Poezi nga Naim Aliaj

Naim Aliaj

Lulevera

Ku më je moj lulevere

Cucëbukura

Dritëron në atë penxhere

belkëputura

Belunaza

Shkojnë vajzat si rruaza

Po vallëzoka belunaza

Bëri erë palat e fundit

Tërboi djemtë e katundit

Triumfi

Ka vite qe i shëtis këto vargje

Letër më letër e fletë më fletë

Gjithnjë kam shpresuar në këtë ditë të madhe

Që do të ndryshonte  me  mijëra  jetë.

Emocion

Emocionohem

Kur

Dëgjoj për dikë

Ogur

Për arritje artistësh

Në film,këngë a piktur

Me një portret heroi

Varur në

Mur

Me gjithçka të bukur

E plot

Nur

Për kurbetlinjtë

Ikur

E që kthehen

S`di se

Kur?

Ballëhëna

Cuc` e bukur rri në shkallë

Bashkë me hënën paska dalë

Falim buzët dalëngadalë

I lëmoj hënën mbi ballë

Je si diell e hanë

Dal e rri te dera

Me të kundru ty

Pesëmbëdhjetë pranvera

Të lexoj në sy

Turrem me të zanë

Ti ecën me vrap

Je si diell e hanë

Vete e vjen prap