Wilhem Muller: Bubulina

BUBULINA ...Zhan D'arka e Greqisë - poezi - nga ...Wilhem Muller

Poeti gjerman... Wilhem Muller

Duke studjuar jetën dhe vepren e Arvanitasve për historinë, gjuhën, etnografinë dhe këngën ,ndesha në një poezi që i është kushtuar luftërares dhe kapedanes së revolucionit grek BUBULUNA.Laskarina ( Bubulina ) është cilësuar si ZHAN D'ARKA E GREQISË. Kjo poezi është krijuar nga Wilhem Max Muller , ai lindi më... 7 tetor 1794 - 30 shtator 1827. Në vitet 1813 – 1814 ishte ushtar në luftë kundër Napolonit. Mbetet si poet lirik i Gjermanisë.Poezia është shkëputur nga libri “ Griechenlieder “ botuar në Leipsig 1844. Poezia është në faqen..82 – 84. Ndonse kanë kaluar 136 vjet nga botimi i saj, unë mendova që, përpara se të botohet në libër ta lexoni edhe ju.Faleminderit! Pilo Zyba

BUBULINA

Zonjë e valëve të detit, Bubulinë, Bubulinë

Rrotull teje dallgët skuqen. Gjaku i skuq bubulinë.

Përmbi kokë sharpi i zi, i vejushave të mjera,

Me palë flamuri ngjan, kur në luftë me to lot era.

Mijra sy Argosi rri , si hakëmarrja në direkë

Vështrimi ngulur përrreth, tej në ishuj e në breg.

Syri saj mes lotësh qan që prehje nuk gjeti dot,

Edhe dallgë është e etur, dhe rreh brigjet gjëmimplot.

Etur trarët e anijes, Bubulinë, Bubulinë,

Etur jemi ne të gjithë, për gjak të etur Bubulinë.

Pa dëgjo si del nga deti, zë fantazme me rënkime

Gjak më del në thellësitë, Bubulina, nusja ime.

Pikë e gjakut mu në zemër më shpërthen si një përrua,

Kur ra shpata e xhelatit, përmbi skllav përmbi mua.

Në betejë Bubulinë, për ne sulu me tërbim !

S’ndjen hakmarrjen nga direku të bërtasë me gëzim ?

Pinë velat edhe fryhen. Sharpi yt se sheh po nxin

Dhe valvitet fëshfëritës, krah shqiponje në fluturim.

Bubulinë, Bubulinë, për në sulm na jep sinjal,

Mos prit tjetër lajmëtar,velat turke s’janë larg.

Shqipëroi...Pilo  Zyba