Luan Çipi: Dy shqiptarë Qytetarë Nderi të Çikagos

Luan Çipi

DY SHQIPTARË QYTETARË NDERI TË ÇIKAGOS

Pardje, me diell në Vlorë dhe sot në tjetër botë

I ardhur në Çikago, sodis djalë, nuse e nipa.

Mjedisi me borë,  jashtë nuk dilet dotë.

Gëzuar, entuziast rrokaqiellit i  hipa.

Horizonti hapur, kati dyzetekatër

Larg e thellë liqenit anije me vela

Vello e Miçiganit bardhësi e kaltër.

Mbi retë qiellin çajnë qindra grataciela.

Këtu më pranë meje, pamje fantastike

Veturat garojnë në rrugë e në pjaca

Aty më tutje vetë “Milja magjike”

Trena e tramvaje shkasin  mbi tarraca.

Për gjatë bregut të Liqenit, si kolos

Qyteti i pafund me banorë sa Shqipëria,

Veriu i Amerikës dhe Shteti Illinois.

Me ta demokracia, mirqënia, liria.

Qytet i industrisë, biznesit, biftekut

Ku njerëzit hanë ushqyeshëm: brokol, spinaq, salmon

Ngritur lart në qiell me beton e hekur

Nyje për transportin që kudo të çon.

Era nga Liqeni fryn lehtë, flladit

Muzeume, parqe, qendra që gjallojnë

Rrugë paralele, me hapësirë e dritë

Njerëzit të gëzuar jetojnë e punojnë.

Shpejt nisa “lundroj”: Çikago Wikipedia

Çuditem kur hasa me “t’nderit qytetarë”

Midis 20 syresh,  nuk ma merrte mendja,

Dy Belushët gjeta, dy  artistë shqiptarë.

Çikago, Janar, 13. 2011