Kulturë
Poezi nga Përparim Hysi
E hene, 19.07.2010, 07:07 PM
Soditje
Përparim Hysi
Fidani
Ç'finesë të ka trupi,sikur je fidan
Pse të zë turpi,kur ballas unë jam?
Fidanin e lidhim,që mos e këput era
Zë unë humb fillin,sa të shoh,përhera.
Ç'të them unë për ty?Dil,o shpirt,pse s'del?
Jam në hall,e di,për ty mjaltë-shqer
Fine ma ke trupin si të jetë fidan
Nxirre me mua turpin,të lutem,o xhan!...
Erdhi Yllka
Erdhi Yllka!Si më qe!Mu si ylle që ka bisht
Po mua syçkat pse,de,pse?Pse m'i shtiri egërsisht?
Unë e shoh që m'i ngul se...ka qëllim që të më "hajë?!"
Po unë thatë nuk e ha se...e kap "fap" dhe e përrlaj.
Ditë për ditë po vdes nga pak
Ditë për ditë po vdes nga pak
Nga mbresë e bukur që vjen e më kap
Mbresa vjen,fshehurazi,nga mikja ime
Nga malli për të po shkoqem si thërrime.
Nuk do vdes
"Kush ka bukë për të ngrënë
... dhe një mike,nuk vdes "
Bajron
Ç'kam shkruar pak më lart, kam shkruar pak "revan"
Kjo që shkruaj tash,më është tamam.
Bukë kam boll...diskrete po kam mike?!
Kështu që unë,djalli,do shtyj dhe ca vite
Soditje
"Pllaja" që shoh nga prapa
Ka "lëndinën" për matan
Dhe për të më zuri vapa
Djersët çurg më shkojnë,moj xhan!
Në "lëndinë" dikur kullota
(s'e harroj atë ende!)
Duket unë me të s'u ngopa
E kërkoj ende,sepse...
Sepse shije aq më pati
Ndaj dhe goja më shkon lëng
Pa "lëndinën" miku vajti
O merak,ti plaç në vënd!
Dua të ulem shesh mbi të
Të "kullot" me nge,me qejf
Grriq-grriq një lemzë më zë
Mall,o mall,më bën telef.
Shpreh dëshira prej rioshi
Nepsi rritet,mosha shkon
Pa "lëndinën" miku sosi
Ah,moj zemër,që s'harron!
16 korrik 2010
___________
Dil,moj jelekbardha,dil!
Nga Përparim Hysi
Pse ?
Pse të bëri Zoti krejt me hatër?
Me trup dhe fytyrë,me dorë të ka bërë.
Nga mos më hip nepsi,bëhem i "uritur"
Të të marrë dreqi,me dorë e goditur.
Zë unë që të lutem,të biem në ujdi
Që t'më japësh buzët apo synë e zi
Ti hiqesh e mbahesh dhe hiç nuk ma varë
Po unë jam burrë i ngulur,më kot s'jam flokbardhë.
I shtoj unë përpjekjet... edhe pak "dredhitë"
Merrem vesh me"dreqet",marr vesh nga"magjitë?!"
Të shtira në dorë,sikur zura qiellin
E bëra me dorë:tërboje tërë Fierin...
Ma gjeni
Ma gjeni miken time me shpirtin si pëllumb
Se ajo zëmrën time ma plagosi me plumb
Dhe zëmra zu më dhëmb nga plaga e rëndë
Ma gjeni se,ndryshe,Përparimi u çmënd.
I thoni që e dua,i thoni që e pres
Po s'erdhi tek mua, ta dini:do vdes!
Ma gjeni,ma sillni atë si pulëbardhë
Dhe në qença i vdekur,ajo do t'më ngjallë.
Kur...
Kur më erdhi mëndja mua,kur më erdhe mu në shteg
S'kishte kohë më pothua,veç më fute njëmijë dreq
Se të shihje si relikte,mu si lule mos më prek
Më çudite,o moj mike,kur m'u hodhe në prehër vet.
Qe si qe;më mirë mos qe,se ti ike,diku, larg
Dhe mbërdhij si në shëndre,kur kujtoj çastin e paktë
Pse nuk zgjati edhe ca( makari të qe ca muaj)
Kujtoj çastin që më la...edhe shfryj...edhe vuaj.
Ah !...
Ah,sa gjëra që s'i thamë!
Ah,sa gjëra që s'i bëmë!
Një zbrazëtësirë të madhe lamë
Ah,çfarë bëmë!Ah,çfarë bëmë!
Koha rrodhi porsi lumi
Lumi dihet shkon në det
Kjo zbrazëtsirë na vret si plumbi
Vrarë e plagsour për jetë.
Dil,moj jelekbardha,dil !
Dil,moj jelekbardha,dil!
O moj ylleja përmbi yll
Pse më fshihesh,s'jam katil
O moj luleja xhevahir!
Dil që të shoh,o moj,fytyrën
Se,po s'dole,sheh mynxyrrën
Do më gjej e keqja mua
Do të dalësh? Hë,si thua?!....
"Pengesat "
E çfarë janë pengesat?!E çfarë janë piketat?
Mallkuar kush i shpiku!Rrethuar me të moral
Po zëmrat vallë pyesin për pengesat?
Ke parë që i kalojnë...të venë mu në djall!
Se gjasme kjo s'shkon dhe nuk qenka e ndershme
Dhe mbetëm gjithë kohën duke mbajtur leksion
Po veç dashuria(kjo ndjenjë e përjetshme)
Çan mbi pengesat dhe "leksionet" sfidon.
Dhe"Çelen arkapijat" made in Oso Bakalli *
Brangashat shoqëria s'i ka hequr,Migjen!
Me piketa të babaqemos ruhet morali
Dhe njerëzit lozin në jetë sikur lozin në skenë
*Skicë që çjerr moralin e kohës,shkruar nga Migjeni.
19 korrik 2010
Facebook
Twitter
Google+
Digg
Artikuj te tjere
Gallery
