Ali Sh. Berisha: Muza e dhembjes (VIII)

Ali Sh. Berisha

 

Muza e dhembjes

 

Nusja jonë e bukur

 

Gjithnjë ishim krushk

Të dasmave veç gjak

Të të shohim nuse pa vurratë

 

Të bukur të kemi

Në valle t’madhe perri

Pavarësi të themi

 

E lumja ti Dardani

Nusja jonë pa lotë

Më e bukura në botë

 

17. o2. 2008

 

 

Muza e dhembjes

(Pas njoftimit nga M.Ç. se „Muza“ kishte pësuar ndryshime)

 

Tu desh vetëm edhe një hap

Që të lindësh

Muzë

 

Nuk të mendoja me ampute

As thes me vrima

Në erë

 

Nuk e prisja plasjen tënde

Në damartë e mi

Dhemb

 

Nuk të ujdisa të bëhesh meduzë

Po të desha siç të lash

Muzë

 

Nuk e pritja që tisi si lubinuç

Të vendosej kapuç

Mbi ty

 

Nuk e pritja që ditën e luleve

Të më mbushësh pelim

Miku im

 

Ora 03 e 21.03.2008.

 

 

Kosovë

 

Kosovë ta puthsha diellin

Erën e shiun

Cigmën e baltën

 

T’i puthsha stinët

Lulet e kalaveshët

Kallinjtë e ashafin

 

Kosovë ta puthsha qiellin

Hënën dhe yjtë

Ditën dhe natën

 

Kosovë ta puthsha gjakun

Gjuhën e gurrën

Lindjen e lapidarin

 

27.03.2008

 

 

Vargonjët e këputur

(Me rastin e lirimit të Ramush Haradinajt nga gjyqi i Hagës)

 

Kah na dole Orligë

Gjakshqipen ta zezosh

Dinjitet burrërie të nepërkëmbësh

Lirinë ta nxjerrësh n’bankëkrimi

Heronjët e dinjitetit të një populli

T’i poshtërosh -

E zezë qofsh

 

Angazhove prokurorë e hetues Para Tribunalit

Gënjeshtra të shfletonin

Ta përbaltësh një histori

Ta prangosësh një gjeografi

Por edhe pas tri vjetësh

Errësirë mbete 

 

Mirë bëre që u tërhoqe

Me nekrologjet dhe epitafet tua

Sepse ti ushujzë dreqi

S’do të kuptoje kthetrat sllave

As etjen kanibaleske ndaj dritës

S’do të ndjeje ndjenjen e lirisë

As flijimet e liridashësve

Nga bota jote mondane

 

Si po të duket shqiponja tashti

Krahëhapur në çerdhen e vet

Mendja vallë a nuk të shkoi

Se i eturi për rrezet e lirisë

Këputësi i vargonjëve të robërisë

Heroikisht bie dhe ngritet

Për të shpalosur jo pafajsinë e tij

Por të tërë popullit nga doli

Për t’u bërë diell

Që nuk fiket

 

3.04.2008

 

 

Zëri i tokës thërriste

 

Zeri i tokës sime më thërriste

Të shkrihem në fyshekzjarre

Acarin e shkurtit ta bëj pranverë

Lulëkuqes t’ia hap dritaret

Që t’shëtis në fytyrat e gëzuara

Në zemrat që duan përjetsinë

 

Etjen ta shuaj e lash për më vonë 

Që ta shihja fytyrën e Bizmarkut

Nëse paksa skuqej

Apo ende ngulte këmbë

Se Shqipëria

Është vetëm një kuptim gjeografik

 

Qëndrova për të parë shqipet

T’fluturojnë arterjeve t’Perëndimit

Kryqeve të thyera të pelegrinëve

Që dikur puthnin mitin e rremë

Mbjellë nëpër sirtare perandorishë

Dhe në filozofinë e lakmisë biblike

Për një popull të pa tokë

Ende dëshiron varr

Në arat e plisave të bardhë

 

Zëri i tokës sime më thërriste

T’ia përkëdheli plagët mijëvjeçare

Andaj shkova

Dhe ia putha horizontet

 

Yjet që tash i rrinë roje tek dita fle

Pastaj valvitjet e flamujve

Nëpër dritaret e pullazet e bardha

Nëpër gjokset e zjarrta

Bërë më t’bukur se ç’e bëri Zoti

Stolisë me dashuri nëne

E trimni për lirinë që e deshi

Gjaku e loti

 

25.04.2008

 

 

Hiç

 

Kurrë s’jam ndjerë më hiç

Se në këtë vorbull

Të zhurmave premtuese

Të ditës së sotme krejt të zbrazët

 

Vallë si do të jetë nata

Dita e nesërme në brendinë time

Llokoçitur pafundësisht

 

E di se nëse më premton koha

Pasnesër do të jem në pakuptimësi

Sërish bota e hiçit që do të evolojë

Vetëm në hiç

 

Heilbronn, 25.04.2008

 

 

Sërish te Valoni

 

Tek Razali fsheh pranverat

Në Gjysmë hije e gjysmë diell

Pi kafenë e qumështët

Dhe pak re

 

Para syve më ndërrojnë stinët

Nën kupën e kaltër të qiellit

Dhe shndërrohem në peisazh

Me kokën time plis

 

Më shqetësojnë fëmijët e gurëzuar

Gjelbërimi i të vetmit lis

Fytyrat që ndryshojnë në kalim

Pa lënë asnjë gjurmë

 

I shqetësuar rri para zyrës turistike

Që dry u ka vënë dyerve

S’shpie për në Kosovë

As në Gallapin tim të shtrenjtë

Ku ëndërrat e fëmijërisë pushojnë

 

Këmbana e kishës së Luterit

Më zgjoi nga muret e gurta

Ku mu kishte hanepsur varr i nënës

Me gjithë lumin e rrugën

Tek më thërrisnin - Kthehu bre

 

4.05.2008.

 

 

Natë

 

Dritat s’i ndezi dot

Më janë terratisur llambat

Në këtë botë

 

S’ka më avull deti

Gjithçka ka shterruar

Po digjem eti

 

Mbi Kodrën e Shpluet

Tek hënës i binte veli

Diçka brenda mu këput

 

Ka pllakosë nata

Ylli i mëngjesit pa ardhë

Shiu është ndalë

 

18.10.2007

 

 

Sot të pashë

(Erjonit)

 

Të pashë vjedhurazi

Kolopuç në karrocë të vogël

Tek shikoje hapat e mi

Dhe s’më njihje

 

Të përqafova bashkë me vitrinat Kalldërmin e Helbronit

Dhe kupën e hirtë

Por  s’guxova të të ndjek

Andaj u ula të pi kafe në Shymli

Përzier me buzëqeshjen tënde

 

Nuk di kur do të të shoh përsëri

Por e di se një kohë do ta jetoj

Me imazhin për ty

Tek shikoje pjergullën nën strehë

 

5.06.2008

 

 

Dhe s’të pashë

 

Aq doja të të shihja

Të ta matja rritën

Të t’i përkëdhelja flokët e tingujve

Laureshë

 

Përfundova n’strehë t’Carrentio-s

Me dy kafe mbi tavolinën mozaik

Se s’guxoja ta dëgjoja dëshirën

Për të shuar etjen

Mallin

 

Tek shoqëroj filxhanët

Gjethet e gardhit i pëshpërisin erës

Dëshirën për një rreze

Dhe një pikë ujë

 

Tashti mas rrugët e Lajgartenit

Pa ditur për gulqimën që më ngjitet

Që më zë frymëmarrjen

Që më nxjerr lotin

 

8.06.2008

 

 

Lorelaj

(Bazuar në von Hajnrich Hajne)

 

Atje lart mbi ngrehinë

Në mes t’Rajnes shungullinë

Qëndron lart një zoqkë

Ardhë nga mitet quhet Floqkë

 

Kodrat tek marrin pamje t’zjarrta

Ajo lartë krehë floktë e arta

Dhe shikohet poshtë n’syprinë

Rajna jetët tek përpinë

 

Me bukuri mahnitë malet

Dhe lundërtarin që çanë valët

Me zërin që shkëmbin thërmon

Me melodinë që zemrat robëron

 

Lundërtari ngrirë në fytryrë

Do ta ketë atë shembëlltyrë

Porse barka shkëmbin godet

Dhe në Rajnë thellë fundoset

 

Mbi kështjellë yshtja t’prajë

Kërkon dhembja nga Lorelaj

Të mos shfaqte flokët e arta

E të vdisej nga etjet e zjarrta.

15.11.2008

 

 

Gotë balte

 

Nuk e njohe Krishtin

Por duart që të ngjizën

Dhe buzët që të njomën

 

As tash nuk e njeh Krishtin

Por duart dhe buzët e mia

Etjen prej tre mijë vjetësh

Që tash e shuajnë

 

Ti qëndron thjesht mbi tavolinë

Dhe ëndrron dheun e Baranocit

Ujët e kronit akull

Tri metra baltë sipri

Dhe rrezet që të ngrohën

Për të treguar histori ilire

Histori vere

 

21.11.2008

 

 

Porosi e urnës

 

Po ta kthesh fjalën e lokes në jetë

Është si ta ngjallësh atë vetë

Si t’ia qëndisësh në ballë diellin

Dhe buzëqeshjen mbi kaptjellin

 

Për ta plotësuar amanetin

Duhet të dalim nga kllapia

Të shpupurishim blertë nëpër urna

Pa u bërë në fluturim kojrila

 

Duhet lotit çepin t’ia mbyllim

Eshtrave fjalët t’ua nxjerrim

Që t’i vëmë mbi sofër vetë

Të ushqehemi me to ëmbël e qetë

 

T’i shplajmë pikëllimet e ngrira

Të paqtohemi nga faji e zgjyra

T’i varrosim krrokamat e krimit

Për të hapur shtegun e kërkimit

 

Ejani dhe sytë në dashuri ngjizni

Në bebëza pa u ndrojtur të shihemi

Pa u përhënë me apetite vrastare

Pa krijuar fusha të ngrira e nakare

 

Se do t’u bie mallë një poç balte

Një arn për vrimën e shokes

Ta vjelësh një kokërr dardhe

Dhe një të sharë në gjuhën e lokes

 

17.10.2008

 

  

Dhembje

(Poetit Behxhet Rexha)

 

Tek puthja tokën

Doja ta shihja fytyrën e poetit

Por asgjë pos dhembjes

Që më shkilte në thembra

 

Pyes vogëlushët dhe

Hapësirat e klasave

Ndërsa ata më orientojnë

Në raftet e stolisura me ëndrra

 

Asgje për dheun e frishkët

Nën çarrat e shpatit

Asgjë për dhembjen

Pranë hunjëve të gardhit

 

Këngët e unitetit

Ia fali vogëlushit të parë

Se ai do t’ia ofrojë etshëm

Fjalën e poetit vogëlushit të dytë

 

Tashti puthi qiellin

Por as atje s’e gjej fytyrën e poetit

Pos në zemrën që merr

Rrugët në shtegtim

Horkheim,17.10.2008

 

 

Pranë Luleverës

 

I afrohem ngadalë Luleverës

E ledhatoj më gishtat e erës

Ndërsa ajo më mbushë aromë

Më thotë gudulismë gjithmonë

 

Zë e i këndoj ngrohtë e me diell

Ajo në petale ylberin mbjellë

Kurorën dhe gjethet si krah hapë

 T’i rri pranë edhe kur bën natë

 

6.02.2009

 

 

Mos më këput

 

Meqë më mbëlton mos më këputë

Mos më mbështill rrënjën me futë

Mos flijoni t’gjallë për të vdekur

Për një kujtim pse t’jenë dy t’tretur

 

Pse më ujitë kur rriten më pret

Pse dritës së diellit napën ia qet

Po vrave bukurinë botën shëmton

Dhe me vyshkje askë s’e gëzon

 

6.02.2009

 

 

Kur engjujt mbrojtje ke

(Mikut tim H.Qyqalla)

 

Ti ndoshta s’di ku shtrive dorën

Ku gjuhën në dashuri mprehe

Ku djersën në mirësi shtrydhe

Por engjujt ta dinin orën

Dhe në mbrojtje të morën

Kur vdekja vraponte pas teje

E lugetërit nofullat hapnin

Në honin skëterrë

 

Engjujt trembën thirrmat e zeza

Me vargun e dashurisë që shprehë

Tek hapëron nëpër vena

Tek hedh farën e mirësisë

Dhe zhbinë erën e ligësisë

Në këtë kurbet të zi

 

11.02.2009

 

 

Përmbajtja

 

Poet i lindjes dhe rilindjes

ZEMËRHEKUR

1.     Këngë e pakënduar

2.     Nuk është komuna e Parisit

3.     Ne kemi fuqi

4.     Do të dëshiroja

5.     Malësi

6.     Të ëndërroj çdo natë

7.     Bukë e zemrës

8.     Fto agimin

9.     Qeshja e syrit tënd

10. Vrapo Maraton

11. Vrapo Dante

12. Sydritë

13. Përcëllimë

14. Kur të vdes

15. Brezi im

16. Dikush më thërret

17. Fantazmat

18. Sa herë

MINIATURAT PËSHPËRISIN

19. Tundej

20. Të më duash

21. Peisazh

22. Shkëmb I Dragobisë

23. Kënga e rinisë

24. Minatori

25. Odë shekujsh

26. Një lis

27. Dikush herrë kohën

28. Dritaret e burgut

29. Kaktus

30. Nëpër gjurmat e kuqe

31. Dhoma e dhëndërisë

32. Kur lëshon qepallet

33. Ec

34. Strehimi

35. Motet

36. Përqafimi

37. Vuajtja

38. Muret e qelisë

39. Ndjenjat

40. Në mes të Oqeanit

41. Arktik

42. Muzikë e vrasjeve

43. Ura e jetës

44. Loti lotin s’e pret

45. Imazh I rremë

46. Kënga e bilbilit

47. Apokalipsa

48. Majë lisit të thatë

49. Nën kreshta

50. Dhembja

51. Kur

52. Fitili

53. Zëri I mjerimit

54. U nisa

55. Për ne

56. Mbrëmë

57. Këtë shtat

58. Ky trung

59. Sonte

60. Mos

61. Dëshirë

62. Si lule

63. Mos ia shuaj etjen

64. Më dhuro

65. Po fluturoj

66. Pa mua

67. Këmbana

68. Ushtar

69. Ora 21

ATY QETOHEN RREZET

70. Aty qetohen rrezet

DIKUR KËTU

71. Të nje barku jemi

72. Dikur këtu

73. Gjithëherë udhëtar

74. Gota

75. Sytë e tij

76. Vasha e gurë

77. Këtë mbrëmje

78. biri im

79. Qiftelia

UDHË

80. Nisja

81. Ngjitje

82. dhembje

83. Loja

84. Një fjalë

85. Vërejtje

86. Lojë tjetër

87. Në Romanitor

88. Për ku jam nisur

89. Nga hotel “Moskva”

90. Brigjeve të Tunës

91. Lokal nate

92. Bri Tunës

93. Në muze

94. Drekë solemne

95. Hotel “Park”

96. Me pije në buzë

97. U përgjakën në plis

DRITFURTUNË

98. Dritfurtunë

99. Lahutë mbi shkëmb

100.                   Fanfar mbi Prishtinë

NJOMZAKU

     102.       Njomzaku

BEKIMI

103.Vdekja ime le të jetë

104.Atje lart

105.Gjarpërzi

106.Nëna më bekoi

107.Ankth

108.Ende

109.U nise

110.Si të të thërres

111.Jam shqiponjë

112.Kush je ti

113.Thërrasin varret

114.Në Kodrën e Trimave

115.Në Mars

116.Ani

117.Dashuria ndërtoi urën

ARNUES TË ËNDRRAVE

118.Rektimë

119.Të urrej

120.Dimër i ftohtë

121.Çdo gjë ka marrë fund

122.Arnues të ëndrrave

123.Ç’je ti që s’të shoh

124.Lermë të qetë

125.Armata ime

126.Mos u brengos

127.E di se je ti

128.Përvjetor dhembjeje

129.Sa është ora, vëlla

130.Fluturoni dallëndyshe

131.ALB-AN-I më thërrasin

132.Zonja nënë

133.Flaka e Janarit

134.Thirrma e atdheut

135.Rashë por s’vdiqa

136.Qëndrova muranë

137.Po zgjohen yjet e fjetur

138.Pse

DITAR

139.Tek muizgu binte

140.Kafshatë mëngjesi

141.Natë

142.Ku mbeti Verona

143.Ne ikim

144.Kur do të arrijmë

145.Dremitje

146.Në filxhan shi

147.Përsëri natë

148.Ngrohtë

149.Brusha magjike

150.Në një rogë

151.Një plis i ndarë në dysh

152.Kur gjaku gjakun përqafon

153.Pa protokoll

ZËRI I TOKËS

154.Tokë e Arbërit Herolind’

155.Do të jetoj në flamur

156.Diell mbi vetullë

157.Sa herë kthej te Valoni

158.Ku më ikët

159.Nusja jonë e bukur

160.Muza e dhembjes

161.Kosovë

162.Vargonjët e këputur

163.Zëri i tokës thërriste

164.Hiç

165.Sërish te Valoni

166.Natë

167.Sot të pashë

168.Dhe s’të pashë

169.Lorelaj

170.Gotë balte

171.Porosi e urnës

172.Dhembje

173.Pranë luleverës

174.Mos më këput

175.Kur engjujt mbrojtje ke

 

 

Libri me poezi „Muza e dhembjes“ u shtyp në Shtypshkronjën  Printingpress në Prishtinë, Mars 2010.

 

Veprat e botuara:

1.     Dua ta pres lirinë (rrëfejza për fëmijë),

2.     Krizantemë për Nëntorin e Tretë (poezi),

3.     Bashkia e Llukarit I (monografi),

4.     Bashkia e Llukarit II – Masakrat serbe në Bashkinë e Llukarit (monografi),

5.     Dhembje e krenari (poezi),

6.     Flijimet për tokën e lirë (monografi),

7.     Ujë dhe prush (poezi),

8.     Gur me rrënjë (roman),

9.     Alfabeti i shpirtit (poezi),

10. Globi (roman për fëmijë),

11. Turbulencë (poezi),

12. Kuvendi i mbretërisë së lodrave (poezi për fëmijë),

13. Gallapi i Prishtinës I,

14. Gallapi i Prishtinës II,

15. Gallapi i Prishtinës III,

16. Muza e dhembjes (poezi)