Përparim Hysi: Ankthi i kujtesës

Ankthi i kujtesës*

(poezi)

Nga  Përparim Hysi

6 shkurt    1967 ?!!!

Jo.Nuk qe fjalë,po qe  anatemë

Si një piskamë e madhe apo apokalips

Që ra mbi objektet fetare(edhe mbi gjithë fenë)

Dëm më të madh s'ka bërë asnjë përbindsh.

Plugu ideologjik si pjellë satanai

Ra mbi kokat e njerëzve(pothuaj i shkallmoi)

Nuk gjeni gjëkundi dikë që t'i gjajë

Këtij që me 6 shkurtin në pranga e gjak celebroi.

Ndodhi ,ca më vonë,në Kamboxhia

Në kohën e SamFait dhe Pol Potit *

Dhe ata "duanë" e morën tek Hoxha  **

Tek ky që qe   xhelati i Kombit.

*Kriminelë të"Khmerëve të kuq" që e rrafshuan Kamboxian.Miq të Enver Hoxhës.

**Enver Hoxha që ideoi 6 shkurtin 1967

6 shkurt  2003

Heqja e kryqit

Njarje e jetuar

Vendosëm që me fjalën e turpit   *

T'i prishnim kishat e xhamitë

U mblodhëm në qytetin e Lezhës

U mblodhëm në"kuvëndin e dytë"**

Debat po bënim me priftin e kishës:

-S'e heq e s'e heq atë kryq!

Ngjituni,- u thanë dy aktivistëve-

Hiqeni se kjo gjë u bë ligj.

E hoqët,u tha prifti,kur pa kryqin e hequr

Mësuesët ju kanë thnë kështu?

U thoni"mësuesëve" dhe shkokëve të partisë

-Unë kryqin e kam në zëmër...çe tu!!!

* aludohet për 6 shkurtin 1967

** ka ndodhur më 2 mars 1967 si përkim me Kuvëndin e Lezhës të 2 marsit 1444.

5 maj 1998

Mbyllja e xhamisë në Petovë *

Efendi,Yzeir Sallatës **

Efendi! Hajde dhe hap xhaminë!

I thirrën nga rruga ata!

-Si mund unë që ta hap xhaminë

Se sot nuk është e xhuma?!!!   ***

-Hajde dhe hiqe çalllmën dhe xhybenë

Mjaft kemi duruar nga ti"dokrra"

-Jo,-u tha hoxha,- feja nuk gënjen

Perëndinë kam sjell për ju,- tha hoxha.

Tani,efendi, na i jep ne çlësin

Xhamia tani është e rinisë

S'e mbanin gazin(sa mënd shqyheshin)

Në krye printe primati i partisë.

Çelsin ua dha dhe xhybenë e hoqi

Dhe çallmën e hoqi nga koka

Satana  o soj zorzopi!

Mallkonte me vete hoxha.

Tani,efendi,hajde foli rinisë

Thuaj se feja është gënjeshtër

-Aha,nuk futem në gjynah të Perëndisë

Se tani unë jam burrë i vjetër.

Unë besoj veç tek Perndia

Me këtë besim dhe do vdes

Rinia të bëj siç i thotë partia

Tjetër fjalë nga unë  mos mbani shesë.

Dhe iku e u mbyll në të tijën shtëpi

Dhe më nuk u pa as në fshat

Nuk zgjati shumë jeta e tij

Nga mëria nuk e pati të gjatë.

* Petova-fshat në Fier

** ka qenë nga Marglliiçi i Çamërisë

*** premte-dita kur falen myslimanët

6 shkurt 2005