E hene, 05.05.2025, 10:22 AM (GMT+1)

Kulturë

Kujtim Mateli: Poeti Niko Tyto me dy libra të rinj për vitin 2011

E marte, 04.01.2011, 08:59 PM


Poeti Niko Tyto me dy libra të rinj për vitin 2011

 

Nga Kujtim Mateli

 

Poeti i mirënjohur Niko Tyto, autori i 8 librave me letërsi folklorike, 5 libra me studime dhe i 14 librave me letërsi për fëmijë; në këtë fillim të vitit 2011 sjell para lexuesve të vegjël dy vëllime poetike të titulluara “ Nipi, mbesat dhe gjyshi”, si dhe “ Një tufë gjëegjëza”. Të dy këto vëllime shënojnë një majë në udhën poetike të këtij autori dhe të  letërsisë shqiptare për fëmijë.
****
Poema
“ Nipi, mbesat dhe gjyshi”, na jep lidhjen e pazgjidhme midis brezave, ku njeri brez  i përcjell tjetrit jo vetëm njohuritë për botën që na rrethon, por edhe dashurinë për njeri-tjetrin, dashurinë për të afërmit dhe familjen, për shokët dhe shoqet e shkollës, për mësuesit, për të gjithë ata njerëz të mirë që na rrethojnë dhe që e gjithë kjo masë njerëzish përbëjnë atë që ne e quajmë shoqëri. Kjo është shoqëria njerëzore për të cilën interesohet çdo individ. Kontributi  i gjithësecilit e bën shoqërinë që të ndihet e sigurt në rrjedhat e historisë. Njerëzit që investohen negativisht në shoqëri, shpejt a vonë përfundojnë si pjesa e pavlerë e saj. Ndaj çdo familje mundohet që të krijojë brenda anëtarëve që e krijojnë atë vlera njerëzore; vlera që do ta mbajnë gjallë vazhdimësinë e saj.
Njerën nga këto familje, që bën të gjitha përpjekjet për të trashëguar vlerat e familjes së vet dhe të shoqërisë, na sjell dhe poeti Niko Tyto në poemën e vet “ Nipi, mbesat dhe gjyshi”. 
Me vargje të ngrohta, që shprehin dashurinë njerëzore, autori qysh në vargjet e parë na jep këtë atmosferë që më pas do të rrjedhë natyrshëm midis tyre:
“Si lum gjyshi
Për dy mbesa,
 I ka zemra,  i ka shpresa”.
Në çdo hap të tyre ndihet prania e gjyshit, kur shkojnë në kopësht apo në shkollë, por edhe pasditeve kur ato mësojnë apo ndihmojnë nënën e tyre. Gjyshi  i ka në përkujdesje edhe kur ata luajnë të tre së bashku.
Poema bëhet interesante kur fëmijët e pyesin gjyshin e tyre për gjithçka: Pse flamuri e ka shqiponjën me dy krerë, pse sjellja e mirë e zbukuron njeriun, pse dituria është pasuri dhe pse kur bën prapësira nuk ka mbarësi.
Poema është një bisedë e natyrshme midis fëmijëve dhe gjyshit të tyre, duke na dhënë artistikisht një material të bollshëm nga jeta, por edhe si duhet të sillemi në shoqëri:
“ Pse gjysh të mendojë
Njeriu dhjetë herë.
Ndërsa për të folur,
Të flasë një herë
”?
Poezia “ Si Tedi” na jep portretin e një fëmije shembullorë, që nuk e kalon kohën kot, por përgatit rregullisht mësimet, ndihmon nënën dhe është  i pari në shkollë dhe i dashur me shokët.
 I kundërti  i personazhit të Tedit na jepet Agroni tek poezia “ Pse”?
Kjo kundërvënie e karaktereve të ndryshme të Tedit gojëëmbël dhe  i Agronit  që është me shokët grinjar, na jep atmosferën që eksiston në mjedisin e fëmijëve dhe njëkohësisht shembullin e mirë prej të cilit duhet të udhëhiqemi në jetë.
Një shembull pozitiv mund të gjendet edhe te bleta, të cilën autori e ka dhënë bukur artistikisht si pjesë përbërse e botës fëminore:
“ Bletë e bukur,
Bletë punëtore,
Je për mua shembullore”.
****
Vëllim i tjetër poetik “ Një tufë gjëegjëza” na sjellë një copëz nga qielli i kaltër pranveror a i mbushur me tufa resh që na kujtojnë vjeshtën dhe dimrin, ku veprojnë personazhet e Niko Tytos dhe që lexuesi  i vogël mundohet të gjejë nëpërmjet gjëegjëzave se për cilën dukuri atmosferike a mjedis shoqëror bëhet fjalë. Janë plot 90 gjëegjëza të thurura bukur, ku  stinët e vitit alternohen natyrshëm me njëra-tjetrën, shpendët si shqiponja e thëllëza ia lenë vendin  dallandyshes dhe harabelit; dhelpra dhe lepurushi ndajnë të njenjtin mjedis me ariun dhe çakallin. Aty janë të pranishëm sorkadhja, kali, qeni dhe ujku. Në krijimet e Niko Tytos është e pranishme bota që na rrethon me të gjithë larminë dhe bukurinë e saj dhe që lexuesi e sheh atë në lëvizje dhe ripërtëritje të vazhdueshme. 
*****
Po kush është Niko Tyto, simboli i njeriut popullor, i njeriut të virtytshëm, i njeriut të palodhur që është i pranishëm në bisedat brenda trevës së Përmetit, por edhe jashtë saj. Për të flet sarandioti e korçari, shkodrani e kuksiani, mjafton ta kete njohur sadopak, qoftë dhe në një bisedë të vetme. Po edhe ata që nuk kanë mundur të takohen me të, janë takuar me punën e tij krijuese, ndaj për Nikon flitet me admirim gjithmonë.
Njerëzit e identifikojnë kombin, qytetin, krahinën,  fshatin, madje edhe fisin me bijtë më të mirë të tyre.
Ndër këta njerëz me personalitet të spikatur dhe karizmatik bën pjesë dhe Niko Tyto, që unë dua të shpreh disa mendime të motivuara me ndjenjën e sinqeritetit dhe të dashamirësisë, si njohës dhe admirues  i krijimtarisë së tij letrare-artistike. Natyrisht, nuk pretendoj se do të them gjithçka, por mendoj se do të nënvizoj disa vlera që mua më duken me interes dhe që plotësojnë këtë personalitet.
****
Niko Tyto vjen si një figurë popullore,  i njohur gjerësisht jo vetëm në rrethin e Përmetit, por edhe më gjerë.
U  lind më 1936 në Malëshovë, në një nga fshatrat pranë qytetit të Këlcyrës. Aty mori arsimin fillor. Shkollen 7-vjeçare e kreu në Elbasan ku vazhdoi dhe pedagogjiken, të cilën e mbaroi në Gjirokastër, më 1955.
Mbaroi Universitetin e Tiranes, Fakultetin Histori-Filologji, dega Letërsi shqipe, më 1961.
Pas 11 vitesh, më 1972, kreu kursin pasuniversitar për letërsi shqipe, në Tiranë. Ka shërbyer si mësues  i ciklit të ulët në Mbrezhan e Riban, në ciklin 8-vjeçar në Kajcë dhe Ballaban  si drejtor shkolle dhe 30 vjet në shkollën e mesme Përmet, Sukë e Këlcyrë, si mësues letërsie.
Shpejt u dallua jo vetem si mësues  i përkushtuar, po shfaqi tiparet e një njeriu popullor,  i kudondodhur tek njerëzit, pjesëmarrës në shqetësimet e tyre. Aftësitë e tij do të shfaqen në pesë   drejtime kryesore:
****
Përkushtim i  i parë  ka qenë ndaj punës së tij si mësues. U dallua shpejt me dhuntitë e tij sidomos në komentin e pjesëve letrare, të cilat  i përcillte me frymëzim dhe emocion duke rikrijuar veprën artistikisht në stilin e tij dhe duke nxjerrë në dukje vlerat reale të veprave. Njihet si komentues  i talentuar, sidomos  i autorëve të Rilindjes sonë kombëtare dhe të atyre të Pavarësisë. Po edhe shumë veprave të autorëve të huaj, me komentet dhe analizat që u bëri, u dha edhe një dimension të ri, atë të hapësirës shqiptare.  Krijoi një profil të veçantë dhe  u bë model për mësuesit e tjerë të letërsisë. Këtë përvojë kaq të pasur do ta botonte pjesërisht në librin “Fjala e mësuesit përmetar” nr.8  në vitin 1980  ku u kushtohet komenteve letrare për të gjitha shkollat, duke komentuar disa nga këngët popullore, sidomos nga ato që këndohen në rrethin e Përmetit. 
Nuk rreshti së dhëni përvojën e tij.  A i ka drejtuar punën metodike në bazë shkolle,
zone dhe rrethi, punë të cilën e ka përgjithësuar edhe në shkrimet e tij në gazetën “Mësuesi”.
Po ashtu duhet të citoj se ka qënë  i aktivizuar në diskutimet që organizonte Ministria  e Arsimit për programet e letërsisë si dhe për hartimin e teksteve shkollore.
Ka  referuar materiale letrare e gjuhësore në sesionet shkencore si: në Përmet, Gjirokastër, Berat, Elbasan e Tiranë.  Këto tema kishin karakter gjuhësor, folklorik, letrar, historik  etj.
 Ja disa prej tyre:
“Naimi dhe gjuha shqipe”,  “Mendimet  e Sami Frashërit në fushën e proverbave”,  “Figura e tre vëllezërve  Frashëri e pasqyruar në këngën popullore përmetare” etj.

Ka referuar për figura të  shquara të kombit tonë si: Abdyl Frashëri, Kamber Bënja, Sefulla Malëshova , Dashnor Mamaqi, At Stath Melani , Mithat  Frashëri si dhe për ngjarje të shënuara historike si : “Lidhja shqiptare e Prizrenit” Këto shkrime e kanë parë dritën e botimit në shtypin periodik.
Nikoja është  i pranishëm në çdo veprimtari. Si veprimtar shoqëror ka qenë aktivizuar dhe në diskutimet e tij ka dhënë ndihmesë për problemet sociale, kryesisht në Këlcyrë, në Shoqatën Atdhetare Kulturore të Përmetit e të  Malëshovës. Duke qenë respektivisht anëtarë kryesie  i këtyre shoqatave, me penën e tij ka trajtuar një sërë problemesh. Po ashtu duhet të theksoj  kontributin e tij në diskutimet dinjitoze në promovimin e librave të publicistit përmetar Nuri Dragoj për librat ”Dëshnica dhe dëshnicarët”,  “Dosja Trebeshina” etj,  si dhe të kompozitorit po  përmetar Vasil Tole  “Usta Laveri” .
Për përkushtimin e tij ndaj punës nga Kuvend i Popullor,  Nikoja është nderuar me Urdhërin “Naim Frashëri” të klasit të parë me motivacionin  “Për nivel të lartë të mësimdhënies, përgatitjen e lartë të nxënësve dhe studimin e folklorit të Zonës” Dekreti nr 799 viti 1994.
Gjithashtu Niko Tyto ka qenë delegat në Konferencën kombëtare të folkloristikës shqiptare më 1972 si dhe  i ftuar po këtë vit në Kongresin e Drejtshkrimit  po në Tiranë.  Shumë herë ka qenë  i ftuar në plenumin e Lidhjes së Shkrimtarëvë  si dhe në sesione shkencore me karakter gjuhësor apo të letërsisë, organizuar nga Institut i  i Gjuhësisë dhe Letërsisë.  Një ngjarje e shënuar ka qenë, kur më 16 dhjetor 1996, në shtëpinë e kulturës Përmet në “Konferenca e intelektualeve përmetare” të ardhur nga mbarë Shqipëria, Niko Tyto mbajti referatin  “Të gjallërojmë jetën artistike kulturore përmetare”
****
Përkushtim i  i dytë ka qenë krijimtaria letrare, sidomos ajo për fëmijë.
Në vëllimet poetike për fëmijë, një nga temat më të dashura të autorit është dashuria për atdheun, për të cilin janë  krenar jo vetëm të rriturit,  por edhe fëmijët.  Malli për vendlindjen,  për prindërit, për shoqërine, janë tema që spikatin ndër këto vjersha që aq ëmbël, mirë e bukur janë trajtuar për botën fëminore. Duhet të citoj se këto poezi, me një tematikë  të larmishme, të  pasqyruara me një larmi formash metrike, të shkruara me stil të thjeshtë, duke ruajtur muzikalitetin dhe shumëllojshmërinë e rimave dhe të kadencës, kanë qenë të dashura për lexuesin, si për fëmijët e kopshteve, si për fëmijët e ciklit 8-vjeçar apo dhe për shumë kompozitorë  që  i kanë shfrytëzuar, kryesisht në vitet 70-të, në festivalet e këngës për fëmijë në shkallë rrethi apo kombëtarë
Në serinë e almanakëvë letrarë që botonte shtëpia e kulturës Përmet, kryesisht në vitet 60-të-70-të, në çdo numër do të gjeje vjersha të Niko Tytos si dhe studime në rubrikën “Pasthënie” etj.
Në revistat  e kohës si: “Yllkat”, “Fatosi”, “Pionieri” apo sot, “Cicërimat” , “Kacamici”  “Mrekullia”, “Kolopuçët” etj., gjenden me dhjetra vjersha që nuk janë pasqyruar në vëllimet e botuara.
Shumë nga këto vjersha  i gjejmë në antologjitë poetike  për fëmijë, sidomos në vëllimet “Burim i  i dijes”, libër për lexime jashtë klase, numri 1, 2, 3, 4, “Si një lule”, “Kur vjen prilli”,   “Bëri mirë a bër i keq”,   “Një  këshillë” etj,etj.  Kur u botua vëllimi   “Lexikon”  (shkrimtarë shqiptarë për fëmijë) midis autorëve të tjerë kemi dhe poetin Niko Tyto, faqe 228.

Krijimtaria letrare e autorit është e rritur dhe e vlerësuar në vlerë artistike, ndaj në analizën e Lidhjes së Shkrimtarëve për  fëmijë, ajo është vlerësuar. Si poet Niko Tyto është anëtar  i Lidhjes së Shkrimtarëve të Shqipërisë qysh nga viti 1976.  Në gazetën letrare  “Drita” dhe “Obelisku”  ka botuar poezi si dhe profile për personalitete letrare.

Po ashtu janë mb i 15 vëllime libra artistikë  të redaktuara  dhe të pajisura me parathënie, për fëmijë apo për të rritur nga pena e Niko Tytos që e kanë parë dritën e botimit.
Nga krijimtaria e tij ka të botuar këta libra:
1- O ti yll         1975
2- Jam krenar  1976
3- Në fshatin e lumtur 1976
4- Rritem unë e rritesh t i 1989
5- Dashuria ime              1998
6- Të lutem gjyshe dhe një  2000
7- Tregon gjyshja        2001
8- Eh,sikur të kisha!  2006
9- Gazmore, kuriozitete, a e dini se? 2007
10- Shih moj mami sa u rrita! 2008
11-  103  gjëegjëza  2009
12
Gjëegjëza dhe përralla në vargje 2010
13- Nipi, mbesat dhe gjyshi 2011
14- Një tufë gjëegjëza 2011
***
Përkushtim i  i tretë ka qenë ndaj pasurisë folklorike.Trevat e krahinës së Dëshnicës dhe Malëshovës,  banorët e së cilës kanë rritur në numër qytetin e Këlcyrës,  janë një pasuri e paçmuar folklorike.  Kjo pasuri, shfaqet si gur margaritari në të gjithë rrethin e Përmetit. Nikos do t` i lindëte  pasionin për ta mbledhur atë.  Folkloristi  i ri, në gjurmim të kësaj pasurie popullore, do të mbetej  i mahnitur në mozaikun e këngëve dhe valleve përmetare.  Nëpër vargjet e këngëve do të gjente figura historike të njohura, por edhe të panjohura, që njerëzit  i kishin përcjellë brez pas brez i në rrjedhë të shekujve.  Ato këngë  të çonin larg në kohë dhe hapësirë.  Ato shpërthenin si buqeta lulesh në dasma dhe në festa. U këndohej fëmijëve mbi djep. Po kjo botë shpirtërore ishte e pasur edhe me fjalë të urta, me  gjëegjëza apo shprehje të ndryshme që shprehnin filozofinë e popullit mbi dukuri të ndryshme të jetës.  Ndaj iu përvesh punës si mbledhës  i folklorit.
Niko Tyto ka qenë  i aktivizuar në festivale folklorike që organizoheshin qoftë në bazë shkolle  apo Zone, qoftë në bazë Rrethi apo Kombëtare. Si anëtar komisioni i disa festivaleve folklorike të Gjirokastrës  apo “Përmeti multikulturor” ai ka dhënë ndihmesën jo vetëm në zbulimin e vlerave folklorike, por edhe në interpertimin dhe botimin e këtyre vlerave.  Duke qenë mbi 40 vjet bashkëpunëtor i jashtëm i Institutit të Kulturës Popullore në Tiranë, në vitet 1987, 1989 ka qenë anëtar i ekspeditës folklorike si në Dëshnicë, Shqeri dhe Dangëlli, të organizuara nga ky Institut.
Në botimet e këtij Instituti, si në vëllimet e  IV ,VI, VI  etj. me emrin e Nikos do të gjejmë me dhjetra e qindra këngë përmetare.
Me interes janë dhe grumbullimi, studim i dhe botimi  i këngës bektashiane përmetare, po nga ky autor, në revistën “Urtësia” me titullin “Këngët bektashiane si bashkudhëtare”. Shumë shkrime folklorike  i kemi lexuar në gazetën “ Dëshnica” si: “Ëmbëlsia e këngës dëshnicare”
“Kënga popullore e nizamit në Dëshnicë” etj., ndërsa në shtypin periodik  janë botuar shkrime folklorike si:  ” Figura e Abdyl Frashërit në këngën popullore”, “Shkolla dhe mësuesi përmetar në gojën e popullit”,  ”Flamuri në vargjet e këngës përmetare”, etj. Këto shkrime folklorike kanë tërhequr  vëmëndjen e lexuesit dhe kanë marrë vlerësime  pozitive.
Për shumë vite në Përmet,  Niko Tyto ka drejtuar shoqatën e folklorit,  ku ka organizuar dhe drejtuar sesione shkencore folklorike edhe në bashkëpunim me Institutin e Kulturës Popullore  si dhe botime që  tani janë  të njohura.   Disa nga këto sesione si: “Dëshmorët janë krenaria e rrethit” janë të rregjistruara nga arshiva e Institutit të Kulturës Popullore.
Për punën e tij  si folklorist, Niko Tyto, me dekret  të Kuvendit Popullor nr.5892 viti 1979 ka marrë Urdhërin “Naim Frashëri” kl.III-të me motivacionin “Për grumbullimin e krijimtarisë gojore popullore dhe përhapjen e saj në masë” .
Me interes kanë qenë emisionet në “Radio-Tirana” në muajin maj 2008, për vlerat kulturore e folklorike përmetare (katër emisione)
Në fushën e folklorit ka botuar këta libra:
1- Gëzon zemra përmetare  1971
2-  Fjala e mësuesit përmetar 1980
3- Lule për Atdhe  1987
4- Këngë popullore nga krahina e Malëshovës  2001
5- Anekdota 249 në vitin 2005
6- Këngë popullore të rrethit  të Përmetit  2006
7- Fjalë të urta 6150, në vitin  2008
8- Gjëegjëza  2008
Në të gjitha këto vëllime bie në sy puna këmbëngulëse për të pasqyruar këtë pasuri popullore në mënyrë shkencore. Në botimin  “Këngë popullore nga krahina e Malëshovës” lënda është e ndarë në kapituj sipas  tematikës. Ajo është specifikuar se në ç`rrethana këndohet kjo këngë, kush e ka kënduar atë, si dhe plot shënime të tjera që e bëjnë të qartë për brezat e sotëm dhe ata që vijnë.
Mb i këto kritere shkencore është ndërtuar edhe libri tjetër 
“Këngë popullore të rrethit të Përmetit“  2006, ku Niko Tyto është bashkautor me një tjetër studjues përmetar, Prof. Agron Xhagolli.  Libri  i fundit që ka dalë në qarkullim është  “Fjalë  të urta 6150”, ku siç thuhet dhe në titull përmban 6150 fjalë të urta. Autor i ka punuar me kujdes duke na dhënë një vepër dinjitoze që qëndron përkrah veprave më të mira të këtij lloji.  Fjalët e urta janë grupuar në 69 kapituj,  e cila e bën mjaft të lehtë studimin e këtij libri dhe të përdorueshëm për të gjithë njerëzit.
Po  autori nuk ka të ndalur në punën e tij .  Punon me kujdes çdo ditë për të sjellë  këtë thesar tek lexuesi. Ka në dorëshkrim dhe në proces botim i librat e mëposhtëm:
1-  325 anekdota
2-  12.700  frazeologj i popullore
3-  1300   përshëndetje, urime, mallkime, betime.
4-  65  përralla
 
Po të vërejmë me kujdes të gjithë materialin voluminoz të botuar dhe të pabotuar mund të themi pa frikë  se vepra  e Niko Tytos  përbën materialin bazë për një  Enciklopedi të rrethit të Përmetit.
****
Përkushtim i   i  katërt është  ndaj punës si publicist.
Puna e Niko Tytos është e njohur ndër vite edhe në fushën e gazetarisë.  Qysh nxënës, në Pedagogjike  apo student në Universitet e sidomos si mësues, ai ka shkruar artikuj me tematikë  të larmishme dhe, pothuaj të botuar në të gjitha organet e shtypit si:  “Zëri  i Popullit”,  “Bashkimi”,  “Zëri  i Rinisë” , “Shekulli”,  “Republika”,  Albania
”,  “Dita”etj.

Po ashtu ka botuar në organet e shtypit lokal  si: “”Prometheu  i Përmetit”, “Qyteti  i Jugut”, “Fjala sot”,  “Java”,  “Tepelena jonë”,“Zagoria”,  ”Përmeti”,  “Dëshnica” etj.  Ka vlera shkrim i  “Sefulla Malëshova patriot e poet autentik” në gazetën “Rilindja”, tetor 1994,  botim  i Kosovës.
Disa shkrime të tjera janë:  “Këlcyra në këngët e L.A.N.Çl.”,  botuar tek “Bashkimi” apo “Përse na tërheq vëmendjen  çeta partizane “Koto Hoxhi”, botuar tek “Zër i  i Popullit” 2008. Po  aq  tërheqëse janë dhe intervistat,  dhënë në këto gazeta, kushtuar personaliteteve shoqërore të cilat kanë hapur debate konstruktive.
Theksojme se Nikoja ka qenë korrespodent  i gazetës “Zër i  i Rinisë”   i rrethit  të  Përmetit në vitet  60-të, ndërsa në vitet 90-të tek gazetat “LLajko Dhima” dhe “Fjala sot” që dilnin në Gjirokastër dhe Tepelenë.
Sot drejton gazetën Malëshova. Në shkrimet e tij të filluara nga informacion i dhe intervistat, nga portreti dhe reportazhi, der i tek artikujt recesionerë dhe problemorë, është shquar për një stil  të zhdërvjellët, me një gjuhë të pastër e të pasur emocionalisht, që ka tërhequr vëmendjen e lexuesit.
****
Përkushtim i  i pestë ka qenë puna studimore shkencore.
Kjo punë e lodhëshme dhe e dobishme ka qenë pasion  i përhershëm  i Nikos, sepse ai me laps në dorë, në çdo bisedë apo diskutim, në cdo takim me prindër të nxënësve apo kur lexonte literaturë, do të mbante shënime e do të bënte nënvizime. Janë me interes studimet ”Bektash Shkëmbi mësues këlcyriot”, përpjekje e këlcyriotëvë për të fituar dituri në vitet 30-të si dhe “Të njohim patriotët e Zonës së Këlcyrës” etj.
Po  kaq interes ka dhe puna studimore: “Fjala sevda në erotikën përmetare” që shpreh përdorimin e kësaj fjale në funksion emocional në 92 këngë erotike.
Vlera studimore kanë dhe shkrimet e botuara në shtypin periodik, për poetin e talentuar Lliko Nano apo për legjendën përmetare të muzikës, Laver Bariu. Shume recesione si: “Një antologji  dinjitoze”,  “Prehër i  i nënës”, 
“Llukan Qorri njeri dhe poet”, janë mirëpritur për vlerat e tyre.
Vëmendje ka tërhequr në rrethet intelektuale puna studimore dhe interpretim i  i figurës poliedrike, të kalorësit të demokracisë, përfaqësuesit të denjë të socialdemokracisë shqiptare, poetit dhe shqipëruesit të nderuar Sefulla Malëshova.
Ky studim u shqua jo vetëm për grumbullimin dhe sistemimin e materialit gojor, të grumbulluar nga 107 veta, në kohë e vende të ndryshme, por edhe nga përzgjedhja, renditja e sidomos nga interpretimi, duke iu larguar ngjyrimeve politike, pavarësisht se diktatura emërkeqe  hodhi baltë dhe veprën e këtij martiri të demokracisë  e krasiti me dorë të trashë. Nxjerrja e vlerave intelektuale si njeri politik, mendimtar  i shquar, poet e shqipërues  i talentuar, polyglot  i rrallë, njohës  i 14 gjuhëve, u realizuan nëpër konferenca e sesione shkencore që u organizuan në Këlcyrë, Përmet  e Tiranë, si dhe në disa artikuj në shtypin e përditshëm, derisa u kurorëzuan me botimin e librit “Për Sefulla Malëshovën”.   Dimë se autori po vazhdon të punojë me këtë figurë, si emblemë  të diturisë dhe urojmë që të lexojmë gjëra të mira dhe të bukura.
Deri tani janë të botuar këta libra studimorë:
1-  50-vjetor i  i shkollës 7-vjeçare Mbrezhan  1999
2-  Për Sefulla Malëshovën    2003
3-  Nder për Malëshovën       2004
4-  Gazmore kuriozitete,a e din i se?!  2007
Edhe pse në moshën 75-vjecare,  poeti, folkloristi, publicisti  dhe studjuesi Niko Tyto, ndodhet në pranverën e krijimtarisë.  Libra të tjerë presim nga dora dhe mendja e tij.



(Vota: 9 . Mesatare: 5/5)

Komentoni
Komenti:


Gallery

Karnavalet Ilire në Bozovcë dhe Tetovë - 2025
Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx