Engjëll Koliqi - Poezi të 13 e 14 tetoritt 2010 - poesie del 13 e 14 ottobre 2010

MBI KRAHËT E ENGJËLLIT

 

Me fuqi privilegjesh

Ia marrim këngës

Dhe e bëjmë gjithnjë e më të bujshme

Kremten e dashurisë

Fusim në vallen festive

Të gjithë qiejt e lumturisë

Me buqitje të gëzueshme

Të mbarë njerëzisë

                        Garlate (Lecco), 13 tetor 2010

 

NË GËZIMIN E ZEMRËS SIME

 

Në vendin e parë

Dhe në fjalën e parë

Është përherë

Dhe në çdo reliev

Dashuria

Dhe vetëm dashuria

Që m’i sjell

Dhe i glorifikon

Të shenjtat tradita

Që i kam trashëguar nga të parët

                        Garlate (Lecco), 13 tetor 2010

 

N’ATË BUZËQESHJEN TËNDE

 

Ndjenjat e mira të dashurisë

Dallohen

Dhe shkëlqejnë si qirinjë jetësorë

Të stinës së re

                        Garlate (Lecco), 13 tetor 2010

 

FRYTE DASHURIE

 

Në marshimin tonë

Sytë e njerëzve kanë parë plot puthje

Ledhatime t’ëmbëla

Gjithçka që kënaq shpirtin

-

Të gjitha këto

Janë fryte dashurie

                        Garlate (Lecco), 13 tetor 2010

 

PARA KUVENDIT

 

Njerëzit merren vesh

Dhe betohen

Njëri me tjetrin

Lidhin aleanca

Dhe përgatiten për vendime

                        Garlate (Lecco), 13 tetor 2010

 

MBI KRAHËT E ËNDËRRAVE

 

Fluturojmë

Dhe kurrë s’ndalemi

Qiejve të dashurisë

Unë edhe mbretëresha

Siç kanë thënë profetët

Jemi gjithmonë

Në shërbim të njerëzisë

-

Gëzuar!

                        Garlate (Lecco), 13 tetor 2010

 

DUKE SHKRUAR HISTORINË

 

Shumë dhembje

Por edhe shumë këndje

Dhe gëzime

Prekin mendjen time

Dhe ma riaktivizojnë këtë zemër

Në të bekuarat valle të dashurisë

Gjithnjë kërkoj

Pambarimin e kënaqësisë

Dhe amshimin e dashurisë

Rehatimin shpirtëror

Të mbarë njerëzisë

Në parajsën e amshuar të lumturisë

                        Garlate (Lecco), 13 tetor 2010

 

SHIGJETË DASHURIE

 

E nisur

Nga qiejt e besës

Vjen e u mëshon grumbujve t’intereseve

I shpartallon

Me ëmbëlsi hyjnore

Të mrekullisë

Këtë regjim të dashurisë

Shumë e përforcon

                        Garlate (Lecco), 13 tetor 2010

 

SIPAS RREGULLAVE

 

Rreth nesh hapet vallja

Stina e parë paralajmëron mot të bereqetshëm

Historia mbledh faktet

Dhe niset drejt amshimit

Më së shumti gëzohet

Parajsa e dashurisë

                        Garlate (Lecco), 13 tetor 2010

 

MES DËSHIRAVE

 

Dikush ka kërkuar paqe dhe dashuri

Në të gjitha pëllëmbët e rruzullit

Dikush kërkon luftëra dhe tollovi

Të tjerët duan vetëm spektakle

Sa për të thënë

E për të bërë diçka

...

Dikush

...

Të gjithë në lëvizje

Plot marrëveshje

Por edhe fërkime

...

                        Garlate (Lecco), 13 tetor 2010

 

NË T’ËMBËLAT KUJTIME

 

Gjyshërit më vijnë me pushkë

I ati im me çifteli

Kurse unë ia tingëlloj këngës së dashurisë

                        Garlate (Lecco), 13 tetor 2010

 

KUSH NGUTET...

 

Mirë thotë populli

Kush ngutet

...

Punë të mira kurrë s’kryen

As projekte dashurie kurrë s’realizon

...

Kush ngutet

Asgjë të mirë nuk ndërton

Por vetëm shkatërron

                        Garlate (Lecco), 13 tetor 2010

 

T’I BASHKOJMË FORCAT

 

Që të mund t’ia tregojmë botës

Rrugën e vërtetë të dashurisë

Dhe derën e të gjitha sukseseve

Duhet t’i bashkojmë të gjitha forcat

Bashkë t’i nisim

Dhe bashkë t’i mbarojmë

Të gjitha vallet festive

Të gjitha punët e përditshmërisë

Të gjitha aktet e dashurisë...

                        Garlate (Lecco), 13 tetor 2010

 

SYTHA DASHURIE

 

Kudo

Në kopshtin e panverës së re

Mbi betimet e dashurisë

Vërehen sytha dhe filiza

Të jetës së re

Me një rend të vlerave njerëzore

Kudo vlon dashuri

                        Garlate (Lecco), 14 tetor 2010

 

MES LULEVE TË DASHURISË

 

Marshojmë me mbretëreshën

Të përqafuar

Në defileun historik

Dhe ngrisim lartë

Në qiejt e lumturisë

Flamuirin e së mirëfilltës dashuri

Të njerëzisë

                        Garlate (Lecco), 14 tetor 2010

 

DUKE PRITUR VENDIMIN

 

Andej e këndej bëhen kalkulime

Studjohen të gjitha rrethanat

Dhe ndërmerren masa

E hapa të duhur

...

                        Garlate (Lecco), 14 tetor 2010

 

QËLLIME DHE REALIZIME

 

Ata kanë pasur qëllim

Të na shkelin në qafë

Të na vrasin

Të na lënë edhe jashtë varreve

E të na i marrin trojet

Ne kemi pasur qëllim

Ta fitojmë lirinë

Për ta realizuar lirshëm

Të shenjtën dashuri!

                        Garlate (Lecco), 14 tetor 2010

 

ME SHIJE DASHURIE

 

Veprat më të mira

Deri në kryevepra i bëjmë

Me udhëzimin e njerëzve

Në binarin e drejtë dhe të sigurtë

Të besimit reciprok

Dhe të kuptimit të botës me dashuri

                        Garlate (Lecco), 14 tetor 2010

 

NISEMI ME PUTHJE

 

Në misionin tonë të dashurisë

Unë me të lumen mbretëreshë

Në sytë e të gjithëve

Nisemi me të bekuarat puthje

Mrekullitë hyjnore

Gjithherë i kemi me ne

Shumë i ëmbël

Ky mjalt i dashurisë

                        Garlate (Lecco), 14 tetor 2010

 

MES DËSHMIVE              

 

Kur na e kërkon shpirti

Ndërprejmë rrëfimin

Dhe ndalemi

Për të ëmbëlsuar zemrat

Me mjalt dashurie

Të gjithë na kuptojnë

Se ne jemi

Drejtues të parë

Të fronit të dashurisë

                        Garlate (Lecco), 14 tetor 2010

 

NUK TREMBEM UNË

 

Çfarëdo qofshin sfidat

Kërcënimet

Dhe rrethanat e stinës

Në rregulla loje

Jam i patrembshëm

Dhe i palëvizshëm

Fronin e kam të siguruar

Dhe të garantuar

Gëzuar!

                        Garlate (Lecco), 14 tetor 2010

 

NË PËRPJEKJET TONA

 

Para së gjithash

E kemi në kujdes

Dhe në vendin e parë

Lisin e madh të besës

Me gjethet gjithmonë të freskëta

Të dashurisë

Gjithçka bëjmë

Brenda vullnetit

Dhe të qetësisë

Së shpirtit

                        Garlate (Lecco), 14 tetor 2010

 

PIKA DASHURIE

 

Në të gjitha arat tona të njerëzisë

Rriten dhe kultivohen

Bimët e domosdoshme të dashurisë

Për të pasuruar

Stinën tonë të lmturisë

Sa bukur

N’oqeanin tonë të amshimit

Ujin e bekuar

E ëmbëlsojnë

Shumë pika dashurie

-

Gëzuar!

                        Garlate (Lecco), 14 tetor 2010

 

MES NDJENJAVE

 

Pa u turpëruar kurrë

Me mbretëreshën time

Vëhemi në shërbim të stinës së pestë

Me t’ëmbëlat akte te dashurisë

Minutat i ndajmë

Me t’ëmbëlat puthje

Dhe me përkëdhelje të pambarim

                        Garlate (Lecco), 14 tetor 2010

 

PREZENTIM

 

O njerëz të mirë

Gjithçka kam shkruar

E kam bërë me dashuri

Dhe për dashuri

Me shumë gëzim

Dhe ne kënaqësi

Bëj në mesin tuaj

Prezentimin e librave të mi

Ju dua afër

Plot me besë

Dhe me dashuri

                        Garlate (Lecco), 14 tetor 2010

 

DOMOSDOSHMËRI

 

Në procesin e intereseve

Janë të domosdoshme gënjeshtërat

Dhe mashtrimet

...

Në procesin e dashurisë

Është e domosdoshme besa

Dhe besnikëria

                        Garlate (Lecco), 14 tetor 2010