E merkure, 17.04.2024, 11:21 PM (GMT+1)

Mendime

Rilindja: Letër e hapur drejtuar z.Bamir Topi, kryetar, z. Sali Berisha, kryeministër dhe znj. Jozefina Topalli

E shtune, 02.01.2010, 07:34 PM


Letër e hapur drejtuar z.Bamir Topi, kryetar, z. Sali Berisha, kryeministër dhe znj. Jozefina Topalli, kryetare e Kuvendit të Republikës së Shqipërisë


Të nderuar,


Prishtinë, më 29 dhjetor 


Ne punonjësit e gazetës “Rilindja” të Prishtinës , në takimin e fundit, në të cilin biseduam për hallet tona, u morëm vesh t’ua drejtojmë një letër miqësore, që, para së gjithash, ka të bëjë edhe me një pronë  tonën, e cila për disa vite ka ekzistuar në Shqipëri. Fjala është për shtypshkronjën “Eurorilindja”, e cila ndodhet në rrugën “Myslim Mahiri” në Tiranë. Ndoshta, nuk është e tepërt që në fillim të kësaj letre t’ua shpjegojmë historikun e kësaj pasurie, në mënyrë që Ju ta keni më të qartë çështjen për të cilën ju shkruajmë.

Pas viteve ’90, kur regjimi gjakatar serb, i udhëhequr nga krimineli i Ballkanit Milosheviq, u vërsul mbi Kosovën , ndër masat e para ishte edhe krijimi i territ informativ. Mbi këtë platformë , ai regjim pat ndaluar të përditshmen “Rilindja”, e vetmja gazetë e  përditshme , aso kohe, në gjuhën shqipe, në Kosovë. Pavarësisht prej këtij hapi, që ndërmori regjimi, ne punonjësit e gazetës nuk u dorëzuam. Adaptuam një revistë mujore për bujqësi, që quhej “Bujku”, duke e kthyer në gazetë të përditshme dhe duke u munduar në këtë mënyrë të plotësonim zbraztinën informative, që ishte krijuar atë kohë. Mirëpo, nga botimi i gazetës nuk mund të mbahej gazeta dhe kolektivi. Shi për këtë, ne, në vitin 1992, morëm vendim për ta hapur një redaksi të kësaj gazete në Zvicër, e cila funksionoi me sukses deri në vitin 1999. Një qendër e ngjashme e gazetës me emrin “Rilindja” funksionoi edhe në Gjermani. Themelimin e këtyre redaksive me 100.000 euro e pat ndihmuar Qeveria e Kosovës, në ekzil, nga mjetet e taksapaguesve shqiptarë. Të gjitha materialet dhe puna kryhej në Prishtinë, prej ku gazeta dërgohej e gatshme për botim, nëpërmjet internetit. Atë kohë, atje,  u prodhuan mjete të mëdha. Ndërkohë, në redaksinë tonë në Prishtinë merret vendimi tjetër për hapjen e redaksisë së “Rilindjes” edhe në Tiranë, ku edhe nisi të botohej “Rilindja”. Në Tiranë u themelua edhe shtypshkronja me emrin “Eurorilindja”, në të cilën, pos gazetave të përditshme të Shqipërisë, shtypeshin edhe libra dhe materiale të tjera për administratën shqiptare, sepse makinat e shtypshkronjës ishin moderne.

Përballë betejës informative dhe sakrificave që bënim në Kosovë për ta plasuar të vërtetën, “lindën” edhe individë, të cilët shfrytëzuan gjendjen për mrekulli, për të përfituar mbi kurrizin tonë. Edhe “Eurorilindja”, sikur edhe qendrat në Zvicër dhe në Gjermani ranë në duart e përfituesve të luftës. Ata shkuan aq larg saqë arritën edhe të tjetërsojnë pronën tonë në Tiranë. Kohëve të fundit, po flitet se shtypshkronja “Eurorilindja” , që aso kohe pat kushtuar 4.000.000 dollarë, bashkë me truallin dhe ndërtesën, është tjetërsuar dhe në vendin e saj është ndërtuar një apartament banimi. Me një fjalë, prona jonë, e cila u ngrit me djersën, mundin dhe sakrificën e kolektivit, përfundoi në duart e përfituesve të luftës . Të vetëdijshëm për nismën e Qeverisë shqiptare për zbardhjen e fatit të pronave të tjetërsuara në Tiranë, kërkojmë të dimë për fatin e “Eurorilindjes”, dhe një angazhim të Qeverisë Shqiptare për rikthimin e pronës sonë.

Të bindur se këtë çështje nuk do ta lini në harresë, përzemërsisht ju përshëndesim!


Kryesia e Sindikatës së Pavarur të “Rilindjes”


P.s.: Këtë letër, me gjithë përpjekjet, nuk arritëm t’ua dërgojmë udhëheqësve më të lartë të Shqipërisë nëpërmjet Ambasadës Shqiptare në Prishtinë.

 



(Vota: 2 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora