Xhevat Muqaku: Dy manifestime në Ludwigsburg të Gjermanisë

Dy manifestime në Ludwigsburg të Gjermanisë

Nga Xhevat Muqaku

Shoqata kulturore shqiptare " Bardhosh Gërvalla " në qytetin Ludwigsburg, sikurse janareve tjera, edhe kësaj radhe ishte nikoqire e manifestimeve kombëtare. Së bashku me antarësinë e klubit futbollistik " Drita ", Unionin artistik dhe një numër të shoqatave kulturore shqiptare në Baden- Württemberg, me datën 15 janar, organizuan së pari Akademinë përkujtimore, kushtuar vëllezërve ; Jusuf, Bardhosh Gërvalla dhe Kadri Zeka, më pastai edhe një koncert humanitarë, në përkrahje të banorëve të Shkodres të cilët edhe këtë vit po përballen me vërshimet dhe katastrofën natyrore.

Rreth orës 13, këshilli organizativ së bashku me bashkveprimtarët e dëshmorëve dhe përfaqësues të disa shoqatave kulturore vendosen lule të freskëta dhe bënë homazhe në vend ngjarjen, në Untergruppenbach afër qytetit Heilbron,kur në pabesi u vranë dëshmorët.

Nderuan figurën e martirëve, përfaqësuesi i Konsullatës së Kosovës me seli në Stuttgart, z. Faket Kajtazi, përfaqësuesja e organizatës Amnesty z. Heidi Gauch, shumë bashkatëdhetarë, bashkveprimtarët e qështjes kombëtare, këngëtarët dhe artistët, të bashkuar rreth flamujve, me intonimin e hymnit kombëtar dhe atij shtetëror.

Z. Afrim Sylejmani, përshëndeti të pranishmit, dhe ftoi bashkveprimtarët të kujtojnë punën e vizionarëve të cilët me gjakun e tyre shkruajtën historinë.

Evokuan kujtime për veprmtarinë e tyre me martirët e kombit, zotrinjët ; Faridin Tafallari, Ibrahim Ukëhagja dhe Xhafer Leci i cili përgëzoi të pranishmit dhe organizatorët e Shoqatës “ Bardhosh Gërvalla”, për punën shumë të mirë. "Ndjehem mirë që edhe sonte jam bashkë me shokët e viteve të 1980-ta, duke dalluar Nami Ramadanin nga Tetova si shumë të merituar në organizimet e demonstratave dhe ceremonitë mortore të dëshmorëve të kombit. Kujtoi se populli ynë së bashku me mërgimtarët e saj njohin dhe ndjejnë në shpirtin e tyre heronjët. Disa prej tyre, si ; heroi i gjallë, Rasim Zeneli i plagosur në vitin (1981), që sot lëvizë me karrigë invalidi, dëshmorët e vrarë nga dora e ligë e UDB-ës; Vehbi Ibrahimi (1981), Jusuf e Bardhosh Gërvalla dhe Kadri Zeka (1982), si dhe Enver Hadri (1990), ishin dhe mbetën pjesë dhe gjurmë e pashlyeshme e zemrës shqiptare. Duke i përkujtuar martirët e kombit, kujtojmë edhe veprimtarët tjerë, heronjët e gjallë, që nuk kursyen jeten e tyre për të ardhmen e Kosovës",- përfundoi z. Leci.

"Ndjehem shumë e lumturë që sonte jam në mesin tuaj dhe bashkërisht kujtojmë, ata që u flijuan për lirinë e Kosovës ", foli z. Heidi Gauch.

Në sallën e kulturës, mbrëmja vazhdoi me koncertin humanitarë. Të pranishmit

përcjellen përmes projektorit, filmin dokumentar për bukuritë e natyrës shkodrane para dhe pas vërshimeve të fundit.

Moderatorët; Afërdita Shkreli dhe Can Tahiri, mes tjerash theksuan në disa pjesë të Shkodrës vërshimet kan paralizuar jetën e vllezërve dhe motrave tona. Barkat lundruese janë të vetmet mjete lëvizëse. Të mirat materjale të nevojshme për një jetë normale, mungojnë. Sipas njoftimeve më të fundit, është përmbytur një sipërfaqe toke, afërsisht 10 mijë hektarë, më shumë se 2000 shtëpi, ndërsa jan evakuar rreth 5 mijë banorë.

Edhe nikoqirët, përfaqësuesit e shoqatës kulturore " Bardhosh Gërvalla " dhe ata të klubit futbollistik " Drita ", përgëzuan të gjithë pjesmarrësit, të cilët me prezencën e tyre, këtu nga mërgimi, do të provojnë të lehtësojnë sado pak vështirësitë e banorëve të Shkodres.

Zotërinjët ; Regjep Dakaj, Marash Gojani dhe Sheremet Pantina u emëruan dhe udhëhoqën me sukses komisionin për grumbullimin e mjeteve financiare, dedikuar zones së përmbytur.

Moderatorët e lartëshënuar, disa herë lexuan listën me emrat dhe shumën e mjeteve të grumbulluara nga biletat hyrëse, kuzhina dhe donatorët tjerë.

Akademinë përkujtimore dhe koncertin humanitar, me një program të pasurë artistik e ndihmuan; Rrustem Selca, Antigona Bajrami, Arta Osmani, Xhevat Mehmeti, Lulzim Toverlani, Mehdi Gjocaj, Bujar Osaj, Kreshnik Ibrahimi, Lasgushi, Moleri, grupi i valltareve " Iliria " Heidelberg, me z.Ylberije Rad.

Në emër të këshillit organizativ, z. Afrim Sylejmani, falënderoi të gjithë pjesmarrësit për prezencën dhe përkrahjen në organizimin e kësaj mbramje. "Jan grumbulluar mjete financiare për banorët e Shkodrës, që i afrohen shumës (jo definitive), prej rreth 4.000 euro.

Këto dhe mjetet që do të grumbullohen, do t'i dërgoi këshilli i lartëpërmendur së shpejti nevojtarëve në Shkodër".

Një falenderim të veqant nikoqiri ju drejtoi edhe gazetave tona kombëtare; Bota Sot dhe Zëri Ditorë, pastai faqeve të internetit ; Zemra Shqiptare, Albemigrant, Web- faqeve ; Hakif.de, info@dardania-rv.de, www.akiz.jimdo.com ,për informimin dhe sensibilizimin e opinionit shqiptar për dy manifestimet e sontme si dhe pronarin e firmës POE të zotëriut Bajram Balaj që u kujdes për mbarëvajtjen dhe qetësinë në sallë.