Demir Krasniqi: Selman Lita

Nga thesari ynë popullor:

 

            SELMAN LITA

                        /Rapsodi popullore/

 

Selman Lita, ni burrë azgan ,

Darsëm t’ madhe , aj, po banë ,

Ka dy djem e poj marton,

Treqin krushqi poj tubon ,

Tri parë surrla e tupane i ka zanë ,

Darsëm t’ madhe qi po banë ,

Herët sillën jau paska dhanë ,

Po vjen vakti nuset mej marrë .

 

Selman Lita, pe këqyrë sahatin –

Bajraktar , nise bajrakin !

Bajraktari mejherë po tfillon ,

Treqin krushqi mas poj shkojnë .

Treqin krushqi janë vargue ,

Shkojnë binxhijtë , atllarët tuj lue ,

Shkojnë shejtarët, sheja tuj gjue ,

Po shkojnë krushqit tanë tuj knue ,

Mas tupanet tuj bumllue ,

Veç Selmani, krushk nuk ka shkue !

Veç Selmani, krushk nuk po shkon ,

Ish nalë darsmën  e pe maron .

 

Selman Lita , po rrin n’ krevet ,

Poj shkojnë sytë te stani i vet –

Ranë komitat e ja muerën dhentë !

Selman Lita pe këqyrë sahatin –

Qysh ma fiku Zoti, konakin ?!

Selman Lita, ni burrë azgan ,

Grues s’ vet këqyr çka i ka thanë –

Djemtë e mi, oj grue, ku i kamë ?!

Këqyre grueja, se çka i ka thanë –

N’ hamamxhika të dy djemtë janë !

N’ hamaxhika , janë teshat tuj ndrrue ,

Ty u ba gati me u martue !

 

Këqyr Selmani se çka po banë,

Burrë azgan, aj ish kanë ,

Martinën n’ dorë, aj e ka marrë ,

Grykën e Rekës, aj e ka nxanë !

N’ Grykë të Rekës, aj kur a shkue –

Ngulni Arnor, se s’ muj me u lshue !

N’ atë ven pushka ka fillue,

Ka nisë luftëm me luftue !

 

Djemtë e Selmanit, jashtë dalë janë kanë ,

Po e thërrasin djemtë, ori nanë –

Çka ka Reka, qi po gjimon ?

Këqyre nana, se çka u ka thanë –

Baba i juej , biro, po lufton ,

Ranë komitat e naj kanë marrë gjanë,

Naj kanë vra edhe dy çobanë ,

Naj kanë mytë edhe dymdhetë qenë ,

Naj kanë marrë treqin copa dhenë !

 

Thërret Musaja, o more Rexhep ,

Ku i kem shishanet, he, i lashim shkret ,

Se naj muerën berret në bjeshkë !

Sa po mujnë djemtë po shpejtojnë ,

Shkojnë babës vet e poj nimojnë !

Luftë e madhe po kërset –

Selman Litës, ju vranë dy djemtë !

 

Selmani, luftën pe maron ,

Poj lypë djemtë e s’mun poj gjanë !

Selmani, dikur djemtë poj gjanë ,

Djemtë në shpinë poj ngarkon ,

Fill te stani , djemtë, poj çon ,

Me ni zhagës poj ngarkon ,

Se me sanë, aj, po mi mlon ,

Edhe te shpija, djemtë, poj çon !

Se në shpi kur i ka çue ,

Thërret Selmani, mori grue ,

Paja kha me m’ nimue ,

Se qit saj kemi me shkarkue !

Grueja e shkretë, shkon mej nimue ,

Selmani, sanën kur e ka shplue –

Këqyri djemtë tanë, mori grue !

Grueja e Selmanit , menç desh u lue ,

Grushta kresë i paska mshue ,

Edhe floktë e kresë n’ tokë i paska lshue !

 

Këqyr Selmani, se çka ka marue ,

Fort të shoqes , ju ka ngërmue –

Ni pikë loti, ty, me ba me t’ pshtue ,

S’e  la kryet pa ta shkurtue !

Mos ma merr ti ftyrën mue ,

Kanë dekë djemtë e ma s’ kanë me u çue !

Këqyr Selmani çka ka punue ,

Te kafexhija paska shkue –

Kafe t’ mira, ju, me marue ,

Për djem t’ mi, mos me u ngushtue ,

Kanë dekë djemtë, ma s’ kanë me u çue !

Ashtu te shpija koka shkue ,

Maxhetoret i ka bashkue –

Bukë të mira , ju , me gatue ,

Mos ma merrni ftyrën  mue ,

Hiq kërkuj mos mej kallxue ,

Për djemë t’ mi, mos me menue ,

Se m’ kanë dekë e ma s’ kanë me u çue !

 

Kur pe banë Zoti, aksham ,

Poj nijen krushqit rrugës tuj ardhë ,

Selman Lita , para u ka dalë !

Vjen bajraki tuj vizllue ,

Gjashtë seksane tuj zdritue ,

Vijnë dy kerre tuj rrezue ,

Treqin krushqi janë vargue ,

Edhe tupanet tuj bumllue ,

Kangatarët mirë vijnë tuj knue ...

Me shumë shyhret krejt janë tuj ardhë,

Se n’ oborr ishin kanë nalë ,

Gjashtë seksane ishin shkarkue ,

Krejt me ‘i  sobë i kanë ngujue .

Këqyr Selmani , çka ka marue ,

Drejt te kerret paska shkue ,

Të dy nuset me ‘i  sobë i ka ngujue !

 

Kur na rake sahati katër –

Krushqit ren krejt kanë pi kafe .

Kur na rake sahati gjashtë –

Të tanë krushqit kanë ngranë darkë .

Kur na ra sahati tetë –

Krejt katuni kokan shkepë ,

Met Selmani me miqtë e vet .

Këqyr Selmani se çka po u thet –

A po e dini, o miq, se çka m’ ka gjetë ,

Mu kanë vra, mue, të dy djemtë ,

Krejt gjak-falë nuk um kan metë ,

I kanë vra nizet e tetë !

Miqtë e Selmanit, po i japin gajret –

Me djem, Zoti t’ pjektë n’ xhenet !

 

 

Selman Lita, kish ra në dert,

Hyzmetçarit , poj bërtet –

Me mi pru gjygym e legen !

Hyzmetçari se çka po banë ,

Gjygym e legen, mejherë ja çon .

Kur ka ra sahati dymdhetë –

Selman Lita po merr avdes .

Merr avdes me e falë sabahin –

Don me jau dhanë rejave niçahin !

 

Reja e vogël – rejës s’ madhe i ka thanë –

Ku do t’ jenë ,Zo’ , burrat tanë ?

A thue burrat tonë, mos kanë dekë,

Qi s’ kanë ardhë me hi n’ xherdek ?!

Reja e madhe – rejës s’ vogël i ka thanë –

Tu thaftë goja, kunatë, çka po flet ,

Burrat tanë, pse me dekë ?!

Reja e vogël, kunatës poj  thet –

Tash Selmani do t’ na vjen ,

Aj, niçahin do t’ na e jepë !

Na , niçahin qysh me e marrë ,

Gjithë këtë çejz ku me e lanë ,

Qe tri vjet, baba, qi na ka dhanë ,

I kem qorrue sytë e tanë ?!

 

N’ ato fjalë, Selmani ka ardhë ,

Reja e madhe çka po banë –

Selmanin , ngryk e ka marrë !

Këqyr, Selmani se çka u ka thanë –

Tash niçahin du me jau dhanë !

Niçahin, baba, juve jau jepë ,

Se m’ kanë dekë mue të dy djemtë !

Reja e madhe çka po banë ,

Selman Litës , poj jepë gajret –

Babë, me djem , Zoti t’ pjektë n’ xhenet !

Gjysë sahati nuk pe lëshon –

Me lot gjoksin po ja lanë !

Reja e vogël soll pe ngon ,

Edhe ajo, plakin, ngryk e ka marrë .

Nisi plakit, poj  jep gajret –

Babë, me djem, Zoti t’ pjektë n’ xhenet !

Lum baba, a kije naj djalë n’ djep ?

Këqyr Selmani çka poj thet –

I kam dy djem, bijë, ka shtatë a tetë vjeç !

Këqyre reja, çka i ka thanë –

Për qata, babë, kismet kokmi kanë !

I plasi vaji Selmanit e po kanë ,

Këqyre rejës , çka i ka thanë –

Kush të msoj , bijë, kështu me m’ thanë ?

Kështu me m’ thanë , bijë, kush t’ ka msue ,

S’ ka qysh bahet ma mirë për mue ,

Si dy djemtë me mu pas çue !

 

                        Mblodhi dhe shënoi:

                        Demir KRASNIQI