Cikël poetik nga Tahir Bezhani

Tahir Bezhani

JE BRENGË

Kosovë,

Varr i shpirtit tim,

Pëlhurë e qëndisur

Me varre e lapidarë

Egërsirat  ulurojnë

Donë  të copëtojnë

Pjesët e  trupit

Mërdhirë ne acar

Kjo botë është e çmendur

Prapë  bëjnë pazar!....

BUZËQESHJE  ME FIGURA

Pas mes natës

Vonë,

I vetmuar në dhomën time

Buzëqeshi me figura

Këndeve të dhomës

Gëzim i vuajtur

Më hedhet në përqafim

Përkëdhelje fantastike

Vijëzime të çoroditura

Protagonistë të plehrosur

Mes rreshtave ,

Mendimet kacafyten,djersiten

Pagjumësi e trenuar

Më dridh nervat

E unë,

Iki me vrap kali

Ngushticës së errët

Ndjell ëndrrën

T’kurrem në vetminë e plasaritur

Me ndjenjë dashurie....

Gjakove,

15.11.2011

03:00

Lëkura ime

E kriposur

Mbi gjashtdhjet vite

Ushton  zëshëm

Në rrathët e tupanit

Kur mësuka e godet

Ahengjeve akull zemre

Në përcjellje dhimbje

Ditëve të zhurmshme

Kotësie...

Lëkura ime

Moti ushton

Dalldisur vajeve

E  nuk pëlcet!.....

Korrik,2011

Gjakove