ketë mbrëmje të mrekulluar që keni organizuar. Me kënaqësi tha ai,e pranova ftesën të jem në mesin e këtyre krijuesve si dashamirës i madh i krijimtarisë letrare, sepse poeti tha ai nuk hesht , ka vizion dhe çdoherë e thyen heshtjen. Neve si institucion do të na keni çdoherë në punën tuaj organizuese dhe krijuese tha në fjalën e tij zoti Kosumi.

Organizatorët së bashku me diplomatët dhe krijuesit letrar e artistik

Në ketë program mjaft të pasur, poezitë e tyre i lexuan Besim Xhelili (Dhembja e lamtumirës, kushtuar Ali Podrimjes dhe Atdheu im i dashur), Anton Marku (Ashpërsi alpesh dhe Ushtari i panjohur), Ragip Dragusha (Zana e malit dhe Brenga), Dan Kosumi( Bisedë me të shtrenjtën nënë dhe Mirë se erdhe Doruntinë), Edona Ramadani(Atje larg dhe Kërkonte), Zaim Toska(Mërgimtarët). Veçohet interpretimi bravuroz dhe emocional i poetit shkodran Ragip Dragusha me interpretimin e disa poezive mjaft prekëse.

Një tekst mjaft prekës dhe koherent e lexoi publicisti dhe gazetari Ramiz Selimi me titullin; “Dërgimi i fëmijëve në mësimin plotësues pengon asimilimin”, si dhe publicisti Hazir Mehmeti lexoi fragmente nga tregimi “ Në roje të bustit”.

Që të dy anët e sallës ishin të mbuluara me piktura nga piktorët mërgimtarë Qemajl Bekani dhe Gazmend Freitag. Piktura të një kualiteti të lart, që secili dëshiron ti ketë në dhomat e tyre.

Për tinguj të melodive klasike në prapavijë, gjatë recitimeve dhe pikave muzikore të parapara, u përkujdes Rei Morina. Të pranishmëve ju dhuruan libra me poezi nga autorët Anton Marku dhe Besim Xhelili. Në fund për të gjithë të pranishmit u shtrua një koktej falas nga Shoqata e Grave Linz

Mysafirët e ftuar në sallë