Haxhi Dulla: Të huajt investojnë në Poloni

Të huajt investojnë në Poloni

Biznesmenët e jashtëm prapë kanë filluar të investojnë në Poloni

Nga Haxhi Dulla - Varshavë

Në gjashtëmujorin e parë të vitit 2010, shuma e investimeve të jashtme ka tejkaluar 5,5 miliard euro – që është dy herë më e lartë se në fazën e njejtë të vitit paraprak. Ngritja e investimeve, sipas ekspertëve të ekononomisë është një shpërblim për sjelljen e mirë të ekonomisë polake  gjatë kohës së  krizës ekonomike.

Me stabilitetin e saj ekonomik Polonia u dallua për të mirë nga shtetet e tjera të  Europes së mesme, të cilat gjerë para disa muajve ishin më atraktive për kapitalin perëndimor.

Polonia tërheq bizneset e shteteteve të Europës Perëndimore me stabilitet të tregut, dhe me shtimin e eksportit. Sipas shenimeve të  Agjencionit Polak të Statistikave  për Investime të Jashtme, nga qershori 2009 gjerë në maj të vitit 2010, investimet e jashtme  u shtuan për rreth 11 miliard euror . Ndër to u investuan sipas shenimeve paraprake  9 milard euro, ndërsa u  hapen mbi 40 mijë vende të reja pune.

Biznesmenët e jashtëm investojnë kryesisht në industrinë e automjeteve të komunikacionit tokësor dhe  ajror. , shërbimeve turistike , në sektorin e informatikës dhe të telekomunikacionit.  Ajo që është me rëndësi të përmendët, është se  janë këto investime ku kërkohet nga të punësuarit, njohuri  dhe aftësi specialistike. Si shembull do përmendi qytetin ?rodza ???ska  në jug-perëndim të vendit ku është në ndërtim e sipër një fabrikë,  ndër më bashkëkohore  për prodhimin e qelqit për automjete, ku ndërmarrja  amerikane Glass Works, përveq investimeve në këtë  fabrikë , afër saj ka ndërtua edhe një qendër moderne shkencoro – hulumtuese.

Në  bazë të  rankingut të  investimeve atraktive të pregaditur nga firma AT Kearney, Polonia zë vendin e  6 pas Gjermanisë . Sipas shenimeve të  AT Kearney  40 % e shumës  2 bilion dollarëve  të investimeve botërore për këtë  vit u ndahet vendeve që zënë vend në 10 -shen e parë të këtij  rankingu.

Viteve të fundit investimet e jashtme përbejnë  3 % te PKB.  Në vitin 2007 kapitali i jashtëm i  investuar në Poloni  arriti shumën  rekorde prej 17 miliard euro.

Sipas ekonomistëve  polak, që  gjerë në  fund të këtij viti investimet e jashtme në Poloni pritet të sillen prej  15-20 miliard euro .