Engjëll Koliqi - Poezi të 4 tetoritt 2010

KUR TË SHOH TY...

 

Mrekullisht

Pa humbur asnjë çast

E lumja dashuri

Troket në zemrën time

Hapet derë e shpirtit

Dhe rrjedhshëm

Vazhdon vallja e kënaqësisë

-

Gjithçka shkon drejt kënaqësisë

Duke ruajtur vlerat themelore

Të njerëzisë

-

Kur të shoh ty

Krejt bota

Dhe historia e dashurisë

Mua më takojnë!

                        Stubëll, 4 tetor 2010

 

N’ATO KTHINAT E HESHTURA

 

Kur askush s’ka pritur

Ka shpërthyer dritë e fortë e dashurisë

Ylberët e shenjtë kanë hyrë në valle

Të gjitha pëtrrallat

Duke kaluar nëpër ëndërra dashurie

Janë shndërruar në realitet

                        Stubëll, 4 tetor 2010

 

NË GJUMIN E QETË

 

Të shoh o mbretëresha ime

Natën edhe ditën

Më vjen krenare

Në marshim

Duke kënduar fuqishëm

Dashurinë duke lulëzuar

Në të bukurat ëndërra

Dhe në realitet

                        Stubëll, 4 tetor 2010

 

KËTU JEMI NE

 

Andej edhe mund të bëjnë ç’të duan

Edhe stinës drejtimin t’ia ndërrojnë

...

Këndej jemi ne

Me dashuri

Dhe vetëm me dashuri komandojmë

                        Stubëll, 4 tetor 2010

 

NË EMËR TË DASHURISË

 

I hyjnë udhës së re

Por me të arritur në semaforin e parë

Barrikada interesesh takojnë

Dhe habiten

...

Në emër të dashurisë

I thërrasin në të majtë

Edhe në të djathtë

...

Takohem me ta

Dhe pa humbur kohë

Bashkë nisemi

N’udhën e drejtë

Vetëm përpara shkojmë

Shumë mrekulli na ndjekin

Në emër të dashurisë

Gjithçka ndryshon

Në dobi të mirësisë!

                        Viti, 4 tetor 2010

 

NË TË SHTATËDHJETESHTATË DËSHIRAT

 

Sdhtatëdhjeteshtatë dashuri janë vulosur

Me vulën e përhershme të besnikërisë

Unë me mbretëreshën

Jemi protagonistë të parë

-

Lartë ngrisim flamurin e shenjtë të dashurisë

                        Viti, 4 tetor 2010

 

HALLE TË FSHEHURA

 

Shumë halle kanë

Dhe problemin

Në botën e tyre

Jashtë realitetit

E fshehin

Kodrinave të gënjeshtrave

...

Asgjë nuk shihet

Relieveve të tyre

As halle

As probleme

As kënaqësi

As dashuri

...

                        Viti, 4 tetor 2010

 

NË VALLEN E SHPRESAVE

 

Të palodhur jemi gjithmonë

Në të gjitha stinët marshojmë

Drejt të vetmit cak

-

Drejt fronit të shenjtë

Të dashurisë!

                        Viti, 4 tetor 2010

 

PESHË KOHE

 

I marr të gjitha stinët e mia

Dhe i vëj kujdesshëm

Në peshoren e dashurisë

Sepse

Kështu më kërkon shpirti

Dhe koha

Që kurrë nuk kohon pa mua

-

Gëzuar!

                        Viti, 4 tetor 2010

 

NË ZEMËR TË VUAJTJES

 

Duke menduar se kanë gjetur strehim

Janë futur në vijën e zjarrit

Dhe rrezikojnë shumë seriozisht

Shekullin

Regjimin

Dhe dashurinë

Aty janë moti

Të mallkuar

Dhe nga Zoti të paparë

...

                        Viti, 4 tetor 2010

 

NËN HIJE T’ËNDËRRËS

 

Ajo më kërkon vetëm kënaqësi

Për qenien e saj

E sipas tekeve të kokës së saj

Unë jam i kujdesshëm

Që gjithçka të rrjedhë

Në vijën karakteristike

Dhe të pranueshme

Të së lumes dashuri

Për ta shijuar kënaqësinë

Tërë njerëzit

Dhe ne të të dy

...

                        Viti, 4 tetor 2010

 

OPTIMIZËM DHE DASHURI

 

Këtu në të shenjtërueshmin fron

Dhe në mbarë regjimin tonë

Shohim vetëm bardh

Edhe stinët e ardhshme i thërrasim

Vitet dhe shekujt

Vetëm në emër të dashurisë

-

Gëzuar

Dhe përpara!

                        Viti, 4 tetor 2010

 

NJAJ ZOG I PLAGOSUR

 

Edhepse me shumë plagë

Edhepse me krahë të thyer

S’e ndal fluturimin

...

Lartë e më lartë shkon

Qiejve të dashurisë

Vulë të pashlyeshme

I vë historisë

...

Cicërimat i shndërron në këngë

Që dashuri mbjellin

Në shpirtin tim

...

                        Viti, 4 tetor 2010

 

RRUGËVE TË KËNGËS

 

Më të bukur duken

Dhe shihen gjithnjë e më të fortë

Gjithnjë e më të këndshëm

Në dritën e dashurisë

Me tinguj të ëmbël

Në të gjithë relievet jehojnë

Ofshamat tona të dashurisë

                        Viti, 4 tetor 2010

 

N’ATË RËRË DASHURIE

 

Shtrihem me mbretëreshën

Në plazhin e ëndërrave

Bëhemi brum i pashmangshëm

I përrallave të kënaqësisë

Si argatë të devotshëm

Në kështjellën e bekuar

Të dashurisë

...

                        Viti, 4 tetor 2010

 

DUKE KËRKUAR TË VËRTETËN

 

Me fuqi mrekullie

Kam ecur në çdo pëllëmbë të tokës

Dhe kam fluturuar

Në çdo kënd të qiejve të dashurisë

Kam gjetë mbretëreshën

Dhe në fronin e dashurisë

Kemi filluar

Me të shenjtat akte

...

Gëzuar!

                        Kabash, 4 tetor 2010

 

RRËMIHTAR SHPRESASH

 

Ai andej

Herë i shtyrë nga të tjerët

Herë me vullnet të vet

Rrëmih shpresa

Në të gjithë relievet e tyre

Plagosë dashuri

Dhe bën kërdi

Deri në pikën e vdekjes

Që quhet tragjedi

-

Medet!

                        Kabash, 4 tetor 2010

 

NJAJ DIELLI YT

 

Që në mëngjes

Shumë të nxehta i ka rrezet

Përkëdhelje përvëluese më bën

Duke më shtyrë

Me imponim

Në valën e nxehtë të dashurisë

                        Kabash, 4 tetor 2010

 

NË ËNDËRRAT QË NA I VRANË

 

Edhepse jemi ndjerë të rrezikuar

Gjithmonë kemi qenë të bindur

Dhe të sigurtë

Në mjaltin historik

Të dashurisë

Faqet e epokës

I kemi lulëzuar

Me lule besnikërie

T’ujitura

Me ujë të bekuar dashurie

                        Kabash, 4 tetor 2010

 

NJË RRUGË KA DASHURIA

 

Vetëm kjo që po e shihni këtu

Është rrugë e dashurisë

Kalon këtu nëpër fronin tonë

Dhe shkon deri në parajsën e amshuar

Të ëmbëlsisë së dashurisë

Këndej rrjedhin edhe mrekullitë

...

                        Binçë, 4 tetor 2010

 

ANDEJ DHE KËNDEJ

 

Marrin udhë

Shumë përralla

Dhe duan

Historisë t’i imponojnë

Shumë të vërteta

Shumë ngjarje

Edhe nga ato të fëlliqtat

Duan t’i vulosin

Me vulën e pluhurit

Të hiçit

...

                        Binçë, 4 tetor 2010

 

FAKTET TONA...

 

Nuk kemi nevojë të mbajmë ligjërata

As të flasim shumë në biseda të lira

Këto puthje t’ëmbëla

Dhe gjestet e shijshme

Nën kurorën e bukur të pemës së dashurisë

Janë të pakontestueshme

Pika vendimtare

Të kushtetutës historike

Të dashurisë

-

Gëzuar!

                        Binçë, 4 tetor 2010

 

NGA FILIZAT E RI

 

Degë të reja dalin

Dhe lulëzojnë

Në të gjithë relievet e regjimit tonë

Atmosfera mbushet

Me aromë të këndshme dashurie

T’ëmbëla bëhen

Frytet shekullore të mbretërisë sonë

Dashuria bën ligjet

Gëzueshëm

Kënga e dashurisë jehon!

                        Binçë, 4 tetor 2010

 

MES FJALËVE T’ËMBËLA

 

Del një lule e bukur

E këndshme

Që kënaqë sytë tanë

Duke zbukuruar deri në pafundësi

Kopshtin e mrekullive të dashurisë

Aty është ngritur froni ynë

Dhe botës i ka dhënë kuptim dashurie

Aty rrjedh mjalti i bekuar

I regjimit tonë

...

                        Stubëll, 4 tetor 2010

 

MË BESO

 

O mbretëresha ime e dashur

Më beso

Këtu jam

Me ftesë speciale të historisë

Të jemi bashkë

Protagonistë të parë

Dhe drejtues

Të fronit të mrekullueshëm

Të dashurisë

Më beso o mbretëreshë

Dhe eja

Të fillojmë me aktin e parë

Nën vezullimat e kurorave mbretërore

Më beso o mbretëreshë

Dhe eja

Buzët e mia presin gojën tënde

                        Stubëll, 4 tetor 2010

 

NËN RREZET E MËNGJESIT

 

Lëshohemi krejtësisht

Në shtratin e përrallës së dashurisë

Jemi të rregullt

Me mbretëreshën e lume

Protagonistë të parë

Dhe aktorë në rolet kryesore

Të çdo shfaqjeje

Dhe të çdo akti

-

Gëzuar

Dhe përpara!

                        Stubëll, 4 tetor 2010