Kulturë
Julia Gjika: Gëzimi i fitores
E premte, 18.02.2011, 08:58 PM
JULIA GJIKA
GEZIMI I FITORES
Mezi e pe ditën
Mezi e ndave nga nata e gjatë
Mezi erdhi Fitorja
S’ishin pak tragjeditë
Humbjet, dhimbjet s’ishin pakë.
Kjo ditë Kosovë
I ngjan stinës së pranverës
Gëzimin sjell
Me kthimin e dallëndysheve
Me kthimin e yjeve në qiell.
Si një trup i vetëm ke dalë
Nuk të nxënë sheshet
Nëpër botë,
me kohë u shitën biletat
për të ardhur te ty,
rrugë të reja gjejnë dasmorët.
Eshte e diel
Qielli është i kaltër
Fytyra jote shkëlqen
Pritja ishte gjatë, përtej durimit.
Me zë te plotë, me zë të fortë shpërthen
Me korrin e ëngjëjve
Me fuqinë e dallgëve të oqeanit
Rruga e gjatë e mundimeve
Mbeti pas.
Fitorja është ulur
Pranë sofrës së madhe
Buzëqesh me fytyrën e heronjve.
Eshtë e diel,
Shpirtrat gëzojnë
Toka dhe Qielli ka festë
Në varrezat ,martirët shtrijnë eshtrat
të qetë janë tani
Asgjë nuk vajti dëm
As gjaku i derdhur.
Ata që e dinë se c’farë ndodhi dje
Nën këtë qiell
Ndoshta nuk dinë shumë,
Ndoshta pak ,shumë pak dinë.
Por ky qiell i di të gjitha,
Ky qiell di shumë
Ndaj sot nuk mbahet
Derdh dritë, ngrohtësi
Të rritet bari i ri me shpejtësi
Të gëzojë Fitoren
Kosova e pavarur
Shteti më i ri në Botë
Botë a e dëgjon?
Bota të njeh KOSOVE.