Poezi nga Engjëll Koliqi

Engjëll Koliqi

 

 

GJITHANDEJ

 

Tufa zogjshë vijnë

Qiejve të dashurisë

...

Ata që duhet t’i presin

Bëhen se nuk i shohin

Njolloset stina

Dhe rrezikohet shekulli

...

                        Garlate (Lecco), 24 qershor 2010

 

TEJ HIPOKRIZISË

 

Shumë të këqija dalin

Shumë telashe ndodhin

Konform intereseve

Njolloset stina

Vite e shekuj

Largohen nga historia

Të vërtetat thërrasin

E lotojnë

...

                        Garlate (Lecco), 24 qershor 2010

 

RRITET VETMIA

 

Mjerisht

Ende shumica shkojnë

Rreth valleve t’intereseve

Gjithnjë e më shumë shtohen

Ata që i besojnë dashurisë

Dhe mbesin të vetmuar

N’oazat e realitetit

                        Garlate (Lecco), 24 qershor 2010

 

VETMI FJALËSH

 

Vetëm projekte teorike

Ka andej

Vetëm fjalë

Të vetmuara

Pa suksese praktike

Pa asgjë të realizuar

                        Garlate (Lecco), 24 qershor 2010

 

NËN URDHËRA

 

Gjithçka bëjnë

Duke glorifikuar padronin

Deri në masën

Ku ai as që din ta mendojë

...

Përsëriten aktet

Çdo ditë

Sipas filozofisë së intereseve

Pa motiv t’arsyeshëm

...

                        Garlate (Lecco), 24 qershor 2010

 

KOHË QË S’KUPTOHET

 

Të gjithë vrapojnë

Asgjë s’bëjnë

E thonë

Shumë po punojmë

Sheshohen intereset

Secili më i çuditshëm se tjetri

Qëllimi final

S’shihet kurrë

...

Asgjë s’shihet

Asgjë s’kuptohet

Bile as stina e verës

Që na mërdhin...

                        Garlate (Lecco), 24 qershor 2010

 

DO TË MBËRRIJMË NË CAK

 

Nuk do të vlejnë pengesat

As zhurmat

Ne do vazhdojmë marshimin

Të përqafuar në dashuri

Do arrijmë në cak

Si protagonistë të vërtetë

Do e prarojmë me përjetësi

Kurorën

Dhe flamurin e dashurisë

                        Garlate (Lecco), 24 qershor 2010

 

DËGJOHEN KËMBANAT

 

Njëra anë thotë një gjë

Ana tjetër thotë të kundërtën

Nuk përputhen kurrë

As nuk pajtohen

Ne le t’i dëgjojmë të gjitha palët

Pastaj

Nxjerrim një përfundim

Dhe shkojmë përpara

Me të vërtetat

Brenda realitetit

...

                        Garlate (Lecco), 24 qershor 2010

 

SHPIRT’ I GËRVISHTUR

 

Në stinën e mbetur jetime

Kodrave t’intereseve

Rrokulliset shpirt’ i njeriut

Në ferra interesesh gëvishtet

...

I plagosur rëndë

Vdekjen rrezikon

                        Garlate (Lecco), 24 qershor 2010

 

MOS MË KUJTONI

 

Shkoni rrugëve tuaja

Pa zhurma

E pa krekosje

Unë jua kam falur të gjitha

Me një kusht të vetëm

Që të mos flisni kurrë për mua

Që të mos kujtoni

Që dashurinë të mos e ngatërroni

Ju lutem pra

Të jeni të heshtur

Në hapat tuaj

...

                        Garlate (Lecco), 24 qershor 2010

 

 NUK KANË SHPIRT

 

Mundohen të shkojnë përpara

Pa parë kënd

As pa dëgjuar britmat e të tjerëve

Ata të klanit të tyre

Sepse nuk kanë ndjenja

As shpirt

Ata nuk janë në këtë botë

Janë kurthuar

Dhe kanë humbur udhën

N’udhëkryqin e intereseve

                        Garlate (Lecco), 24 qershor 2010

 

STINË E TRAZUAR

 

Mëkatet kanë mbuluar

Vallen festive

Që është pështjelluar

Labirintheve të krimeve

Shtrëngata të rrezikshme vlojnë

Me vetëtima e bubullima

Në të gjitha relievet

Kërcënime nga njëra palë

Krime deri në tragjedi

Bën pala tjetër

Gjithkah tollovi

-

Kush e din

Vjen ndonjë shpëtim?!

                        Garlate (Lecco), 24 qershor 2010

 

I FALEM ZOTIT

 

Për jetën interesante

Për të gjitha të mirat

Për mrekullitë

Më së shumti

Për dashurinë

!!!

                        Garlate (Lecco), 24 qershor 2010

 

SI DJE EDHE SOT

 

Fshijmë djersët

Dhe ecim përpara

Në të gjitha veprimtaritë

E sidomos

Në akte të bekuara

Të dashurisë

...

                        Garlate (Lecco), 25 qershor 2010

 

NË KOHËN E DHEMBJEVE

 

Mbase vinte një forcë

Nga fuqia e mrekullisë

Ky trup shumë duronte

Edhe shpirti

Vuajtjet ishin të mëdha

Por origjinaliteti im

Dhe krenaria

Edhe më të mëdha

Historia u pasurua

Me shumë ngjarje

Me shumë ëndërra

Me aspirata lirie

Me vendime dashurie

...

                        Garlate (Lecco), 25 qershor 2010

 

NGUSHËLLONIM VETVETIN

 

N’ato stinë të vështira

U rezistonin shtrëngatave

Nën rrezet e krenarisë

Ngushëllonim vetvetin

Duke pritur këtë stinë

Të dashurisë s’amshuar

Me plot të drejtë

Besonim

Në mrekullitë hyjnore

                        Garlate (Lecco), 25 qershor 2010

 

RREZET E DIELLIT TIM

 

Të gjitha relievet

Në të gjitha botërat

Ndrisin e nxejnë

Të gjithë qiejt e dashurisë

Në këtë stinë të bukur

Në vite e në shekuj

Edhe n’amshim të lumturisë

                        Garlate (Lecco), 25 qershor 2010

 

MENDIM  I BUKUR

 

Ndjehem shumë i madh

Edhe krenar

Në çastin vendimtar

Erdhi mbretëresha

Dhe shprehu mendimin e saj

Për ta hapur derën e madhe

Të parajsës së dashurisë

Mendim historik

Me shumë domethënie

Me shumë obligime

Me shumë kënaqësi

Me një vulë të madhe

Në histori

                        Garlate (Lecco), 25 qershor 2010

 

ZHURMA HESHTJEJE

 

Sa herë që kemi heshtur

Ata janë tërbuar

N’ato stinët e vështira

Shumë pluhur kanë ngritur

Mes erërave të kohës

Shumë zhurmë

Për asgjë

Shumë fjalë

Pa fakte

...

                        Garlate (Lecco), 25 qershor 2010

 

NË KOHËN E PËRCAKTUAR

 

Në horizontin e fatit

Bukur shembëllejnë

Lëvizjet dhe veprimet

T’ëmbëla janë

Puthjet e përqafimet

Në vallen e elitës historike

Vallëzojnë aspiratat

Jetësohen ëndërrimet

Edhe dashuria jonë

Thotë fjalën

Dhe merr vendimin

...

                        Garlate (Lecco), 25 qershor 2010

 

NË NDRYSHKUN E FJALËVE

 

Nuk mund të ketë tjetër

Përveç grimca mëkatesh

Mbetur nga shekujt e krimit

Historinë e njollosin

Në kthinat e harresës

Mbesin

Dhe humbin

Përgjithmonë

                        Garlate (Lecco), 25 qershor 2010

 

HIPOKRIZI STINORE?!

 

Dikush andej

Dikush këndej

Përqafime e puthje

Të papritura

Dhe të çuditshme

Shumë interese

Dalin në shesh

Asnjë rezultat

Nuk shihet

...

                        Garlate (Lecco), 25 qershor 2010

 

FJALËT QË S’DËGJOHEN

 

Në botën e tyre

Shumë zhurmë

Njëmijenjë veta

Përnjëherësh flasin

S’merret vesh gjë

Fjalët e dashurisë

Me zërin e arsyes

Nuk dëgjohen fare

Zhurmojnë intereset

Dhe pasionet

                        Garlate (Lecco), 25 qershor 2010

 

DJERSËT E FTOHTA

 

N’ata shekuj

Kur isha i shkelur

Edhepse nuk bëja punë të rënda fizike

Më mbulonin djersët e ftohta

-

Djersë të vuajtjeve

Djersë të mungesës së lirisë

Djersë së varfërisë së madhe

Djersë të aspiratave të shumta

Djersë të shumë ëndërrave

-

Djersë

Djersë

Dhe djersë

Edhe në stinë vape

Edhe ndërmjet stinësh

Gjithnjë të ftohta

Edhe të përgjakura

                        Garlate (Lecco), 25 qershor 2010

 

ZEMËRFLAKË

 

Me shumë dhembje

Dashurinë e mrekullueshme

Kam vulosur

Sot mbaj fronin e amshuar

Gëzuar!

                        Garlate (Lecco), 25 qershor 2010