Engjëll Koliqi - Poezi të 3 janarit 2011

ËSHTË MOMENTI

 

Duhet të ulem

Me të gjitha fuqitë

Dhe me të gjitha mrekullitë

Projektin tim historik

Ta çoj përpara

Dhe ta mbaroj

...

Është momenti i fundit

Dhe s’mund të pres më

Garlate (Lecco), 3 janar 2011

 

JAM EDHE UNË

 

Mos u ngutni ju andej

Në tokën time mos bëni eksperimente

Me rreziqe për jetën

Dhe për njerëzinë

Duhet ta dini mirë

Jam edhe unë

Dëshmitar i drejtëpërdrejtë

Dhe aktor i parë

Në të gjitha lëvizjet e dashurisë

Kujdes

Në parajsën e lumturisë

Më pret kurora e mbretërisë

Për mbarë njerëzinë

Garlate (Lecco), 3 janar 2011

 

NË ÇDO RRUGË

 

Vetëm dy drejtime janë

-

Andej shkojnë

Të gjithë përpara

Drejt dashurisë

Dhe lumturisë

Këndej vijnë

Me shumë kërkesa

Për shumë interese

...

Garlate (Lecco), 3 janar 2011

 

DREJT MREKULLISË

 

Marshojmë fuqishëm

Dhe me shumë kënaqësi

Drejt mrekullive hyjnore

Të dashurisë

Shtigjet i kemi të arta

Dhe të përjetshme

...

Garlate (Lecco), 3 janar 2011

 

DO E KRYEJ

 

Mos u gajlo Bablok

Si   gjthmonë

Edhe kësaj radhe

Do e kryej

Me plot sukses

Nën rrezet e dashurisë

Projektin tim historik

-

Të vërtetat historike

Të dashurisë së Dardanisë

Bashkë me ne

Do nisen udhës së amshimit

 Garlate (Lecco), 3 janar 2011

 

S’KAM MENDUAR

 

Jam nisur vetë

Në korridorin e fluturimeve

Për t’i takuar mrekullitë

Dhe për të triumfuar

Në histori

...

S’kam menduar kurrë

Se duhet të kem

Bashkëpunëtorë

Dhe dëshmitarë

...

Kërkoj falje

Dhe ju ftoj të gjithëve

O njerëz vullnetmirë

Eni të marshojmë bashkë

Deri në amshimin

E lumturisë

Garlate (Lecco), 3 janar 2011

 

ME TË GJITHA MUNDËSITË

 

Jam rropatur shumë

Nëpër valët e kohës

Me të gjitha fuqitë

Dhe me të gjitha mundësitë

Të gjitha sfidat i përballoj

E projektin e dashurisë

Në vend e çoj

Garlate (Lecco), 3 janar 2011

 

LIGJI ËSHTË LIGJ

 

Deshtën apo jo

Në botën time

Do të respektojnë kushtetutën tonë

Sepse ligji është ligj

E duhet të përgjigjen

Garlate (Lecco), 3 janar 2011

 

PËRGJEGJËSI

 

Në çdo hap

Dhe në çdo lëvizje

Unë me mbretëreshën

Kemi shumë përgjegjësi

Për tonën mbretëri

Dhe për mbarë njerëzinë

Garlate (Lecco), 3 janar 2011

 

EDHE NË KËTË VIT TË RI

 

Kemi hyrë me probleme të vjetra

Dhe me shumë obligime

E me projekte

Motoja jonë

Është triumfi i dashurisë

Në mbarë botën

-

Gëzuar!

Garlate (Lecco), 3 janar 2011

 

NGA KRESHTAT VJEN SHQIPONJA

 

Edhe natën në gjumë

Nga kreshtat e Dardanisë

Me ëndërrbardhat

Më vjen Shqiponja

Gjithmonë me porosinë

Që të mos e harroj kurrë

Dashurinë e zjarrtë

Dhe mirësinë

E zemrës

Së tokës ilirike

-

Do e mbaj porosinë

Dhe do të prodhoj

Gjithnjë e më shumë

Dashuri

-

I madh do të bëhem

Në histori

Garlate (Lecco), 3 janar 2011

 

NË TË BUKURAT VALLE

 

Unë edhe mbretëresha

Jemi më të ndriturit

Dhe më të vezullueshmit

Nën rrezet e bekuara

Të dashurisë

Garlate (Lecco), 3 janar 2011

 

TEJ FALËNDERIMIT

 

Dashurinë tonë

E veshim me shumë merita

Dhe me urime të merituara

Për marshim të përjetshëm

Shtigjeve të përgatitura

Të lumturisë

Garlate (Lecco), 3 janar 2011

 

DO T’IA DALIM

 

Megjithë pengesat e shumta

Dhe diplomacitë shumëfytyrëshe

Ne kemi

Mrekullitë hyjnore

Dhe drejtësinë natyrore

Dhe do t’ia dalim

Me krenari

Dhe me shpirtin plot dashuri

Do e shpallim ngadhnjimin

Garlate (Lecco), 3 janar 2011

 

MIRËSIA PRODHON DASHURI

 

Mos u ndalni

O njerëz vullnetmirë

Të jeni të bindur

Se me akte të bekuara

Të mirësisë

Gjithmonë prodhoni

Dashuri

-

Ëmbëlsia e mirësisë

E bën të shijshme dashurinë

Garlate (Lecco), 3 janar 2011

 

BETOHEM

 

O shekull

O botë

Ecni përpara me krenari

Unë betohem

Të prodhoj

Deri në amshim

Mirësi

E dashuri

Që të ju mbush

Plot

Me lumturi

Garlate (Lecco), 3 janar 2011