Mejdi Asllani: Dëshmorët e Gallapit

Mejdi Asllani (Plaku)

DËSHMORËT E  GALLAPIT

Vajza e vogël i thërret t’ëmës

Shiko qiellin moj lum nëna

Hije t’bardha mbi këto thepe

Janë dragoj a Shqipe mali?

Ç’po ia shtojn shkëlqimin qiellit.

Nënës Shqipe ju dridh buza

Pak nga dhëmbja, pak nga gëzimi.

Si i shef moj bijë këta vëllëzër?

Nuk janë plluma as shqipe t’malit

Janë dëshmorët e idealit

Ai në mes është Isë Kastrati

Në krah të djathtë Spend Canoli

Krahu tjetër, Afrim Vitia

Bashk me ta edhe Sokoli.

Sefedini e Naseri

Dorë për dore flutron anash

Plot gëzim e plot hare.

Ata të parët e skuqën tokën

Për t’jetu të lirë m’këtë Dhe