Keze Kozeta Zylo: Ismail Bej Vlora

Keze Kozeta Zylo

ISMAIL BEJ VLORA

Epoka e Atdheut tim,

Ismail Bej VLORA,

Pa ty s’do kishja imunitet,

Do ishja thjesht një kandil i fikur,

Dhe bajlozët e Europës,

S’mund t’i hidhja në det.

IS BOLETINI,

Ju jeni Epoka e Burrit,

Pa ty do ishja thjesht një robinë,

Ku mizoritë makabre do zhdukeshin,

Pa nam e nishan mbi trupin tim…

Ismail Bej Vlora, koka gjer tek retë,

Me Flamur Shqipërie skuqe qiell e det,

Në shtizën e Flamurit, si një mal në këmbë,

Qëndron Kombi im, qëndron rëndë, rëndë!

Pa ty o Flamur, çdo të ishim ne?

Ndoshta turq, serb, grekë..., ndoshta pa atdhe,

Ndoshta edhe skllevër, si dhe shumë të tjerë,

Gjaku bërë verem, shpirti helm e vrer...

Ndaj pranë Monumentit do të vimë përherë,

Do puthim flamurin dhe në gjunjë do bjemë,

Do puthim dhe Vlorën, Vlorën e Pavarësisë,

Ata që të kafshojnë kanë gjyqin e Perëndisë!

Janar, 2012