Janaq Pani: Bucela dhe tërkuza

Janaq Pani

BUCELA DHE TËRKUZA

Nënat tona heroike

n'ato kohë varfërie

edhe me litar për gryke

ishin vetë ëmbëlsia.

Mbi bujcelën ujëplot

dhe ne na mirrnin kaluar,

si përralla ngjajnë sot

ato dhimbje, vite shkuar.

Nënat tona aq të mira

gjithë jetën buza tharë,

ju - oaze  në shkretëtirë

gjelbëruat një Saharë.

Gjithë jetën me tërkuzë

për shtëpinë mbar e bjerë,

ju, edhe me bark te buza

s'u kursyet asnjëherë.

Nga gjurm' e litarit, supet

do t'i dhembin edhe fjalës,

shpirti im, o NËNË, lutet

për ç'nuk bëra të më falësh...